خالد صلاح

عمرو حسين يكتب: ومضات من حياة عاشق

الأربعاء، 13 ديسمبر 2017 12:00 م
عمرو حسين يكتب: ومضات من حياة عاشق حب


إضافة تعليق

حبيبى دى أجمل كلمة

فى الدنيا بعشقها

وان غابت عنى

ما اقدرش الدنيا أعيشها

بحس بيها بالحياة

وأنى طاير معاك فى السما

معقولة دى حبيبتى أنا

 أنت نور الشمس إلى بينور

دا أنت الغيث إلى بيمطر

أنت الليل والنهار

ليلك كله غرام

شعر وخواطر وأسرار

ونهارك القمر فى حضنك ينام

أصله من جمالك غار

ويدخل فى شوق وحنين

وحالة جنون وعشق وهيام

أجمل أيام وأحلى كلام

لدرجة لما القمر بص لعينيك

غنى من حبه ومن نومه قام

اتخفى منك القمر

ورا سحاب المطر

واتعجب من تدبير القدر

أنه يجمعه بالى قدر

يخليه فى جمالك يتسحر

بعد ما كان جمال القمر

بينضرب بيه المثل

غلبتى القمر

وبقيتى أنت المثل

وفى الطيبة الحمل

ما تنسيش أنت لقلبى

وانت احلى دربي

ولو نسيتى مش هانسي

الحضن والمينا والمرسى

خايف للزمن يقسي

ويبعدك عنى لا لا

مش هارضى

اقبل حاجة تاخدك منى

ما أنت أنا وأنت منى

وانت الهنا وانت الغنى

دا بإيدك الدنيا اتغير حالها

تسلمى يا عمرى أنا


إضافة تعليق



التعليقات 1

عدد الردود 0

بواسطة:

حسن المصري

روعة

سلمت أناملك يا فنان . احساس رائع وتعبير مدهش

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة