خالد صلاح

لميس جابر لـ شيرين: "بتحفرى قبرك بإيديك.. عيشى عيشة أهلك"

الثلاثاء، 14 نوفمبر 2017 09:18 م
لميس جابر لـ شيرين: "بتحفرى قبرك بإيديك.. عيشى عيشة أهلك" شيرين عبد الوهاب


كتب محمد مجدى السيسى

وصفت النائبة لميس جابر ما صدر من المطربة شيرين عبد الوهاب بأحد الحفلات، بالجهل، مضيفة: "بتضرب نفسها بالشاكوش على دماغها، وبتقضى على حياتها الفنية".

 

كان قد تداول مستخدمو موقع التواصل الاجتماعى "فيس بوك" مقطع فيديو للفنانة شيرين عبد الوهاب، طالبتها إحدى المعجبات، بأغنية "ما شربتش من نيلها" فى أحد حفلاتها، وردت شيرين: "هيجيلك بلهارسيا".

 

وقالت "جابر" فى تصريح لـ "اليوم السابع"، : "شيرين جاهلة، لأنها لو شربت كباية بلهارسيا مركزة مش هتصاب بالدودة لأن أحماض المعدة هتقضى عليها، لازم تنزل الترعة والدودة تخرم رجليها وتمشى فى الدم"، مستطردة: " مفيش أى حد عاقل يغلط فى رمز بلده خارج أو داخل مصر، دى بتحفر قبرها بإديها".

 

و تابعت النائبة لميس جابر: " أغنية ما شربتش من نيلها هى أجمل أغنية عملتها شيرين، وهى السبب فى إنى أعرفها وأعرف عمرو مصطفى"، مطالبة أجهزة الإعلام بعدم التعرض لما قالته بل تركها لما تفعله يدها، موضحة: "اللى هى بتعمله فى نفسها أقوى من أى برنامج أو أى قناة".

 

ووجهت النائبة فى نهاية حديثها رسالة لشيرين، "إفيان إيه يا شيرين اللى أنت عاوزة الناس تشربه ، عيشى عيشة أهلك يا حبيبتى"، متابعة: "حد يعلمها تسكت مش تتكلم".

 





التعليقات 0

عدد الردود 0

بواسطة:

Mohamed Elgebaly

مصري

مع الاسف البلد بتصرف ملايين الجنيهات علي الترويج للسياحه وعدم خراب بيوت الناس اللي شغاليين في مجال السياحه وفي الاخر تييجي واحده مش في وعيهها وتستخف دمها وتهد كل اللي بنعمله لقد شاهدت فيديوهات القديمه لشريين من الغناء في الافراح الشعبيه صحيح اللي قال المثل من فات قديمه تاه وعمر الفلوس ما بتعمل بني ادم ياتري في حي الحطابه بيشربوا ميه معدنيه من فرنسا

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة