خالد صلاح

فيديو.. عمرو أديب لـ"شيرين": "اتعلمى قبل ما تتكلمى لأنك بتقولى كلام سخيف كتير"

الأربعاء، 15 نوفمبر 2017 12:07 ص
فيديو.. عمرو أديب لـ"شيرين": "اتعلمى قبل ما تتكلمى لأنك بتقولى كلام سخيف كتير" شيرين


كتب إبراهيم حسان

علق الإعلامى عمرو أديب، على أزمة تطاول المطربة شيرين عبد الوهاب على النيل فى إحدى الحفلات الغنائية بالشارقة، قائلًا: "اللى مضايقنى من شيرين إنها بتسخر من مرض مؤلم مات بيه عبد الحليم حافظ".

 

وأشار عمرو أديب، ببرنامج "كل يوم" المذاع عبر فضائية ON E، إلى أن شيرين عليها أن تتعلم قبل أن تتكلم حتى لا تسقط مرة أخرى بسبب تفوهها ببعض الكلمات، وتابع موجهًا حديثه لشيرين "مش عيب يا شيرين يا حبيبتى تجيبى حد يعلمك إزاى تتكلمى لأن محدش بيفهم فى كل حاجة، هاتى حد يقولك تقولى إيه ومتقوليش إيه.. ومشكلة شيرين بتقول كلام سخيف جدًا فى أحيان كثيرة وهى لا قاصدة ولا فاهمة ولا أى حاجة".

 

وأوضح عمرو أديب، فى حديثه لشيرين: "قربى من الناس اللى تعلمك.. اتعلمى يا بنتى"، مضيفًا فى السياق ذاته، أن شيرين لم تقصد الإهانة للنيل ولكن هى أخطأت بالفعل وأطلقت تعبيرًا لا يصح التفوه به، لكن "المذبحة كتير قوى".

 

واستكمل عمرو أديب: "لو مليون واحد شتموا مصر كلها.. مصر أكبر من أى حد.. ما مصر بتتشتم كل يوم من شيرين وغير شيرين.. مصر كيان.. مش طوبة ولا لوح زجاج يتكسر.. ومتخافوش ولا شيرين ولا 100 واحد زى شيرين هيأثروا فيها.. إحنا كل يوم بنتشتم من طوب الأرض بس مصر تفضل موجودة.. مينفعش تصغروا مصر بالشكل ده ومصر مش كيان سهل ومش حاجة بسيطة علشان واحد يشتمها هتقع".





التعليقات 0

عدد الردود 0

بواسطة:

حمادة العنتبلى

اسحبوا رخصتها من النقابة

انا مع عقابها بسحب رخصتها من نقابة الموسيقيين وكلبشتها كمان ... مش سحب رخصها وخلاص...!!

عدد الردود 0

بواسطة:

البطه السودا

و لا تحاسبنا بما فعل السفهاء منا يا رب العالمين .... عيب بلاش الغسيل الوسخ

مشكلت شيرين انها متمردة و عايزة تعيش ببساطتها و تفرضها علي الاخرين و عليهم ان لا يسئوا الظن بها لانها من جوة طيبوة، للاسف كلنا بنشتم في وساخه النيل و التعديات علي شطوطه و لكن مش حا ننشر غسيلنا الوسخ قدام الناس كلها .

عدد الردود 0

بواسطة:

حسين

الى من يعمل في مجال الاعلام

مجال الاعلام يستغل في كل دول العالم للظهور بمظهر مشرق واخراج احلى شيء في بلادنا نري فلم اجنبي اكشن وضرب وقتل ومافيا ولكن يتم تصويره على ارقي طريق وفي ارقي فندق وفي ارق مطعم ده شغل سياحة واخراج البلد انها جميلة ونظيفة وانت يا ممثل يا مصري يا منتج يا مصري يا مذيع يا مصري تعمل افلام تجيب تحت الكوبري مناطق العشوائيات فلم مسلسل برنامج يااخي انت اا ضيف بجيك البيت بتلبس احلى شيء وتعمل احلي اكل انت كده بتخلى ضيوف مصر ما يفكروش ييجواء وتكلمة يقولك انا بعبر عن الواقع انا بناقش مشكلات الناس انا بعمل تحقيقات لها اثرها وتخلى الحكومة تشتغل لا اخي انت بضرب في مصر وانت مش واخد بالك من مصر

عدد الردود 0

بواسطة:

نشات رشدي منصور / استراليا

يا استاذ. عمرو اديب. بس. الست. بسبوسة

تحمل. بالاضافة. الي. شهادة. في. الموهبة. الي. عدد من. الشهادات. الأخري. ... منها. عدم. المفهومية. علي. قدر. تعليمها. فنعذرها.ونلفت . نظرها. لا. ان. نعاقبها. .. وبعد. ذلك. نخصم. من. راتبها. .. وعدد. حفلاتها. بالمعني. الصحيح. كانها. موظفة. في. عالم. الغناء. ايه رأيك. ؟؟؟ للضحك. فقط. .. ولقاضي. الموضوع. ". رئيس. النقابة. " اتخاذ. ما يراه. ..

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة