"وعشان محترمة"وكمل أنت الباقى.. هاشتاج بناتى يتحول لمساحة "تريقة" على البنات

"عشان محترمة بيقولوا عليها عسكرى.. بتشمر القميص لحد كوعها بس.. بتغمض عينيها وهى بترقص.. بتطلع شعرها من الحجاب".. هذه أبرز الردود الساخرة التى أطلقتها الفتيات وشارك بها الشباب على تويتر فى هاشتاج جديد تحت اسم "وعشان محترمة..".

وجاءت الردود متنوعة ما بين الساخرة من أفعال الفتيات غير المحترمة وما بين التى تتناول الأفعال الإيجابية التى يجب أن تقوم بها كل فتاة محترمة.

وترى الفتيات أنها "عشان محترمة مش هتطلع شعرها من الحجاب.. مش هتحط الموبايل فى الطرحة.. مش بتشتم فى الشارع وتعلى ضحكتها.. بتعامل الناس بأسلوب كويس.. بتعمل حدود ومش بتحط ماكياج.. كل صاحباتها الشمال اتخطبوا قبلها.. هيقولوا عليها معقدة".

فى حين سخر الشباب قائلين "وعشان محترمة بتنزل نصف وشها بس على تويتر.. معندهاش أكونت على إنستجرام.. بتشمر البنطلون وتلبس الخلخال وتشخلل زى الحصان.. بتحط صورة لقفاها بس على الفيس بوك.. مش بتشيش على الكافيه جنب بيتهم بتروح كافيه بعيد شوية.. أما بتروح فرح بترقص بكتفها بس".

وانتقد الشباب الهاشتاج قائلين "وإشمعنا مفيش هاشتاج اسمه "وعشان محترم".. محدش أحسن من حد.