دشن العديد من صفحات الإسكندرية على موقع التواصل الاجتماعى "فيس بوك"، حملة لمقاطعة شراء الأسماك، وذلك بعد رفع التجار الأسعار بشكل مبالغ فيه، وسط حالة من استياء الأهالى، مطالبين باقى المدن الساحلية بالانضمام للمقاطعة تحت شعار "خليها تعفن" .
وعلق أحد المؤيدين للحملة: "إحنا مدينة ساحلية تتوافر فيها الأسماك بكميات هائلة، وأن سبب ارتفاع أسعار الأسماك جشع التجار".
وأضاف: "إمبارح لقيت سعر الكيلو البلطى بـ40 جنيه والبورى بـ 70 والدنيس بـ120 والمرجان بـ80.. حرام ده ولا حلال".
بينما علق أحد الأهالى قائلاً: "عملنا مقاطعة للفراخ ومش بنشتريها وعملنا مقاطعة للحمة وبقينا نشترى ربع الكمية اللى كنا بنشتريها، وأصبح السمك الحل البديل والوجبة الرئيسية.. لما نعمل مقاطعة للسمك كمان هناكل إيه؟!".
.jpg "برنت سكرين (1)")
.jpg "برنت سكرين (2)")
عدد الردود 0
بواسطة:
ريح ضهرك
تمام
لما الدوله تقول هانفتح استيراد الفراخ ونعفيها من الجمارك وماتفتحش ولاتعفى تبقى هى عايزه كده ولماالدوله تبيع اللحمه االسودانى من 75 إلى 85 جنيه يبقى هى عارفه وعايزه اللحمه البلدى على أقل سعر 120 جنيه لما الدوله تقول بنعمل مزارع وهاتبقى مليانه أسماك وسعر السمك يبقى كده ف لما المزارع تشتغل ويبقى البلطى ساعتها ب 20 جنيه ونبوس أيدينا وش وضهر وخير مثال لما قالوا السكر بقى ب 10.5 والناس فرحت بعد ماكان ب 4 جنيه من سنه قسما بالله لو شياطين وابالسه ماهيعملوا كده
عدد الردود 0
بواسطة:
على ابراهيم
المصريين أجدع بكتير من الانجليز اللى قاطعوا السمك فى لندن وجعلوا التجار يتراجعون
لا شك ان المصريين عندهم القدرة على المقاطعة لو اخذوا الموضوع بجدية وهم ح يكونوا اجدع بكثير من الانجليز لما قاطعوا الاسماك فى لندن وجعلوا التجار يتراجعون ويخفضوا اسعار الاسماك لان بيوتهم كانت ح تتخرب من جراء المقاطعة وعملا بالحكمة القائلة لكل فعل رد فعل !!!!!!
عدد الردود 0
بواسطة:
غلبان قوى
بيعملوا فينا كده ليه
أنا مع صاحب التعيق الأول " ريح ضهرك " فى كل شيىء و أضيف على كلامه و أسأل المسئولين فى مصر انتوا بتعملوا فينا كده ليه؟؟ إنتم بتساعدوا التجار على الظلم والجشع و سرقة جيوب المصريين .. لما محافظ البك المركزى أعلن قبل التعويم بيوم واحد إن أى شخص يحوز على دولارات بدون سند سيسأل قانونياً الكل جرى وهرول لتغيير الدولارات لغاية مانزل من 17 جنيه إلى 10 جنيه او أقل فبدلاً من أن ينتظر يومين أو ثلاثة حتى يعود الدولار لطبيعته 8 أو 7 جنيه نظراً لخوف كانزى الدولار راح تانى يوم مفاجئنا كلنا و قرر التعويم وقال سعر الدولار 13 جنيه ده اسمه كلام برضه ؟؟ هو حضرتك معانا ولا علينا ده حضرتك لو كنت خليته ب 6 جنيه كان الكل جرى و باع كل اللى معاه انما الخوف الذى اظهره صاحب القرار جعل اللذين ينهبون البلد يثقون فى ضعف متخذى القرار و اعتبروا أن سعر أى شيىء يحدده الجشع والطماع وعديم الرحمة فقط .......... و بالتالى لا عجب من زيادة مهولة فى سعر أى شيىء فى البلد دى على حساب المواطن الغلبان اللى بقى غلبان قوى قوى قوى
عدد الردود 0
بواسطة:
محمد يوسف
شهر وليس 3 ايام فقط
المطلوب ان تكون مدة المقاطعة شهر كامل حتى يحس التاجر الجشع والحرامي انه اخطأ وفي خلال الشهر اذا الاسعار نزلت يمكن التراجع عنها والمهم ليس المدن الساحلية فقط بل كل المدن المصرية وبالذات القاهرة بسبب عدد السكان يجرى ايه لو تم مقاطعة السمك شهر كامل ثم الدور على الفراخ وهكذا ياريت ياريت ثقافة المقاطعة للسلع ترجع تاني علشان الناس تعرف تاكل وتعيش .
