قال أحمد الوكيل، رئيس الاتحاد العام للغرف التجارية، إن قطاع الأعمال المصرى سواء الصناعة أو التجارة، تعرض الفترة الماضية لهجوم قاس بخصوص ارتفاع الأسعار، إلا أنه يجب العلم أن المكون الأجنبى فى المنتج النهائى يتراوح باختلاف السلع، ويصل فى البعض من 60-80%، وعندما صدر قرار تعويم الجنيه أثر مباشرة على الأسعار، إلا أن مصر لا تزال أرخص بلد فى الأسواق المحيطة فى الأسعار.
وأضاف الوكيل، ردًا على أسئلة الصحفيين بمؤتمر إطلاق معرض سوبر ماركت إكسبو، اليوم الأحد، أن برنامج الإصلاح الاقتصادى هدفه النهائى رفع مستوى معيشة المواطن المصرى، ولكن بعض تأثيراته سيئة، غير أنه لا يجب أن نغفل دور القطاع الخاص الذى يساهم بنسبة 80% سواء فى الناتج المحلى أو العمالة.
عدد الردود 0
بواسطة:
فرعون
أساس البلاوى
هذة الغرف أساس الخراب و البلاوى. ينفع واحد زى دة يقول إن الأسعار أرخص من ما حوالينا و مش فى باله تدنى المرتبات. مارى انطوانيت
عدد الردود 0
بواسطة:
حسام
كلام فارغ
لان السعر يحسب على اساس قيمه السلعه بالنسبه الى متوسط الراتب وطبعا المرتبات معروفه بانها اقل المرتبات فى المنطقه ومن عمل تلك الحسبه على اساس انه يدخل فى حساب السلعه الايدى العامله لها يقرا اقتصاد وبعدين يتكلم مش كل واحد معاه فلوس يعرف اسس الاقتصاد
عدد الردود 0
بواسطة:
محمد
مقارنة لا تصلح
لا يمكن مقارنة الاسعار بالاسعار المحيطه الا بمقارنة دخل الفرد فلا تتحدث عن انك ارخص الاسعار و دخلك اقل بكثير من دخل الدول المحيطه
عدد الردود 0
بواسطة:
Osama
اللي اختشوا ماتوا
ياراجل والله ما في دوله بقت اغلي مننا .كيلو اللحمه في الدول الاسكندنافية ب 120 جنيه نفس السعر في مصر بس دخل الفرد هناك حوالي 40 الف كرونه يعني 100 الف مصري .وفي بولندا الفرخه كامله بحوالي 40 جنيه مصري الحد الادنى للاجور حوالي 10000 جنيه مصري انت بتكذب علي نفسك ولا علي الناس .دي اوروبا ارخص من مصر والله والله اوروبا ارخص من مصر بمقارنه دخل الفرد للأسعار لاحول الله يارب
عدد الردود 0
بواسطة:
ريح ضهرك
تحت
مصر لاتزال أرخص بلد طيب برافو الله ينور قول لنا يافالح بيه أنها أقل بلد ف الدخل كمان والا دى هاتطنشها ياللا ماهو كله بيطق حنك اليومين دول .
عدد الردود 0
بواسطة:
محمد سيف
كلام ماسخ
كل كام يوم يطلع مسئول سخيف يقول ( مصر ارخص بلد فى الأسعار مقارنة بالدول المحيطة ) ونرد عليه ونقول كمل كلامك وقول هل دخل الفرد فى الدول المحيطة زى دخل الفرد فى مصر ؟ هل مستوى الفساد والرشوة فى الدول المحيطة زى مصر ؟ هل التجار فى الدول المحيطة يتحكمون فى الأسواق وتعجز الحكومة على ردعهم مثل مصر ؟ من كتر تكرار التصريح أصبح ماسخ والرد عليه امسخ
عدد الردود 0
بواسطة:
ابو حلموس
ارخص الاسعار وارخص المرتبات وارخص الشعوب
المصريين يستحقون لقب ارخص شعوب الارض واكثرهم تعرضا للقهر والذل
عدد الردود 0
بواسطة:
ابو مصطفي
مصر أرخص!!!!
ومصر برضو ارخص بلد فى مستوى دخل الفرض مقارنةبالدول المحيطة ( اوزنوها صح بقي )
عدد الردود 0
بواسطة:
منوفى
عظيم بيمين لو خد مرتب موظف او عامل ياليوميه **تانى يوم حيقول عكس الكلام تماما
وان ممكن يكون العنوان الصح**مصر ارخص بلد بسبب المسؤلين اللى فيها
عدد الردود 0
بواسطة:
الفنان
مصر ارخص بلد طبقا لتقرير البرشمجيه واللصوص
هؤلاء اللصوص يتقاضون مرتبات اكثر من مليون جنيها شهريا لكل حرامى وبعد تناولهم الترامادول يعتقدون ان مصر هى ارخص بلد فى العالم فهؤلاء جعلوا مصر رخيصه وارخص منها المواطن المصرى الذى يتقاضى مرتب لا يزيد عن 1200 جنيها شهريا وهذا يمثل 80 % من الشعب المصرى فى ظل ارتفاع اللحوم الى 150 جنيه والجبنه البيضه ب40 جنيه وقرص الطعميه بجنيه وعلبة التونه ب20 جنيه وكيلوا الفراخ الميته ب34 جنيه وكيلو السمك وصل سعره الى 50 جنيه وزجاجة الزيت 25 جنيه وكيلوا السكر 12 جنيه وكيلو المش ب40 جنيه اما الفواكه فاسعارها جنونيه وكذلك الخضار المسرطن اسعاره خياليه هذا بخلاف اسعار فواتير الكهرباء والمياه والغاز التى تلتهم 33 % من دخل المواطن علاوه على زيادة اسعار المواصلات اما الملابس فقد اصبحت من الكماليات والاجهزه الكهربائيه اصبحت حلم من احلام اليقظه .. وانا اقول لهؤلاء البرشمجيه الذين نهبوا ثروات واموال مصر ويعيشون فى الحاضر وجمال . ربنا ينتقم منكم فنحن نعيش اسود ايام حياتنا