ثورة للبنات عبر هاشتاج "وعشان أنا بنت" فى الأكثر تداولاً بـ"تويتر"

شهد موقع التواصل الاجتماعى "تويتر"، مساء السبت، ثورة جديدة للفتيات عبر هاشتاج "وعشان أنا بنت"، الذى عبرت فيه الفتيات عن مشاكل وأزمات تواجههن فى المجتمع لمجرد كونهن إناثاً.

وغرد عدد كبير من الفتيات عبر الهاشتاج، الذى احتل موقعاً متقدماً بقائمة الأكثر تداولاً على موقع "تويتر"، مبرزين الحاجة لتغيير العديد من المفاهيم المتعلقة بالنساء فى مصر، ليس فقط بين أوساط الجيل الأقدم ولكن أيضاً بالنسبة لشباب الجيل الحالى.

وجاءت أبرز تغريدات هاشتاج "وعشان أنا بنت" كالتالى: "عايزة اقول بس إن مش المجتمع بس اللى عامل قيود للبنت، البنات نفسهم بسكوتهم مساهمين فى المشكلة انتى حرة عيشى حريتك"، "وعشان أنا بنت لازم أكون مطيعة لربى قبل كل شىء وربى أمرنى بالعمل والطموح وأمرنى أيضا بحجاب يحمينى"، "وعشان أنا بنت لازم أفكر فى أى خطوة بعملها وفى أى كلمة هقولها"، "هلتزم بخمارى ودينى وصلاتى ومش هغضب ربى ولا جوزى لأنه مش يستاهل منى حاجة وحشة وهكون زوجة صالحة ليه وأم حنونة وجنة لأولادى".

وتابعت التغريدات: "وعشان أنا بنت أخرى كبشة وحلة"، "متعليش صوتك، انتى بنت، مترديش على حد، متتأخريش لبعد الساعة 8"، "لازم أقبل أعيش فى تقاليد ناس هى اللى اخترعتها وبتفرضها على كل بنت ومفيش حد يرضى بيها"، "مكبوتة حريتى"، و"طز فالقطر اللى فاتنى، طز فالحب، طز فالعياط، طز فالناس، طز فى أى حاجه تسببلى عقدة نفسية، ظز عشان أنا بنت طز"