إعلان وزارة الكهرباء عن ترشيد الاستهلاك يثير سخرية النشطاء

"رشدى رشيد رشدى من فاتورة الكهربا عمره ما يشتكى لأن رشدى عارف بذكائه إزاى يرشد استهلاكه.. افتكر قبل ما تنام تقفل الأجهزة من المشترك تبقى راجل تمام ..والفاتورة عمرها ما تعورك، وبكده فى الكهربا أوفر وفلوسى فى جيبى تكتر، "، هذا الإعلان الذى يبثه التليفزيون المصرى والذى أثار مؤخرا موجة واسعة من السخرية بين النشطاء على مواقع التواصل.

وعلق أحد النشطاء ساخرا: "يعنى لو كنتم قطعتوها فى الشتا كنا قولنا ماشى لكن تقطعوها فى الحر ده وفى امتحانات الثانوية العامة!!".

فيما تهكم أحد النشطاء من ارتفاع تكلفة فواتير الكهرباء على الرغم من انقطاعها أغلب الوقت فى فصل الصيف، قائلا: "المهم إن الكهرباء قاطعة دائما والفواتير عالية، وفروا أنتو شوية فى الفلوس.. الموضوع بقى مش محتمل".

وعلقت إحدى الناشطات على دعوة الإعلان لترشيد الكهرباء قائلة: "أوعدك أوفرها بس هى تيجى، وهى فين الكهربا من أساسه عشان الناس توفرها".