عدد الردود 0
بواسطة:
مصري ابن مصري
فعلاً المقاطعة خير وسيلة لمنع زيادة الأسعار
بناقص كام يوم أو شهر أو شهرين .. المهم أن نتحكم في أنفسنا ونستغني عن بعض الأطعمة ولن نموت من الجوع .. لازم نغير سلوكنا وعادتنا في تناول الطعام .. طيب قلل الكمية شوية لو كنت مصر على عدم المقاطعة .. وفي ذلك محافظة على الصحة وعدم زيادة الوزن .. ثقافة الغذاء مطلوبة في هذه الفترة .
عدد الردود 0
بواسطة:
SAMI MANSOUR
قاطـــــعو الغـــــلاء بالاستغنــاء
ياريت ثقافة المقاطعة موجودة لدى كل الشعب المصرى .. حتى يكون اداة قوية لمعاقبة جشع التجار والبائعين لاى سلعة يتم زيادة سعرها بشكل مبالغ فيه .. لابد من اتحاد المواطنين ومقاطعة السلع وخاصة الاسماك واللحوم البيضاء ... كفاية كده بقى ياجماعة احنا خلاص مش قادرين نواجه الاوضاع دى بكل قوة طالما الحكومة سايبة التجار ينهشوا فى الشعب .. لنا الله ... ووللجشعين والمستغلين ربنا ينتقم منهم وحسبنا الله ونعم الوكيل وانتى فين يا حكومة ؟؟؟؟؟
عدد الردود 0
بواسطة:
قانون العرض والطلب
المقاطعة هى الحل ... المقاطعة ليست صعبة
الإخوة المسيحيين يصومون 55 يوما متصلة لا ياكلون فيها لحوم او دواجن او اسماك نهائيا، فإذا التزم المواطنون جميعا بمقاطعة اللحوم او الدواجن او الأسماك لمدة شهر كامل متصلا، فسوف يجبرون تجار هذه السلع بكل تاكيد على تخفيض أسعارهم. المشكلة ليست في جشع التجار فقط، لكن بالأساس في تكالب الشعب على استهلاك وتخزين السلع ...
عدد الردود 0
بواسطة:
اسكندراىى
يا اهل اسكندريه الكرام
نرجوكم تفعيل مبادرة خليها تعفن وعدم شراء اى اسماك لمحاربه جشع التجار فبشرائكم السمك تشجعون التجار على الجشع لابد من ان يكون صوتكم مسموع لكل تاجر جشع وليعلم انكم باستطاعتكم الكثير نرجوكم كفى سلبية وقاطعوا شراء الاسماك بحمله خليها تعفن ونعلم ان الاسكندرانيه سيكونوا قدوة لباقى المحافظات الساحليه وغير الساحليه نعم انتم تستطيعون يااهل اسكندريه ... لا تنسوا .... حمله خليها تعفن لتجار الاسماك
عدد الردود 0
بواسطة:
صلاح منصور
ولماذا المقاطعه وعدم تطبيق القانون ؟
هذا غير منطقى اين تفعيل القانون وتطوير التشريعات وتغليظ العقوبات .. لماذا لم يتم استدعاءمن هم يسيطرون على تجارة الاسماك والدجاج واللحوم وتحديد الا سعار التى يمكن تداولها ومن يثبت عليه عدم تنفيذ مايتم الاتفاق عليه يعاقب بداية بعشر سنوات سجن وغرامه ماليه لاتقل عن 3 مليون جنيه ومنعه من مزاولة التجاره لمده لاتقل عن 10 سنوات حتى لا يفكر مرة اخرى فى تكرار مثل هذه المخالفات وايضا نحن لسنا فى حاجه الى مثل هؤلاء التجار الجشعين وحتى يستطيع المواطن البسيط ان يعيش ..ولابد ان يعلم كل منا ان لكل قانون ضحايا يخالفون هذا القانون و حتى تستقيم الحياه...وحتى تهدأ الاجواء لان الوضع جد خطير....
