أمي امي أغلى الناس
تسكن دوما في إحساسي
كنا ف نشيد المدرسه بنردده
ووصية من سيدنا النبي على أمته
لما سأل أحد الصحابه لحضرته
مين أحق الناس بحسن صُحبته ؟
كنا عيال وقتها مافهمنهاش
كنا بنحفظ وقتها للامتحان
وأهو خطى بينا العمر عام بيكر عام
الام كلمه ما تتوصفش بالكلام
الام مش بس مدرسه
الام جامعه مجمعه كل الحنان
وانا بس هتكلم عن أمي
مش هقلك يامه حبيتك بقلبي
أنا يامه حبيتك بكلي
لسه واصل بينا حبلك الممدود في صري
لسه ببركة دعوتك ماشي وبخطي
لسه سامع صوت نداكي تاتا خطي
يا سنين العمر هدي
الدنيا زي البحر غدار وأمي شطي
فكرت أكتبلك في عيدك
ما لاقتش كلمة تساوي صرخة آه تصيبك
وأنا جيت علي الدنيا بآهاتك
جيت وصرخة آه بتسحبكي لمماتك
يامه سامع صوت سكاتك
صوت أنينيك صرختك بين الضلوع
وإن كنت هتكلم عشانك
كل المعاني ف حضرتك تسجد خضوع
تم أضافة تعليقك سوف يظهر بعد المراجعة