شن الإعلامى خيرى رمضان، هجومًا على حكومة المهندس شريف إسماعيل، رئيس مجلس الوزراء، بسبب تأخر صدور قانون الاستثمار الجديد، قائلاً: "البلد دى فيها مشكلة ولازم الشعب ومسؤوليه يقعدوا تحت دش علشان يفوقوا.. ومحدش يصدق إن حكومة كاملة مش قادرة تعمل قانون من 3 سنوات"، مشددًا على أن هناك بعض الوزراء أجروا اتصالات هاتفية مع بعض نواب البرلمان لعمل جبهة مهمتها وقف إصدار قانون الاستثمار.
وأضاف "رمضان"، خلال تقديمه برنامج "آخر النهار"، على فضائية "النهار One": "بعض وزراء الحكومة لا يعلمون شيئًا عن السياسية، ولا يجيدون التعامل السياسى، ويبحثون عن مصالح وصلاحيات شخصية"، موجهًا رسالة للرئيس عبد الفتاح السيسى، قال خلالها: "يا سيادة الرئيس؛ هناك عددًا من الوزراء بيحاربوا علشان قانون الاستثمار مايطلعش، لأن فيه ميغة عندهم فى الوزارات مش عاوزنها تطلع.. رسالتى لرئيس الجمهورية: منذ مارس 2015 ونحن نتحدث عن قانون الاستثمار، ونحن الآن فى نهاية أبريل 2017.. بس اللى أنا متأكد منه إن مجلس الوزراء شاف إن قانون الرياضة أهم فى دخول مجلس النواب عن الاستثمار.. حضرتك يا ريس مهتم ببناء بنية تحتية، ومشروعات قومية، وتسافر يمين وشمال وتقابل اقتصاديين، ونقترض من كل مكان حتى نشجع الاستثمار".
وقال الإعلامى خيرى رمضان، خلال رسالته لرئيس الجمهورية: "مفيش منطق يقول إن بلد عندها أزمة اقتصادية ماعندهاش قانون استثمار، وكمان مجلس الوزراء يأجل قانون الاستثمار ويدخل قانون الرياضة لمجلس النواب.. ده منطق؟.. تغور الرياضة فى ستين داهية، الرياضة دى حتة بيزنس بايظ.. إحنا عندنا رياضة؟ ده إحنا ماوصلناش كاس العالم منذ 1990".
وتابع "رمضان": "مش عارفين نطلع قانون استثمار لمصالح خاصة لأن معندناش وزراء بيلعبوا سياسة، أو بيفهموا سياسة.. بعض الوزراء مش بتهمهم مصلحة البلد بل مصلحتهم وصلاحياتهم فقط.. بعض الوزراء بيكلموا نواب فى المجلس علشان يعملوا جبهة ضد القانون".
عدد الردود 0
بواسطة:
ميشو
تحيا مصر
والله والله والله والله اللجنة الاقتصادية في البرلمان منتهي الكسل و الافتكاسات .. لو كلام الأستاذ / خيري صح يبقا وزراء عايزين الحرق ببنزين 95 ولا فرق بينهم و بين الخرفان الزنخين عشان مفيش مستثمر هيرمي فلوسه في مصر بدون قانون استثمار يحكم العلاقة بين الدولة و المستثمر و كيفية خروج أرباحه من الدولة .. هل قانون الاستثمار قنبلة نووية تحتاج ل 3 سنوات حاجة تجنن .. المثل بيقول بيت المهمل بيخرب قبل بيت الزاني ..
عدد الردود 0
بواسطة:
حمو
...
انا قولت مليون مرة إن الحكومة دى بتعمل ضد مصالح البلد..مطلوب إقالة الحكومة فورا..تكون حكومة اهل كفاءات مش حكومة أهل ثقة
عدد الردود 0
بواسطة:
مشمش
الكارثه الكبرى هى ..اصدار قرار تعويم الجنيه..قبل اصدار قانون الاستثمار الموحد..
