حذر الدكتور هاني الناظر، استشاري الأمراض الجلدية، من استخدام منتجات صابون "الديتول"، والمواد المطهرة على البشرة.
وأكد خلال لقائه مع الإعلامية أسماء مصطفى، فى برنامج "هذا الصباح" المذاع على شاشة Extra news، اليوم الثلاثاء، على خطورة استخدام أي صابون أو مواد مطهرة بها "كبريت أو فينيك أو ديتول" على الجلد.
وتابع متسائلا: "هي بيوتنا دي مستشفى حميات علشان نستحمى بديتول؟"، مؤكدا أن الديتول مادة كيماوية سامة قاتلة وأنه ينادي بمنع استخدامه منذ ما يزيد عن 4 سنوات.
وكشف استشاري الأمراض الجلدية أيضا عن خطورة استخدام المناديل المبللة "الوايبس" لأن بها مادة مطهرة وهي مركبات كيميائية، مؤكدا أن مثل تلك المواد تم منعها في الولايات المتحدة الأمريكية، لأن بها مواد قاتلة للبكتيريا وليست كل البكتيريا ضارة للجلد، مؤكدا أن تلك المواد تحرم الجلد من البكتيريا المفيدة أما البكتيريا الضارة فتكتسب مناعة بكثرة الاستخدام ضد المضادات الحيوية، مؤكدا إمكانية استخدام تلك المواد لكن في تنظيف أرضية الحمامات و"التواليت" نفسه.
من ناحية أخرى حذر الدكتور هاني الناظر أيضا من استخدام رسومات الحنة لخطورتها، موضحا الفرق بين نبات الحناء الذي يعطي اللون الأحمر للشعر، وبين رسم الحنة الذي يضاف إليها مجموعة مواد كيميائية مثبته للون وهي ضارة جدا، مطالبا بمنعها من الفنادق والقرى السياحية في مصر حتى لا تتأثر السياحة سلبيا بمخاطر استخدام رسومات الحنة.
عدد الردود 0
بواسطة:
مشمش
الله ينور عليك يا دكتور ج الناظر. 😁👀..نصيحه غاليه لا يعرفها الكثيريين
😬 اذن يجب منع اعلانات ( ماما نجوى ..وبوقلظ )..بعد نصايح الدكتور الناظر هذه..
عدد الردود 0
بواسطة:
صفوان
المصالح بتتصالح
واضح ان خسائر شركات الصابون الآخري أصبحت لا تحتمل
عدد الردود 0
بواسطة:
محمد فؤاد
مش ممكن
يعني هي مطهرة بس زياده عن اللزوم . قول كده
عدد الردود 0
بواسطة:
بنت مصرية
مخاطر الديتول !!
المسألة مهياش قاصرة على ان الديتول بيقتل البكتريا النافعة اللى على الجلد وبيعطى البكتريا الضارة مناعة تخلى المطهرات متاثرش فيها ومتموتهاش , كمان وجود الديتول على الجلد فى صورة صابون أو شاور جل أو مناديل مبللة أو غيره , بيخلى الجلد يمتص الديتول ده وخاصة مع فرط الأستخدام , يعنى الديتول ده يدخل الى مجرى الدم !! كأنك بتشربه بالظبط ولكن بكمية قليله وعلى مدى طويل لأن الديتول والفنيك وأشباههم لهم قدرة عالية على النفاذ من الجلد والأغشية المخاطية , وطبعا دى سموم , يعنى دخولها الى مجرى الدم ببساطة زى ما هيسمم البكتريا ويقضى عليها هيسممنا احنا كمان !! لأن مسئولية خروجه من مجرى الدم بتقع على عاتق الكبد والكلى اللى هما عندنا أصلا فيهم اللى مكفيهم ومش ناقصين تحميل زيادة !! فكتير مننا مش متصور ان استمرار استعمال الديول فى النظافة الشخصية ممكن يبقى سبب للفشل الكلوى وارتفاع انزيمات الكبد !! ففعلا دور الديتول والفنيك فى البيوت مفروض يقتصر على تنظيف الحمامات والمطابخ , مش نظافة الأشخاص , الصابون العادى كفاية جدا للنظافة الشخصية ومش مطلوب اكتر منه , ويكون استعماله معتدل , مش واصل لحد الوسوسة والأستحمام كل ساعتين وغسل الأيدين كل ربع ساعة !! لأ الأستحمام مرتين يوميا صباحا ومساء وغسل الأيدين قبل الأكل وبعده وبعد قضاء الحاجة , ويكون الصابون جيد الصنع مش كاوى أو مهيج للجلد , انما كوننا نفضل نعقم كل تفاصيل حياتنا طول الوقت فده بيندرج تحت ما زاد عن حده انقلب الى ضده .