محمد رشوان يكتب: يا من تبحث عن روعة الحياة

الكلام ليك وليها ..... عندكم ابتلاءات؟.... حاسين بعدم رضا من حالكم؟..... عدم نجاح فى حياتكم العملية أو الشخصية؟..... حبيبك سابك؟....... اتصدمتوا من ناس كتير كنتم معتبرينهم أقرب الناس ليكم؟........ بتحسوا أن ما حدش عانى زى ما بتعانوا من مشاكل الحياة؟....... ومشاكل تانيه كتير فى حياتكم مش قادرين تقولوها وتطلعوها صح؟

أحب أقولكم بعد كل ده..... أنتم ما جبتوش جديد... كل اللى قلتوه ده هو جزء أساسى من الحياة.... لأن الحياة الدنيا أكيد فيها ابتلاءات زى اللى حستوها...... وكل ده بيشعركم أكيد بشعور سيئ وبتحسوا أن الدنيا بتقفل فى وشكم....... وتيجوا تقولوا ساعتها أنا مش حاسس بأى متعة فى حياتى من اللى بشوفه .....

أكيد ولازم ما تحسش بأى متعة لأنك مش عارف إيه هى أصلا متعة الحياة الأساسيه لأنك ما جربتهاش ...... عارفين إيه هى متعة الحياة واللى تحل كل المشاكل اللى فاتت وتطلعك منها.... واللى لو جربتها حتشعرك بالسعادة ومتعة الحياة فعلا واستحالة تسيبها تانى تروح من إيدك ....

هى النهوض مرة أخرى وإصرارك على النجاح والتغيير ...

لأن النهوض بعد فشل و الوصول للنجاح هو قمة المتعة ....

إنك كل ما تقع تقوم وتقف تانى.... لأنك لو سقط وما قمتش حتحس بالضعف والوهن حتحس إنك ضعيف، إنك مش عايش أصلا ... إيه حابب تحس الإحساس ده ولا بتقولى لأ طبعا أنا زهقت من إحساس الضعف ده .....

أيوه كده كفاية ضعف وكفاية استسلام لمشاكل الحياة اللى هى جزء منها وبتحسسك بشعور سلبى، لكن زى ما قلنا جزء مش كل.. زى ما فيه ناس بتسقط فيه برضه ناس بتنجح يبقى فيه سقوط وفيه نجاح... الفرق بينهم أن الناجح بيقوم ويكمل من جديد والفاشل هو اللى مش عايز يقوم.

بقولكم إيه كفاية كده بقى ياللا قوموا وابتدوا من جديد وبقوة عشان تحسوا بمتعة الحياة فعلا... وبطلوا ضعف وسلبية بقى إيه ما حستوش بملل وزهقتوا من كده ولا إيه؟

وكما قالوا ..... ﺍﻟﺘﻌﺜﺮ ﻭﺍﻟﺴﻘﻮﻁ ﻫﻮ جزء ﻣﻦ ﺍﻟﺤﻴﺎﺓ ... ﻭﻧﻬﻮﺿﻚ ﻣﻨﻬﺎ ﻫﻮ ﺍﻟﺤﻴﺎﺓ ﺑﺮﻭﻋﺘﻬﺎ ...

وادعى دايما أن ربنا يعطيك القوة والقدرة على النهوض من جديد

أتمنالكم جميعا تعيشوا روعة الحياة.