صباح الخير على بلدى
صباح المسك والريحان
صباح الطيبة والبسمة
صباحِك جاى من البستان
صباح الشيخ على القبطى
وصباح الوطن على الأديان
صباح فلاح صاحى بدرى
بيجنى التمر من خيرك
صباح الرزق على صياد
بيشد اشباكه من نيلك
صباح العمل والهمة
صباح الجندى من جيشك
صباح عصافير علي الأشجار
بتغني يا بلادى مليش غيرك
صباح النور على شبابيك
مع شروق الشمس بتفتح
صباح أجراس على الميادين
في ستة الصبح بتصبح
صباح الناس علي اطيب ناس
صباح السعادة والاحساس
صباحِك امل ونهار جديد
صباحِك شمس بتضحكله
صباح الجار علي جاروه
وهو بيروي ازهاروه
صباحِك سكر على قهوة
صباح جرنال مليان فرحة
صباح الزهر ع الطولة
صباح الريس على الدولة
صباح الرديو علي اهله
بصوت الست وصوت وردة
صباح نشيدك يا بلادى
بحيي عالمك في مدرسته
صباحِك حلم بيتحقق
لرسمة طالب في كراسته
صباح الفل والياسمين
صباح الشوق علي العاشقين
صباحِك غنوة بتتغنِه
صباحِك ريحته من الجنة
صباح جميل على كل جيل
صباحِك يا بلدى يشفى العليل
تم أضافة تعليقك سوف يظهر بعد المراجعة