عدد الردود 0
بواسطة:
(( الصاروخ المصرى العابر للقارات ))
(( إسكندرية أجدع ناس لما يقولوا بيعملوا يا دمايطة وتعالوا شوفوا محلات السمك شكلها إيه ))
من عشرة أيام كنت فى الإسكندرية ورأيت أن أسعار الأسماك وخاصة الشعبى منها مثل البلطى 12 جنيه و16 جنيه والسردين 12 جنيه والبورى متوسط 20 - 25 جنيه والأسعار معقولة بعض الشىء .. وأمس فقط فوجئت بأسعار فلكية وخيالية ووهمية .. لأول مرة فى حياتى أرى أن سمك البلطى ( يعتبر من أردىء أنواع الأسماك لأصتياد معظمه من الترع والمصارف والمزارع فى أحيان أخرى ) وجدتة يتراوح مابين 28 جنية و35 جنيه والجنبرى الصغير نط من 40 جنيه وأصبح 120 جنيه ؟؟؟؟ أما الكبير فلا داعى لذكر سعرة لأنه مش ضرورى ؟؟؟؟؟ولعلم الجميع حدث من شهران فقط أن إمتلأت محلات الأسماك بالأسكندرية بأسماك البورى ( المبطرخة ) وكان سعر الكيلو 30 جنيه .... أما الأسماك المنزوع منعا البطاريخ ( تباع بعد فتحها من الجنب لإخراج البطاريخ ) فكان سعرها 18 جنيه فتجد الطوابير الطويلة عليها طيلة اليوم حتى نفاد الكميات ثم تكرر العملية فى اليوم التالى ... وأمس الساعة الواحدة ظهرا ً فى سوق الميدان أهم أسواق بيع السمك فى الإسكندرية كانت كميات الأسماك كما يقولون متلتلة ولايوجد بيع إطلاقا ً أللهم إلا واحد أو إثنين فقط كل عدة أمتار وأما سوق ( شيديا ) بالإبراهيمية وهو سوق مكتظ با لبائعين فوجئت لأول مرة بفراغ كبير من المشترين أمام محلات الأسماك واللحوم والدجاج أما الخضار والحبوب فتوجد حركة ونشاط بعض الشىء . هذا هو الحال فى الإسكندرية ... الأسماك والطيور واللحوم مبالغ فى أسعارها جدا ً تصل لأن تكون نار ....نار .. نار ... نار ... نار ... والسكندريين شبه مقاطعين اللحوم من فترة كبيرة ثم الدجاج يوجد بعض من السكندريين تحولت عنها إلى الأسماك ولكن بعد إرتفاع الأسعار بهذا الشكل .. وفى هذا الوقت بالذات .. فيوجد شىء ما يتم فى الخفاء .. وعلى رجال الدولة والمسؤلين الضرب بيد من حديد على هؤلاء التجار الجشعين ومعدومى الضمير .. والمهم والأهم أن كثير من هؤلاء (( و نسبتهم 80 % ))ليس لديهم بطاقة ضريبية ولاسجل تجارى ولا يسدد إى منهم أى إلتزامات للدولة لكى نعذرهم فقط يأتى بالبضاعة من التاجر ويقف ليبيعها ومصاريفة قليلة جدا ً ...جدا ً وشعب إسكندرية سوف يصبر على كل شىء ولن يفقد صبرة وحيخليها تعفن وتحمض كمان زى بتوع اللبن ما زادوا فى سعر كيلو اللبن وأصبح ب 12 جنيه فالذى كان يشترى كيلو كل يوم أصبح يشترى نصف كيلو ( لأطفاله فقط ) وهذا حال الغالبية العظمى لدرجة إن معظم بائعى اللبن تراجعوا عن الزيادة ومنهم من يبيعة ب9 جنيه ولكن ال9 كتير أيضا ً ؟؟؟؟؟ أتمنى تدخل المسؤلين من جميع الوزارات سواء كانت الصحة والتموين والضرائب ( المالية ) وشرطة المرافق .. بصفة دورية ... وأكرر بصفة دورية مرتان كل أسبوع على الأقل فهذا هو عملهم الذى يحصلوا عليه مرتبات من جيوب الشعب فهم يعملوا لخدمة الشعب وهذا هو دورهم المطلوب منهم .. ويتركوا مكاتبهم وينزلوا الشارع يوميا ً حتى نشعر بإنضباط الأسعار .. فهل هذا المطلب صعب أم فى الإمكان تحقيقة .... سوف نرى ... أما عن المقاطعة فهى لن تستمر كما يقال 3 أيام بل سمعت من الكثير أنهم لن يشتروها حتى تعود إلى أسعار معقولة ... وهم قادرون على ذلك .. وخليها تعفن عندهم أو يكلوها همه .