كرم بدرة يكتب: نصيحة خالد صالح الأخيرة

رسالة المغفور له خالد صالح إلى شباب مصر، عندما سألته المذيعة القديرة منى الشاذلى عن حلم له للبلد وللعمل وأولاده، وكأن الله أراد أن يخرج من لسانه كلام يمس قلوبنا كلنا من شخص ميت فى أقرب وقت وكأن الله أجرى على لسانه الحق، قال خالد صالح رحمه الله، "اللى جاى مرهون فقط بقدرتكم على التغيير مفيش مخلص مفيش حد هيجى ولا حدث هيحصل يخلينا زى الفل لازم نبذل جهدا يعنى كوباية الشاى لو حطيت فيها سكر مش هتحلى إلا لما تبذل جهدا بتقليب الشاى، لازم جهد وتعب، إحنا بنعيش لحظة أجيال كتير معشتهاش احنا بنعشها لأول مرة بس مش مصدقنها، ومش مصدقين أن التغيير هيجى مننا إحنا بنطلب بس من الشباب "أرجوكوا أرجوكوا زى ما واحد مثلى خد منكم الحماسة، وخد منكم الجرأة وخد منكم حجات كتير حلوة".

"خدوا مننا الخبرة مترفضوهاش متبقوش منفلتين فى الحرية، الحرية حاجة جميلة جدًا، ولكن أصل الحرية أننا كلنا نكون مرتاحين مش تعبانين مش إننا كلنا نقول "لاااااااااااااااا"، خدوا مننا الخبرة المحمودة مش الصبر اللى ميوديش لحاجة، لا الصبر المتحرك الفاعل الجميل زى ما احنا خدنا منكم كتير أنا بكلم كل شباب مصر "احنا خدنا منكم كتير لكن أنا بعيب عليكم بمنتهى الحب إنكم مختوش مننا شوية حكمة شوية صبر مع هذه القدرة على التغيير يبقى فى عقل لأن مفيش بلد هتمشى من غير حكمائها اللى منها مش حكمائها بس اللى سيقينها".

نقطة ومن أول السطر الله يرحمك يا خالد صالح ويطيب ثراك.

عندما شاهدت أنا هذه الحلقة أدركت أنه كلام حق أجراه الله على لسان الراحل الكبير خالد صالح، إنها كلمات يا سادة رسالة قوية لشباب مصر، وخصوصًا الثوار منهم إنك لابد وأن تنخرط فى المجتمع بالتوعية وأن تقبل الآخر وأن لا تتعصب لوجهة نظرك الضيقة لقد أزهلتم العالم، ولكن استعجلتم قطف ثمار نجاحكم غرستم شجرة حكم الشعب التى سوف تنمو ولن يستطيع حاكم على وجه الأرض أن يغير شعب شم رائحة الحرية فى ميدان التحرير.

ولى فى ذلك مثال أسقط الشعب حكم أذناب الحزب الوطنى فى انتخابات 2012 وسوف يسقط الشعب أيضا أذناب الإخوان فى انتخابات مجلس الشعب عام 2014.

إنه أذكى شعب على وجه الأرض لا تخف ولا تحزن يا خالد إن الشعب سوف يصنع مالم يتصوره عقل.

يا رب أسكن خالد صالح جناتك وتجاوز عن سيئاته.