خالد صلاح

برعاية سوبر كورة

سوبر كورة

عبد الحميد بدوى يكتب: عينيكى بتخطفنى خطف

الخميس، 25 سبتمبر 2014 10:15 ص
عبد الحميد بدوى يكتب: عينيكى بتخطفنى خطف محاكاة العيون - أرشيفية

مشاركة

اضف تعليقاً واقرأ تعليقات القراء
حلو الحب بس اللى أحلى منه عينيكى
حلو الحب بس اللى أحلى منه لمسة أيديكى
كلك طيبة وكلك عطف
زرعه فى قلبى جناين ورد
أقطف وحدة تملأ الكون حب فى حب
عنيكى غنوتين حلوين
عنيكى دنيتين حلوين
عنيكى بتخطفنى خطف
مش عارف إذا كنت فى جزيرة ولا أنا ع الشط
قوليلى فين القلم وفين الورقة وفين أول السطر
بيقولوا قواعد الشعر نحو وصرف
ووزن وفعل وكلام لا يودى ولا يجيب
وأقرأ فى البحور وبحر الكامل وبحر الرجز
وأنا عندى عينيكى هى النبع وهى البحر
وهى الشعر وهى الاصل
عينيكى بتخطفنى خطف
صدقينى باكتب وخلاص بس بكتب بإحساس
ولا غاوى نحو ولا غاوى صرف
دى عينيكى مرسومة رسم
عينيكى هى الوحى
تعالى قربى متبعديش
متضيعيش الوقت
لما بتبعدى عنى
بهرب فيكى منى
وباخد صورتك فى حضنى
ودا كله غصب عنى
أكمنى بحب بجد
عايش عايش على وعد
مايكنش بينا بعد
يالى حبك من السما أنفرض فرض
مين اللى قال أنى أنا بأكتب شعر
أنتى القصيدة وأنتى الوطن وأنتى الأرض
عينيكى ما بشفهاش بعنية
بحسة بقلبى وكل حتة فيه
عينيكى فيها زمانى
عينيكى قلبت كيانى
جمالهم كتير عليه
وقوليلى منين أيجيب صبر
هاتى عينيكى خلى الكون يكتب شعر
خلى العالم يرسم ورد
أملى الكون حب فى حب
غيرى شكل الارض
يالى حبك من السما أنفرض فرض

مشاركة

اضف تعليقاً واقرأ تعليقات القراء

التعليقات 2

عدد الردود 0

بواسطة:

قارئة

اسعد الله قلبك

كلماتك جميـــــــــــلة

عدد الردود 0

بواسطة:

ahmed salah

وجعل بينكم مودة ورحمة

romantic words

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة