خالد صلاح

عبير يسرى تكتب: محمود ومينا

الخميس، 07 ديسمبر 2017 06:00 م
عبير يسرى تكتب: محمود ومينا جامع وكنيسة


طول عمرى عايش أنا وأنت

محمود ومصاحب مينا.

طول عمرى عايش أنا وأنت

ولا فى فرق فى أسامينا.

وفى نفس الحى اتعلمنا

جامع وكنيسة حوالينا.

وفى فرحك أنا أول واحد

علقت مع أخوك الزينة

وفى حزنك إيدى على كتفك

ودموعك و لا يوم ترضينا.

وفى عيدنا يومها كان والدك

من بدرى بيجى يهنينا .

وفى حزنى لقيتك على بابى

كان أول همك تواسينا.

مجنون اللى يفرق بينا

ولا حد هيقدر يهزمنا

ولا حد هيقدر يعادينا.

أنا وأنت على مركب واحدة

وهنوصل على نفس المينا.

 

 

 





لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة