خالد صلاح

رواد السوشيال ميديا يتساءلون: "إيه اللى جرالك يا إسكندرية".. سور كوبرى يسقط بالمارة وبلكونة تقع على تاكسى ويموت صاحبه.. وأحدهم يقترح: إحنا نلم من بعضنا ونؤجر طيارة هيلكوبتر ونبخر عروس البحر المتوسط ونذبح عجلين

الجمعة، 12 يناير 2018 03:34 م
رواد السوشيال ميديا يتساءلون: "إيه اللى جرالك يا إسكندرية".. سور كوبرى يسقط بالمارة وبلكونة تقع على تاكسى ويموت صاحبه.. وأحدهم يقترح: إحنا نلم من بعضنا ونؤجر طيارة هيلكوبتر ونبخر عروس البحر المتوسط ونذبح عجلين حوادث الإسكندرية


كتب محمد تهامى زكى
إضافة تعليق

تعدد الحوادث على مدينة الإسكندرية الجميلة منذ بداية العام الجديد، بدأت بحادث سيارة ملاكى يقودها طالب، واصطدامه بـ3 شباب على كوبرى ستانلى، مرورا بسقوط بلكونة على سائق تاكسى فى منطقة محمد نجيب، حتى حادث انقلاب سيارة نقل ثقيل محملة بالأخشاب على سيارة ملاكى بالطريق الساحلى الدولى فى منطقة الكيلو 21.

ما بين هذا وذاك، اقتبس رواد مواقع التواصل الاجتماعى جملة الفنان الراحل خالد صالح فى فيلم ابن القنصل عندما قال: "مالك يا بلد.. جرالك إيه يا إسكندرية"، مقترحين بضرورة تبخير المحافظة لعل الحوادث تبعد عنها، حيث قال مصطفى مدحت: "إحنا نلم من بعضنا كده يا اسكندرانية ونروح مأجرين طيارة هيلكوبتر فيها مبخرة كبيرة وناخدها ونبخر بيها اسكندرية وكام محافظة كده جنبها ده لو فضل الطيار عايش أصلا".

سقوط بلكونة على تاكسى فى محمد نجيب
سقوط بلكونة على تاكسى فى محمد نجيب

وقالت سمر جابر: "انتو يا اسكندرانية لازم تبخروا البلد وقبل البخور تلموا من كل واحد فيكوا جنيه على الأقل وتجمعوا المبلغ وتطلعوا صدقه لوجه الله عشان كده عقبال ما تخلص 2018. هتكونوا خلصتو مع البلد"، فيما قالت أسماء البريمى: "الطف بينا يارب، بقيت أخاف أعدى الشارع من كتر الحوادث، إسكندرية عليها ندر".

انقلاب سيارة نقل محملة بالأخشاب
انقلاب سيارة نقل محملة بالأخشاب

أما محمد عطا الشافعى، فقال: "اسكندرية اتنظرت ولا إيه ياجدعان، من أول السنة كل يوم حوادث، يارب سلم سلم"، وقال عبد الله سالم: "ايه اللى حصلك يا بلد، ده من أول يوم فى السنة والحوادث على ودنه"، فيما قالت دودى على: "هى اسكندرية مالها، فى إيه بجد، حاجة غريبة جدا بتحصل فيها، يا ستير يارب"، وقالت ياسمين أحمد: "فيه إيه يا إسكندرية؟ مالك يا حبيبتى إيه اللى جرالك، اتحسدتى ولا إيه، اسم الله عليكى"، وقالت أوشا حاتم: "إسكندرية عايزة تتبخر يا جماعة، دى عين ورشقت، مش كده، كل يوم من أول السنة حادثة".

اشتعال سيارة على الطريق الساحلى بالقرب من شارع 45
اشتعال سيارة على الطريق الساحلى بالقرب من شارع 45

وقال حسن شاهين: "يا جماعة حد يفصل المودم بتاع إسكندرية ويشغله على نظام 2017"، فيما قالت رشا فوزى: "أنا مش عارفة إيه اللى بيجرا فى إسكندرية، فى اليوم 3 أو 4 حوادث، ربنا يحفظها"، وقال سعيد فاضل: "2018 ما شاء الله داخلة شمال على الإسكندرية حوادث وقولوا عادى، إنما توصل لحوت كمان"، فيما قال حساب باسم دقة قلب: "حد يبلغ محافظ الإسكندرية يذبح عجلين، كده مش هتعيش لشهر فبراير، كل دى حوادث فى 4 أيام بس، أهلا 2018 ولطفك يارب".

1
 

 

5
 

 

أسماء
أسماء

 

تصادم سيارتين فى منطقة المندرة
تصادم سيارتين فى منطقة المندرة
حادث تصادم فى المندرة
حادث تصادم فى المندرة
حسن شاهين
حسن شاهين

 

دودى
دودى

 

سعيد
سعيد

 

سمر جابر
سمر جابر

 

عبد الله سالم
عبد الله سالم

 

محمود عطا الشافعى
محمود عطا الشافعى

 


إضافة تعليق



التعليقات 2

عدد الردود 0

بواسطة:

مصري

يا عالم افهموا

يا عالم افهموا اسكندريه من بعد المحجوب يتيمه ملهاش اب وصاحب وقريبا ستعلن محافظه فاشله

عدد الردود 0

بواسطة:

عماد

مطلوب فورا

مطلوب فورا عودة الاكصدام القديم فى السيارات لان الاكصدام الجديد والذى بلون السياره ومن البلاستيك غالبا لا يفعل شئ مع التصادم بينما الاكصدام القديم كان معدنى والكثير منه كان اسفله سوسته تمتص الصدمات واذا كانت هناك سيارات كثيرة نزلت السوق بدونه  فيجب من المرور السماح للسيارات بنركيب اكصدام معدنى اخر امام الاكصدام الحالى ولا اعرف من يعتقد بان الاكصدام  يقلل من شكل السيارة؟؟؟ الامان اهم

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة