تعالوا فى عيد الحب بالحب نتجمع
وبصوت عالى لأخر الدنيا يرن ويسمع
ننده على الحب يرجع لينا تانى وبيه نتمتع
وبالحب ننسى كل اللى فات
ننسى كل اللى كان بنا من خلافات
نفتكر، بس أن إحنا أخوات
وفى عيد الحب أقول لأخويا
صدقنى وحشتنى يا ابن أمى وأبويا
إزاى مقدرش أحبك وأنت ميراثى فى الحياة
دا أنت ظهرى وسندى لو فى يوم قلت آه
دا ربنا وصانا وقال حب عدوك
يبقى إزاى تقدر تكره أخوك ابن أبوك وأمك
دا إحنا اللى بنا إخوة كلنا فى طبق واحد وأتربينا فى نفس الدار
ودمى بيجرى فى دمك وعمر مايبقى بينا فيه أى تار
لازم بالحب نتلم وبعض نتقوى ونتشجع على الزمن القاسى الغدار
بالحب ننسى كل اللى فات
رغم كل شىء لازم نفتكر بس أن إحنا دايما هنفضل اسمنا أخوات
تعالوا بالحب نسامح
دا ربنا، بيغفر ويسامح
تم أضافة تعليقك سوف يظهر بعد المراجعة