صاحب عمل رزقه الإله
بالصحة وأكوام الفلوس
ويسمعك وأنت معاه....
كل الحكم وأبلغ دروس
ويسبقك على الصلاة.....
وبعدها يطيل الجلوس...
يسأل المولى رضاه.....
ويتمتم أرضى يا قدوس
فجأة تلاقى شيطانه ناداه
وبدل البسمة يحل عبوس
واللى رفعه مرة لفوق....
يلعن جده وعليه يدوس
حالته تحير أحسن عالم
وتشتت اجدعها رؤوس
تسأل عنه تلقاه ف مكة
يتمسح فى البيت ويبوس
يرجع تلقاه إنسان تانى
بيحن لعادات وطقوس
إنه يعذب خلق الله....
ويعيشهم كده فى كابوس
ويهددهم فى الأرزاق ...
وأن معاه هوه الفردوس
ووعوده دايما ينساها....
وقدام وعده تملى نكوص
أحمد ربى جل علاه.....
وحده عليم بقلوب ونفوس
هو وبس بتترجاه.......
وخزاينه ما تعرفش نقوص
ورزق عبيده بيتولاه.....
لا بايد ظالم او مهووس
محل بقالة - أرشيفية
لا توجد تعليقات على الخبر
تم أضافة تعليقك سوف يظهر بعد المراجعة