أمي الحبيبه يا جنتي
يا أحلي حاجه ف دنيتي
انت النفس انت الحياه
وإنتي رزقي ونعمتي
انتي السعاده و الفرح
وانتي هنايا ومهجتي
وان يوم بكيت وقلت أه
ايديكي تمسح دمعتي
امي الحبيبه يا طيبه
يا ضحكه بيضه قريبه
أشوفها تضحكلي الحياه
يا نيه صافيه حنينه
ولا فيها ذرة م الدهاء
يا طبع هادي يا هينه
أنتي الحبيبه والسكن
وجميع ما فيكي حسن
مهما تكالبت الخطوب
كالجبل يدنوه الزمن
أنت البصيرة في الكروب
وأنت للقلب الوطن
ومهما زاد فيكي الحنين
أقول لمين وأعيد لمين
وحشاني يااما من سنين
يارب جمع شملنا
عند النبي متجمعين
تم أضافة تعليقك سوف يظهر بعد المراجعة