....وكانك يابوزيد ما غزيت....وسوف تنهار العمله الوطنيه بدون استثمار ..داخلى وخارجى ..بمصانع انتاجيه تشغل هذه الملاييين ..الذين يرتاعون ع النواصى والقهاوى...
عدد الردود 0
بواسطة:
Moustafa khatab
هفوة اعلامية من اعلامى محبوب
لك حق فى الاعتراض على تاخير قانون الاستثمار لكن ماعندكش حق تقول اننا ماعندناش رياضة رغم وجود بعض الاخطاء والبلطجة فى المجال الرياضى ومسئولين فى اندية كبيرة يسيئوا لمصر والمصريين لكن الارقام بتقول اننا على قمة الترتيب العربى والافريقى فى كرة القدم ورياضات اخرى فماذا يقول الاعلاميين فى الدول المتذيلة للترتيب اما من جهة الوصول لكاس العالم ياريت تراجع اخر دورتين للتاهل لكاس العالم علشان تعرف اننا بنكون الاحق فى الوصول ولانصل باخطاء بسيطة فى اخر خطوة وهذا شىء وارد وياريت نقف مع المنتخب المرة دى واتمنى التوفيق هذه المرة لاننا على اعتاب الوصول فعلا وممكن نوصل من خلال المباراتين بتوع اوغندا ومباراة الكونغو قبل مانقابل غانا فى اكرا وعيب جدا ان واحد محترم زيك يكره فيه جماهير الرياضة بهذا التهور ياخيرى انت اتغيرت من ساعة ماتركت السي بى سي
عدد الردود 0
بواسطة:
طارق الغروري
اذا ثبت
اذا ثبت صدق ما قال الاستاذ خيري فيجب و علي الفور اقالة هؤلاء و اذا فشل في إثبات اتهاماته فيجب منعة من العمل الإعلامي و الصحفي الي الأبد
عدد الردود 0
بواسطة:
مشمش
الحكومه التى تفرط فى ارضها ..تيران وصنافير..مالهاش امان...
...من غربتى..ادعو..كسبى الله ونعم الوكيل..فى هذه الحكومه..
عدد الردود 0
بواسطة:
Osama
هما وغيرهم
فيه ناس كتير مش عاوزين أي حاجه صح تتم وتحصل لأنهم ببساطه بيستفيدو من الوضع القائم الناس لازم نتخلص منهم في كل القطاعات
عدد الردود 0
بواسطة:
د. محمد ابو السعود
المفروض النائب العام يحقق فى هذا الأمر
كلامك اتهام صريح للوزراء بالعمل ضد مصلحة الوطن بما يساوى الخيانة العظمى. لو انك راجل محترم لازم تقدم بلاغ عن هؤلاء ولا كلامك يكون إشاعة هادمة للبلد والمفروض تتحاكم بقانون الطوارئ
عدد الردود 0
بواسطة:
مواطن مصري
الاستثمار في مصر
يجب ذكر أسماء هؤلاء الوزراء وأسماء السادة النواب في الاعلام لمعرفة الحقيقة واتخاذ إجراءات رادعه لكل من تخول له نفسه العبث بمصالح البلاد .
عدد الردود 0
بواسطة:
عمرو
الواقع يؤيد كلام الأستاذ خيرى
انا من شهر نوفمبر إللى فات وإنا متابع قانون الاستثمار كل مرة يتم تأجيل القانون شهر ورا شهر ليه ؟ مش يجب محاسبه الحكومه ومن تواطؤ معها من نواب البرلمان علشان القانون ميخرجش وبعدين السيد وزير الماليه النواب باللجنة الاقتصاديه طالبين الرد على بعض الملاحظات من اكتر من شهر لحد دلوقتي لسه مش راضي يرد تفتكروا ايه السبب يا ريت يرد علينا حرام عليكوا اتقوا الله بقى