أشرف المتولى محمد يكتب: عالبركة سيرى

يا ست البلاد
يا أم الأممْ
يا فاتحة حضنكْ
بملو إيدكْ
لكل العربْ
الله يباركْ
أرضكْ.. ترابكْ
وكفاح ولادكْ
على طول تاريخكْ
فوق القممْ
والتربة خصبةْ
والنيّة صافية
مدّه المساعدة
طبعا يا غالية
ماانت الهرمْ
إنت إللى شيلتى
همّى وكوارثى
وإنت إللى صونتى
ابنى وبنتى
أرضى وعرضى
مين ده إللى ينكرْ؟
أصل الكرمْ
دم الولادْ
عالأرض سادْ
بين العبادْ
والقدس شاهدة
فى الفالوجا
والجزاير
حتى اليمنْ
ماانت العَلَمْ
وانت الأملْ
فيكِ الرجالْ
أقوى صلابةْ
من الحديد
وسط الجبالْ
شقوا الجسورْ
علّوا السدودْ
رسموا الصليب
وسط الهلالْ
وقت المحنْ
كتب القلمْ
مسلم مسيحى
كتبوا تاريخى
بين الأممْ
ويوم ماتيجى
مرّة تنادينى
وتمدى إيدكْ
لأهلك وناسكْ
أصرخ وأقولكْ
دا لسّه فاسكْ
زارعة الكرمْ
ولسّه خيركْ
من جوة نيلكْ
لحم كتافة
يشهد عَلَنْ
عالبركة سيرى
إحنا وراكِ
ودا شىء طبيعى
ما إنت المثلْ
يا أم الأممْ
من الخليج
حتى المحيطْ
أنا من غيركْ
أبقى عَدَمْ