تحدث النجم محمد إمام عن تصرف الفنان الشاب أحمد الفيشاوى وتلفظه بلفظ خارج فى حفل افتتاح مهرجان الجونة السينمائى ونشره فيديو اعتذار أمس يوضح فيه سوء التفاهم، قائلا: "أنا بحب أحمد الفيشاوي.. مشكلة أحمد أنه عايش بدماغ غربي في مجتمع شرقي متحفظ جداً، بيغلطوا آه بس مايحبوش اللي بيحبوهم يغلطوا".
احمد الفيشاوى
وأضاف الزعيم الصغير عبر حسابه الشخصى على موقع تبادل الصور "إنستجرام"، "أنا عشت مع أحمد أيام في بيت الاستاذ فاروق الفيشاوي ومدام سمية الألفي وماشفتش منهم غير كل حب، والأستاذ فاروق من ألطف الشخصيات اللي ممكن تشوفها في حياتك ، ومدام سمية من أجمل الأمهات، ده غير ان اول مسلسل ليا في حياتي كان مع الاتنين دول وعلي فكرة احمد الفيشاوي ده من أقوي الممثلين اللي في مصر سيبوه يعيش حياته زي ما هو عاوز و انتوا عيشوا حياتكم زي مانتوا عاوزين".
واختتم محمد حديثه قائلا: "البوست ده مش دفاعاً عن أحمد ، هو فعلاً غلط و اعتذر ، بس كان في كلمتين لازم اقولهم بحق العيش و الملح و العِشرة اللي بينا".
عدد الردود 0
بواسطة:
خالد طه
لا اتفق مع محمد امام
دماغ غربي ؟؟ يعني يخلف من بنت و ينكر اللى عمله و يقول مش بنتي و لما الموضوع يوصل للمحكمة و DNA يرجع يقول غلطت ؟ كل التقدير للفنانة الرقيقة سميه الالفي - لمرضها ربنا يشفيها - نحترمها و نقدر فنها الراقي .. و لكن فاروق الفيشاوي شخص غير ملتزم .. و بعدين الدماغ الغربي محترم و يتكلم بموضوعية و لا يهين احد !! هذه الطريقة ستقوده ان يبعد الجميع عنه و يفقد احترام المجتمع و بالطبع لن يدعي لمهرجان ولا حتى لحفلة علشان لسانه و استهتاره !! ان كان لسه صاحبك و بيسمع كلامك .. قول له كخ .. عيب يا .. و الاحسن انه يقعد على الكرسي و لا يتحدث
عدد الردود 0
بواسطة:
مواطن مصري
الي تعليق استاذ خالد طه نفسي اشوفك يامحترم وياريت تشوف تعليقي على احمد مالك
النهارده الصحافة والاعلام والفن بيشجعوا الشباب المصري انه يعمل اي حاجة ويرجع يعتذر ( حاجة حلوة والله ) احمد مالك وازمته مع رجال الشرطة المصرية ورجع اعتذر ( طيب بكرة امشي في ميدان التحرير واقول الفاظ بذيئة واعتذر ) وخلصت الناس دي المفروض انهم بيخاطبوا عقول اجيالهم يعني انتم حتظلعوهم شباب اعمل اللي انت عايزه واعتذر هاههااهاه عيل وغلط لا بجد برافوا
عدد الردود 0
بواسطة:
مواطن مصري
دمااااااغ
هذا الشخص ووالده تصرفاتهم غير مسئولة ونصيحة لكل منتج أو مخرج عدم الاستعانة بهما ويضاف اليهم الخائن عمرو واكد والمدعو احمد مالك
عدد الردود 0
بواسطة:
احمد فتحي شريف
هذا هو الفني
الانحدار الي وصل بي الفن المصري هو الي احنا شيفونها قدمنا دلوقتي لا والبجاحة كمان ان في ناس بدافع عنه احمد الفشاوي مثال حي لجميع فناني مصر في الوقت الحالي فالفن الأن اصبح تعري وعربده وخمور ودعارة واي حد يقول غير كدا يبقي بيكدب علي نفسه وصل به من الانحطاط والسفالة ان يتلفظ امام الملايين وهو مخمور هذا هو الفن المصري يا سادة هذه هي حقيقة فنانين مصر عربدة دعارة خمور قل ماشئت هذه هي الحقيقة.
عدد الردود 0
بواسطة:
تيتو
الزعيم الصغير
هو انت كمان خدت اللقب ورث عن بابا
عدد الردود 0
بواسطة:
خطاب
التوريث
طالما كل حاجة اصبحت توريث في الفن والطب وكل شئ فلا تعاتب احد والمصيبة انها جت على الريس حسني ونقول لا ؟؟ الكل غلطان
عدد الردود 0
بواسطة:
Hosny saleh
ايه الفلسفة دي كلها ؟؟
ياعم محمد دماغ غربي ايه وزفت ايه والغرب منه برئ .الغرب اللي بتتكلم عليه تعاملاتهم في منتهي الرقي . فما تحاولش تلاقي مبرر لحد كل تصرفاته شمال وبعدين ايه حكاية كل واحد يتنيل يغلط يقولك سامحوه أصله حببقي ممثل جامد زي برضه موضوع الزفت احمد مالك انا نفسي أسألك لو نص اللي بيمثلوا دلوقتي بطلوا تمثيل ايه اللي حصل يعني ولا اي اندهاش ده الواحد وناس كتير جدا منعتهم في افلام الابيض واسود . انت عشت معاه دي حاجة تخصك إنما الناس ليها الظاهر. اخيرا بلاش حكاية اصل ده ممثل أو لعيب كورة أو مدرب يغلط وكأنه عنده حصانة خاصة بسبب نص الموهبة اللي بيدعيها .اللي يكرر الغلط ياخد علي دماغه . وأحمد اللي بتقول عليه اولا غلط لفظيا وكان واضح جدا أنه سكران وبعدين طالما أنه دماغه غربي يغور ويعيش هناك ده لو قابلوه لان هناك اللي بيغلط بياخد علي دماغه صح. في النهاية خطأ من إدارة المهرجان تتدعي عيليين سيس زي مالك والفيشاوي .