علق الإعلامى محمد الدسوقى رشدى، على حادث مسجد الروضة بمنطقة بئر العبد بشمال سيناء، قائلاً: "أضرب هنبقى اقوى.. الحكاية كلها باختصار بسيطة جدا.. ناس مصلتش الجمعة راحوا قتلوا ناس كانوا بيصلوا الجمعة قال إيه علشان هما كفار.. بذمتك تستقيم.. بذمتك ده منطق.. بذمتك ده عقل .. بذمتك تشوفها فين".
وأضاف الدسوقى رشدى، خلال تقديمه برنامج "آخر النهار" على فضائية النهار، أن ما حدث يعيدنا إلى كلمات الشاعر جمال بخيت، عندما كتب: " دين إبونا إبراهيم .. رش جمر النار حنين .. ع الخرايط والأماكن.. اتولدنا طوافين ذاكرين .. دين أبونا لو مسيحي .. رحمة للعالمين.. نصرة لأجل المظلومين.. اللى أنا بقي معرفوش.. الوحوش الكروش.. اللي لو طالو رقابينا بينهشو مبيرحموش.. دين أبوهم اسمو أيه.. حد يعرف فيكو دين كل اتباعة لصوص أو قوادين.. فى المعاصي مولودين.. فى الكراسي مأبدين.. في التفاهة معدودين.. فى السفاهة مفرودين.. ع البلاهة مسنودين.. للشراهة مجندين.. ع القرف متعودين.. ع الشرف متمردين.. ع الوطن متمردين.. بالخيانة موحدين.. اللى يعرف دين كدا يقولي اسمة ايه؟"
وأختتم الإعلامى مقدمة حلقته قائلاً: "بذمتكم اللى يعرف دين كده يخلى ناس مش بتصلى الجمعة تقتل ناس بتصلى الجمعة يقولى أسمه أيه؟".
تم أضافة تعليقك سوف يظهر بعد المراجعة