مصر الحلوة بتاعة زمان فى صور مع "محمود" على رصيف ميدان "الإسعاف"

وسط زحمة الميدان وكثرة بائعيه.. استقر هو على حجر صغير وفرش أمامه بضاعته التى لا مثيل لها فى ميدان الإسعاف- هذا المكان المتسع- "محمود" لم ينشغل بصخب الميدان وظل يعرض بضاعته التى جمعها بدقة متناهية ليرى فيها المشترى "مصر الحلوة" أيام زمان، صور لميدان التحرير وغيرها لشوارع القاهرة قبل أن يجور عليها الزمان وتتحول إلى ما هى عليه الآن.

"محمود حسن"، شاب ثلاثينى، عشقه لقاهرة المعز قديماً جعله يفكر فى أى عمل يعوض حنينه إلى شوارعها قديماً، بالإضافة إلى تكسبه منها قدر الإمكان، يحكى لـ"اليوم السابع": "أنا بحب شكل شوارع مصر قوى أيام زمان لما كانت نظيفة وواسعة وجميلة، أنا معرفش إيه اللى جرى لمصر وبقيت بالشكل ده، علشان كده أنا قررت أطبع صور مصر زمان طباعة كويسة وأبيعها للناس لأن معظمهم بيحبوها زيى أيام زمان".

يصمت قليلا ويوجه حديثه إلى المشترين الذين فتحوا جدلاً واسعاً حول الزمان الذى التقطت فيه هذه الصور، ويجتذب محمود منهم طرف الحديث مصححا ًلأحدهم معلومة تاريخية، ثم بابتسامة رائقة يستكمل حديثه إلى من تجمعوا حوله من كل مكان ليشاهدوه كيف كانت مصر قديماً، يؤكد محمود، "أنا نفسى يبقى عندى مكان كبير أعرض فيه صور مصر أيام زمان مش بس علشان أكسب لا علشان الناس يعرفوا مصر كانت حلوة إزاى أيام زمان ويحاولوا يرجعوها كده".