خالد صلاح

محمد عبد الله طاهر يكتب: تعبت من الأندال

السبت، 12 أغسطس 2017 04:00 م
محمد عبد الله طاهر يكتب: تعبت من الأندال شخص حزين

أنا مش هفية يا دنيا ليه ماشية معايا شمال؟

بتيجى دايما عليا ومشيلانا أحمال

شايله وحاطة فيا تعبت من التلطيش

قوية ومفترية ومش عارف فيكى أعيش

ده أنا عمرى ما جيت عليكى ولا مرة قلت اه

مسلم روحى ليكى ومصاحب الحياة

الندل فيكى عايش مرتاح ويا الجبان

والطيبة فيكى ساكت صابر على الايام

اللى عياره فالت عايش فى الأمان

واللى دموعه سالت ساكت عن الكلام

يا دنيا اتغيرتى خالص و بعتى بالرخيص

الطيب فيكى لايص واللى عايش الخسيس

تاه الصح فيكى واتغيرت أحوال

شيطان بيمشيكى وراحت راحة البال

يا دنيا حرام عليكى ليه ماشية معايا شمال

صالحينى أبوس أديكى تعبت من الأندال





لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة