خالد صلاح

نصر فتحى اللوزى يكتب: يا ولاد بلدى

الجمعة، 09 فبراير 2018 08:03 ص
نصر فتحى اللوزى يكتب: يا ولاد بلدى مشروعات


إضافة تعليق

والنبى يا اسمك ايه قول لاسمه ايه يبطل هبل
غاوى نكد بفرقعة أوهام الخلافة باين اتسطل
الخلافة عدالة مش صوت عالى رنينه الضلل
ربنا يشفيك يامريض النفس يامليان كل العلل
ياجاهل دفاتر المتحدة بالحقيقة ومن غير كلل
***
والنبى يا اسمك ايه نبه اسمه ايه عن الحكاية
أصيل متأصل زى جده سليم لص من البداية
قتل أخين طاوع أبليسه لما قاله أمشى وراية
بقت الخسة عايشة فى دمه حرفه مش هواية
حسود يحب خطف حق غيره بالضلال حداية
***
اتلم المتعوس مع خيبة الرجا آل ايه حبايب
بتاع البيت الأبيض والدلوعة المدلل الخايب
أوهامهم مريضة مسمومة زى دخان البايب
دلدول للمعتوه أبو شعر أصفر وعقله غايب
***
يا ولاد بلدى اوعوا تقلقوا على الحدود أبدا
جنود مصر بجرأة الحق يبددوا كذبهم بددا
السيسى أنذر بالحفاظ عليها ومتعمدا عمدا
كل معتدى له تحت كل بيادة كل وحش لحدا
بنا تحيا مصر نصرا أو بشهادة عزا ومجدا
***
يا ولاد بلدى تعالوا نبقى زى أسنان المشط
سواسية وندوب فى حبها زى نهر بلا شط
وصوتنا للى وهب نفسه يبنيها يكره اللغط
زاهد فى حبها قراره وطنى ميعرفش ضغط
الخير بيناديه زراعه صناعة وكمان النفط
***
يا ولاد بلدى دوسوا معايا كل أعداء النجاح
عشاق الكراسى قاموسهم مفيش فيه فلاح
ابن مصرنا بنا ومقاول وعايش لها سواح
رجعها للعالم ريادة وقلبه عليها صحصاح
لمية نيلها كسب رضاهم بسياسة الإصلاح
***
أختم كلامى وأنا عايز يا سيسى معاك اتكلم
خطواتك جوه البلد خير وكمان بره يا معلم
كلماتك بالصدق طريق للخير عليه بتصمم
كمل المشوار بنا كلنا والغير فينا لا يتحكم
تحيا مصر نعم تحيا وأعمالك أمجاد تتكلم
 

إضافة تعليق



لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة