وكتب يوسف: "زى ما كتير منكم تابعوا والصحافة نشرت السنة اللى فاتت صدر حكم تحكيم تجارى ضدى يلزمنى أنا شخصيا بتعويض 50 مليون جنيه، وكثير منكم أيضًا مشكورين باركوا لى على حكم بطلان حكم التحكيم اللى صدر الأسبوع اللى فات".
وأضاف يوسف: "ولكن اللى كثير من الناس مايعرفهوش إن خلال السنة دى تم بذل مجهود غير عادى من فريق دفاع مصرى محترف أغلبه من الشباب اللى فضل شغال بالرغم من توقعات ناس كتير من أساتذة قانون وغيرهم إن الموضوع منتهى، وعشان كده كان لازم قبل ما القضية دى تتقفل وتتنسى أنى أشكر كل واحد اشتغل على القضية دى من أكبر أستاذ لأصغر محامى، وبالأخص د. فتحى والى، ود. محمد صلاح عبد الوهاب، وأستاذ حازم رزقانة، ود. إسماعيل سليم، وأستاذ عبد الله الشهابى، وأخيرًا وليس آخراً أكيد أستاذ هشام فودة مدير فريق الدفاع".
وتابع باسم يوسف: "شكرًا لكل واحد فيكم وأنا واثق إن القضية دى هتفضل يتضرب بيها المثل كواحدة من أغرب قضايا التحكيم فى التاريخ المصرى، إزاى قناة منعت برنامج وعملت بيانات علنية ضد المذيع والشركة المنتجة ومنعت عرض الحلقة المتسلمة، وشوهت سمعتنا، وبعدين حكم تحكيم يديهم 100 مليون جنيه (50 من الإعلامى و50 من الشركة) ويبقى المذيع هو المسئول عن سدادهم".
وأوضح: "وعشان أفكركم، دى فقرة من حيثيات الحكم، اللى المفروض يبقى فى قضية تحكيم تجارى، يعنى فلوس وبنود عقد، مش الكلام الحنجورى اللى مكتوب ده، واللى على فكرة بيوحى إن بتوع بره تنفع معاهم البرامج دى، بس بتوع جوه كخة، وفاقدين أهلية".
عدد الردود 0
بواسطة:
محمد نور
فرجت ياعم