مصريون باليونان يطالبون السيسى بتوفير الأمن حال انتخابه

طالب عدد من المصريين المقيمين باليونان المشير عبد الفتاح السيسى بأن يحميها مصر بصدق، مؤكدين أنهم سيكونون وراءه فى كل خطوة يخطوها.

وأكدوا أنهم تحملوا مشقة السفر من قرى ومدن اليونان لمقر السفارة بأثينا، من أجل انتخاب الفريق السيسى.

وقال أحمد عبد الهادى الجمال 50 سنة، من عزبة البرج بدمياط: "بقالى شهرين فى اليونان مقيم وبدور على شغل ومستلف حق التذكرة عشان أجى هنا ومصدقت وجيت عشان انتخب السيسى البطل الهمام اللى خلصنا من الإرهابيين اللى مايستحقوش يعيشوا فى بلدنا، ولكنهم رفضوا لأن جوازى اخضر وقديم، فلازم يلقيلنا حل، ولو معرفتش انا هخلى مراتى وعيالى يروحوا ينتخبوه فى البلد".

ومن أمام صندوق الاقتراع قال إبراهيم مختار "أنا أول مرة ليه أجى الانتخابات فى اليونان وجيت مخصوص عشان مصر وطلبى الوحيد للفريق السيسى أن يحب البلد بصدق ويخلص لها بصدق ويحميها بصدق لأنه قادر على ذلك".

أما السيد إسماعيل عمر المزين والذى عاش فى اليونان 42 عامًا ويعمل صيادًا أكد أن "الانتخابات نزيهة والسفارة بتساعدنا ومسهللنا الأمور وبنروح ونيجى على الشغل الخاص بينا ويا ريت السيسى يهتم بالتعليم فى مصر ويعرف الشباب إن بلدهم محتجاهم وأن الغربة جوه مصر أصعب من الغربة براها".

فيما قال الشاب هانى مهنى أبو سمرة، صياد، لم يتجاوز الـ30 من عمره "إنه أتى لانتخاب السيسى ويطالبه بأن يهتم بالفقراء لان بلدنا فيها حاجات كتير حلوة، ولم يختلف معه المهندس أمام عوض الذى عاش باليونان 30 عاما، مؤكدًا "الشيلة تقيلة وكبيرة وربنا معاه وإحنا وراه، ويا ريت ينفذ برنامجه اللى أعلنه لأنه واقعى وقائم على المعطيات الموجودة بالمجتمع المصرى داعيًا له بالتوفيق".


فيما قالت مايا من الإسكندرية، "إنها جاءت لتنتخب السيسى لأنه بيحب مصر"، وتابعت: "وإحنا معاه هنساعده"، فيما وقفت تريزا صديقتها أم لخمسة أولاد أنها لم تأت للاستفتاء لكنها حرصت اليوم أن تكون فى الانتخابات "عشان ربنا يوفق البلد والسيسى أنه يحميها ونقدر ننزل وولدنا ينزلوا ونمشى بأمان"