عمال أصرخ بصوت عالى ومش سامع
صوت بيهز فى كل كيانى ومش طالع
سنين بأجرى وراء طموحى ومش لاقى
سواد عينى كسر روحى وبكانى
يا وجع قلبى مش عارف ألاقى حد أشكيله
على إيدك أديك شايف الكل باع وشال إيده
تعالى يا خير ومدلنا سلاسل صبر تصبرنا
اعدل فيها واعدلنا واربط تانى أوصالنا
تعبنا وتاهت مراكبنا من ناس قلبها صدى
أمتى نقابل حبايبنا وقلوبنا بالحب تتوضى
ياما حلمنا ونسينا والحلم لسه مصبرنا
ليه يا طموحنا ناسينا ليه مش عايز تقدرنا
أمتى نخرج من الضلمة من الدوشة فى أفكارنا
أمتى الحب ييجى يزورنا ونفتحله بقى ديارنا
تعالى يا خير ومدلنا سلاسل صبر من فضة
اعدل فيها واعدلنا والعدل قلب كان صدى
تم أضافة تعليقك سوف يظهر بعد المراجعة