خالد صلاح

برعاية سوبر كورة

سوبر كورة

عطية عبد الحى الشرقاوى يكتب: رسالتى إلى شاومنج

الجمعة، 01 يوليه 2016 03:00 ص
عطية عبد الحى الشرقاوى يكتب: رسالتى إلى شاومنج امتحانات الثانوية أرشيفية

مشاركة

اضف تعليقاً واقرأ تعليقات القراء
مبسوط يا شاومنج بتسريب الامتحانات ؟ وأنا كمان مبسوط عارف ليه ؟
1 _ لأن الدكتور إل إنته غششته هايكون فى يوم من الأيام سبب موت إبنك...
2 _ لأن المهندس إل إنته غششته هايبنى عمارة وإنته هاتصرف تحويشة عمرك وتاخد شقه فيها وفى الآخر تقع عليك انته وعيالك... 3 - عارف يا شاومنج أنا معاك فى إن التعليم فى مصر فاشل وأن كرامة المعلم مهانه وأن مرتبه مبيكفهوش ويمكن إل بيشحت فى الشارع أفضل منه... بس ما ينفعش إستخدم إسلوبك ده فى رد كرامته... - لأن لو بنفس المنطق بتاعك يا شاومنج يبقى لازم نمنع زراعة العنب فى كل الدول الإسلامية عارف ليه ؟؟؟ لأن الخمر بيتعمل منه... - وكمان لازم نعمل إخفاء للكعبة علشان الرقاصات والممثلين ما يشوفوهاش وهمه بيحجوا... ياشاومنج... ينفع كل مصرى مطحون يسرب أسرار بلده علشان يعلم الحكومة الأدب ؟ يا شاومنج شوفت دموع طالب بيذاكر طول السنة وفجأة تلاقى طالب تانى طول السنة بيعاكس أختى وأختك وبنتى وبنتك ويدخل كلية القمة والمجتهد ما يدخلهاش وتنكسر كل أحلامه ؟؟؟ لسه مبسوط يا شاومنج ؟؟؟
1 - مبسوط إن بلدك إتهانت ؟
2 - مبسوط إن الطالب المتفوق إتذل ؟
3 - مبسوط إن الطالب قليل الأدب وصل لسلم المجد ؟
4 - إنته مبســـوط إن فيـــه ناس ممكن تكون بريئه وتدخـــل الســـجن بسببك بتهمـــة إنها أدمن ( مسئول ) الصفحة بتاعتك ؟ عرفت أنا مين يا شاومنج ؟؟
أنا ضميرك سيب المعلم ياخد حقه بطريقته... وسيب الطالب المتفوق يجنى ثمار تعبه... وسيب الفاشل يحصد نتيجة فشله... خليك بطل قومى... وأعلنها صريحة " مفيش تسريب تانى " وبلاش تكون :... " بطل من ورق ".

مشاركة

اضف تعليقاً واقرأ تعليقات القراء

التعليقات 2

عدد الردود 0

بواسطة:

فارس عيسى

برافو

كل كلامك صح 100%

عدد الردود 0

بواسطة:

ابوسويلم

سنباط

كل كلامك صح 100%

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة