بالفيديو..أهالى "تل العقارب"بالسيدة زينب يستغيثون:"عاوزين نعيش فى نظافة"..مواطنة: "انقلونا فى بيوت جديدة أو سيبونا نطورها".. وآخر:"المحترم ميعرفش يعيش هنا"..ومسن:"العقارب والثعابين بتطلع وإحنا نايمين"

تل عقارب منطقة عشوائية وسط حى السيدة زينب، هل كان يعلم من سما بهذا الاسم أنها سيسكنها فعلاً العقارب والثعابين، أناس يعيشون بهدف واحد، حياة أفضل، بيوت أنظف، مياه نظيفة، صرف صحى، حيث توالت الحكومات عليهم واحدة تلوا الأخرى، تجمع فى أوراق بأسمائهم رقم قومى، شهادات ميلاد، عقود منازل، وأهم من ذاك وذاك وعود بالتجديد وتطوير المنطقة ونقل العائلات إلى مناطق أخرى أجمل وأكثر نظافة، ولكن حتى الآن لا جديد.

كاميرا فيديو 7 قناة اليوم السابع المصورة رصدت معاناة منطقة "تل عقارب" بحى السيدة زينب، والتقينا بوفاء محمد عبده 63 عاما ربة منزل تعيش فى منطقة تل عقارب منذ ولاتها، والتى طالبت المسئولين إما باستبدال بيوتهم بأخرى جديدة ونظيفة وإما تركهم يطورونها ويجددوا فيها حيث قالت ”عاوزين حد يقول لنا صلحوا البيوت مش نصلح ونصرف فلوس وبعدين يشلوها يعنى نضيع فلوسنا على الفاضى، معظم الناس هنا عندها شقق بره عايشين فيها وقافلين هنا عشان يخدوا شقق تانى من الحكومة".

أما السيد هيكل سيد على من أهالى المنطقة يقول:”الحى جه هنا شهر 2 ولم ورق ودوسيهات عشان المنطقة تتشال ووعدونا بشيل المنطقة ومفيش حاجة اتشالت، وما فيش مياه ولا مجارى، مش عايش هنا غير المجرم والبلطجى المحترم مايعرفش يعيش هنا يتسرق ويتبهدل والحكومة مابتحميش حد، عاوزين المنطقة دى تتشال من جدرها”.

“عاوزين نطور ونعيش بنظافة، بقالنا سنين هنا عاوز أمشى هقعد فى أوضة طول عمرى“، هكذا قال فاروق رجل يبلغ من العمر الكثير شاهد عيان على حياة الشقاء التى يعيشها أهالى هذه المنطقة البائسة، وتابع فاروق” الحكومة سجلتنا ومحمد صبحى جه وقال هنمشوكم من هنا وقال فى التليفزيون أن عمل لنا بيوت جديدة وماشوفناش حاجة”.

ويقول أبو السعود من أهالى المنطقة: “الناس هنا على الله كل اللى هى عاوزاه موقف جاد من الحكومة سايبنا 4 سنين بعد ما حصرونا ومحدش جه تانى، إما يشيلونا كلنا ويمشونا، أو يدخلولنا ميه وصرف صحى وإحنا نصلح، الناس هنا تعبانه كل شوية تطلع العقارب والثعابين والواحد نايم، عاوزين حل".