البرنس ينفى انتقاله للسكن بفيلا فى سموحة.. ويؤكد: لم أغادر شقتى

نشر حسن البرنس، نائب محافظ الإسكندرية، على صفحته الرسمية على موقع التواصل الاجتماعى "فيس بوك"، رسالة انتقاد لأحد متابعيه كالتالي: "البرنس قاعد فى فيلا فى سموحة بالصدفة أنا بتواجد فى هذا الشارع باستمرار لأن فيه محل أنا بتعامل معاه فى الشغل، المهم اتفاجئنا إن الشارع اللى كان مظلم والناس كانت بتبلغ كل يوم عشان الحكومة تصلح النور ومحدش سائل وإذ فجأة لقينا العمدان كلها اتصلحت والمجارى اللى كانت طفحة اتسلكت وأقسم بالله إن العمدان كانت بتفضل شغالة ليل ونهار والمفاجأة كانت إن عم البرنس سكن جديد فى هذا الشارع على فكرة الشارع ده بتاع مسجد على ابن أبى طالب ربنا هو المنتقم الجبار".

ورد حسن البرنس قائلا: لم أغادر شقتى التى أسكن فيها منذ سنين طويلة وجميع أعمامى توفاهم الله وتغمدهم برحمته.