الرئيس السيسى: الوقت حاسم.. وإحنا محتاجين "نمد ونجرى"

الأحد، 15 مارس 2015 02:03 م

الرئيس السيسى

كتب محمد الجالى- مصطفى النجار- محمد شعلان- أمنية جلال - تصوير عصام الشامى

اضف تعليقاً واقرأ تعليقات القراء

قال الرئيس عبد الفتاح السيسى، فى كلمته الختامية بالمؤتمر الاقتصادى فى شرم الشيخ: "كنا بنتكلم مع الشركة اللى هتعمل العاصمة الجديدة وإن المرحلة الأولى ممكن تأخذ 10 سنين، وأنا قلت مش هينفع لأن كمان 10 سنين نكون زدنا 26 مليونا، لو استمرينا بالمعدل ده".

الرئيس السيسى يرحب بالمشاركين فى الجلسة الختامية للمؤتمر الاقتصادى العالمى

وتابع: "الوقت حاسم وعلشان كده هنأكد فى كلامنا مع كل المسئولين للشركات أن إحنا مستعجلين علشان إحنا متأخرين ولازم نمد أو نجرى".

ووجه كلامه إلى المستثمرين، قائلاً: "محتاجين نتحرك بسرعة أكبر من كده وهعطى مثال لشركتين.. كنت قاعد مع مدير شركة سمينز وكنا بنتكلم على ممكن عمل محطة للطاقة من 30 إلى 36 شهرا، فقلت له ممكن سنة ونص قال ده يبقى تحدى قلت يبقى عايزنها من سنة إلى سنة ونص وإذا كنا عايزين نساهم فى تنمية البلد فلابد أن يكون الشغل ليل نهار".

الرئيس السيسى يطالب بجلوس الحاضرين فى المؤتمر الاقتصادى

وتابع الرئيس: "النقطة الثانية التكلفة المالية رعونا فيها شوية وأنا بقول الكلام ده لنفسى ولكل اللى يسأل وبقول كده لنفسى والمستثمر اللى جاى يساعد، وبقول كده لأننا عايزين نبنى بلدنا وندى أمل حقيقى للناس وعلشان نعمل ده نعمل كل حاجة مشروعة".