فيسبوك
واتساب
صباح مصرى
بريحة الدقة والشيشة
صباح عطر القلوب فايح
بيتشاقى على العيشة
صباح الطرحة ملفوفة
على وش النهار ضلة
صباح الجرى على الأرزاق
صباح الوردة والفلة
صباح صابح
بصوت مبحوح
لكنه لسه بيغنى
بيعرف
رغم خوفه يبوح
وبيزغرط وبيهنى
صباح الفكرة فى الجرنان
وعصفور السما الطاير
بيسترزق فى يوم حيران
ما بين راضى وبين ثاير
صباح الزحمة فى الأتوبيس
صباح لمه طابور العيش
صباح محدود بحد السور
صباح خايف من التفتيش
صباح النور على بلدى
صباح النور
