هنأ الإعلامى عمرو أديب النادى الأهلى بفوزه على نادى الزمالك، معلقاً على هزيمة نادى الزمالك بهدفين مقابل لاشىء: "إخوانى فى نادى الزمالك.. هارد لك.. البقية فى حياتكم.. كما عودتكم ينضم هذا الفيديو إلى المجموعة الذهبية بتاعتى، يمكن دا الفيديو الـ15 فى الهزيمة الـ 15 للزمالك من أول ما ابتديت أشتغل فى الإعلام، جمعوا فيديوهاتى فى ألبوم واحد وهتشوفوا إنى بقول نفس الكلام".
عمرو أديب: أفكر وأنا فى لندن بإجراء عملية تحويل... by youm7
وأضاف أديب خلال تقديمه برنامج "كل يوم"، على فضائية "ON E"، من لندن: "بفكر جدياً إن هنا فى لندن يكون فيه دكتور يقدر يعملى السويتش ده، فيه حاجة أكيد فى جسم البنى آدم تخليه يتحول من زمالكاوى لأهلاوى، وأقعد كده اتفرج على وليد سليمان وأجاى، وأقول لمحمود طاهر إيه الجمال ده، ومبروك للنادى الأهلى، وكل الحواديت دى، هنا يعملولى العملية البسيطة دى وخلاص".
وأشار أديب إلى أن الكابتن مدحت شلبى تحدث عن سوء لعب فريق الزمالك، معلقاً: "إحنا الموسم كله بنلعب وحش، دا نادى هرب منه اتنين حراس مرمى فى ماتش، احنا عندنا مشكلة كبيرة، مبروك للأهلى، كل مرة أغلط نفس الغلطة، أقعد أعيط على الزمالك وما أحييش الأهلى وجمال الأهلى وحسام البدرى".
وتابع أديب: "لاعبو الأهلى اللى قاعدين على الدكة برة يبوسوا تراب الملعب ويلعبوا، مش قاعدين مستنيين هتدفعلنا كام، أى واحد منهم لو انتقل لأى فريق هياخد فلوس أد كده، بره أو جوه، بس دول يبوسوا تراب مختار التتش ويلعبوا، وهى دى الروح اللى بيقولوا عليها دايما، روح الفانلة الحمرا".
عدد الردود 0
بواسطة:
الكابتن
سوف يظل الزمالك هكزا الا ان يرأسه زملكاوى
لطالما هناك فى مجلس الزمالك اهلاوى فلا تنتظر من النمل دهنا
عدد الردود 0
بواسطة:
محمود
طمنونا
هى عمليه التحول ده بيشلوا فيها عضو من الجسم او جزء منه والا مجرد حقن كيميائى او علاج نفسى وخلاص
عدد الردود 0
بواسطة:
مصرى حر
متاخر كتير باعمر
المفروض ده كان من زمان متاخر كتير وعلى فكره تقدم ورقك للاهلى وننظر فيه مهياش سهله
عدد الردود 0
بواسطة:
خليل إبراهيم
ههههههههههه
جمهور الزمالك هيتحول من الزمالك إلى الأهلى
عدد الردود 0
بواسطة:
جحا
يا حرام مقهور من مستوي الزمالك
و جمهور الزمالك بيشاركك الاحباط لكن ما انتم كلكم عارفين فين المشكلة و ازاي تتحل بس الجمعية العمومية للاسف معظمها فراخ مفيهمش ديوك كفاية ههههه
عدد الردود 0
بواسطة:
العيون المصرية
سبب تدهور الكره المصرية
إلي صاحب العقليه الرياضيه والنظره الثاقبة، بمراجعة جدول الدوري بعد مهزلة اليوم من كبار الكرة في مصر نستطيع أن نضع النقط علي الحروف ستجدون بطل الدوري فاز به ليس عن جداره وإستحقاق بل لأن منافسه الوحيد تلقي ثمانية هزائم لو فاز بست منها لفاز بالدوري، والخلاصه أن الأهلي ليس في مستواه وشاهدوا مباراته اليوم مع الزمالك فالزمالك بمستواه اليوم يستحق الهزيمة علي الأقل بأربعة أهداف من أي فريق والأهلي لايستحق الفوز لأنه قبل الهدف الثاني كان قاب قوسين أو أدني من التعادل أو الهزيمه 1/2.. لذا فليتقدم الأهلي بخالص الشكر لنادي الزمالك علي تنازله عن المنافسه علي الدوري وماتستعجلوش ع النتائج الحقيقيه لمستوي الأهلي فالمهازل قادمة لامحاله.وسلموا لي علي عبقرينو التدريب البدري أبو 400000 جنيه وربنا يتولي العاملين بالدوله برحمته من اللا معقوليات في الدخول المصريه والمثل الشعبي القائل أقرع ونزهي ويقول باب الخماره فين.. إقتصادنا تعبان ورئيسنا ربنا يكون في عونه بيداوي فيه وإحنا بنبعتر في إللي بيلمه. وكفايه كده علشان اليوم السابع ينشر.
عدد الردود 0
بواسطة:
essam mahmod
كورة حسام غالي
فين كورة حسام غالي يا استاذ عمرو
عدد الردود 0
بواسطة:
مصري وطني .ضد اعداء النادي الاهلي
بلاش حقد علي النادي الاهلي معروف ان الزمالك بعد الاهلي من قبل ما نتولد
هردلك يا عمرو ههههههه
عدد الردود 0
بواسطة:
احمد
الي صاحب تعليق اعداء النادي الأهلي
هي وصلت للعداوه يابني روح عالج نفسك ده انت بتقطر حقد وغل
عدد الردود 0
بواسطة:
منين نجيب الصبر
استاذ عمرو بلاها عمليات اسمع نصيحتى تكسب وتبقى حياتك فلة شمعة حمرا منورة--وبدون نأورة
بعد رجوعك بالسلامة تتوجة مشكورا للنادى الاهلى وتقابل المهندس محكود طاهى وتطلب منة شوية نجيلة خضرا من ارض النادى وهو بيحبك ومش هيبخل عليك --تاخد منة شوية النجيلة وتغليهم كويس وتشرب كوباية على الريق وكوباية قبل النوم فى ظرف عشرة ايام هتلاقى نفسك اهلاوى صميم بدون اى عمليلت--ومباشرة هتحس انك عاوز تغير لون ديكور برنامجك الى اللون الاحمر ثم العربية ثم المنزل وهلما جرا وتبقى الحياة--فلة شمعة حلوة منورة بدون عمليات --مع تحياتى