بين عشرات السيدات الجالسات بزوايا محكمة الأسرة بأسوان، جلست الحاجة "سعيدة" بجسدها النحيل ووجهها الذى بدى عليه علامات الهم والتعب، تظنها أنها قادمة لمعاونة ابنتها أو حفيدتها فى قضية طلاق أو غيرها من دعاوى الأسرة، لكن سرعان ما تصيبك صدمة أنها صاحبة دعوى خلع من زوجها رغم أن عمرها يتجاوز الـ 80 عاما.
تروى الحاجة سعيدة تفاصيل إصرارها على الخلع من زوجها بعد حياة زوجية عمرها أكثر من 60 عاما، قائلة: "مش لاقية آكل هعيش منين وازاى بعد ما سبنى وغدر بيا بعد العمر ده مكنش قدامى غير إنى أشحت أو أطلق منه عشان أعرف أعمل معاش أصرف منه".
وأضافت: "أنا اتجوزته من أكتر من 60 سنة، وخلفت منه 3 عيال، بنتين وشاب، وبعد العشرة دى تركلى البيت، وبدل ما يختم معايا بقية اللى فاضل من عمره راح اتجوز وهو عنده 70 سنة من واحدة مطلقة أصغر منه بعشرات السنين، رمانى وأنا بالعمر ده اشحت من الجيران".
وأوضحت: "يا رتنى كنت مت قبل ما أحس بالذل والإهانة أنا اتكسرت مرتين من الخيانة وبقيت مش عارفة هعيش إزاي، أكتر من 10 سنين وهو سايبنى من غير مليم وعايش مع مراته الجديدة، عشان كده عايزه أطلق منه عشان آخد معاش من الدولة أعيش بيه".
وعن موقف أبنائها، تروى قائلة: "أولادى كل واحد مشغول فى حياته ومصاريف أولاده، كتر خيرهم ربنا يعينهم و يكرمنى بمصدر دخل أعرف أعيش منه".
عدد الردود 0
بواسطة:
بنت مصرية
تيجى ازاى !!
هو طبعا تصرف الزوج ابو 70 سنة مع زوجته ام 80 سنة تصرف عجيب ملوش الا معنى واحد , ان الزوج بعد ما شاب عاوز يرجع شباب !! كتير من الناس كل ما سنهم بيكبر عقلهم بيصغر !! عادى بتحصل , انما العجيب فى المنشور ان الأرقام هنا مش راكبة على بعضها , الزوجة عمرها 80 سنة , لحد كده تمام , الزوج عمره 70 سنة يعنى أصغر منها بعشر سنين , برضه عادى وبيحصل , لكن اللى مش عادى انها تكون متجوزاه من 60 سنة !! بالحسبة دى يبقى وقت زواجهم كان عمر الزوجة 20 سنة وعمر الزوج 10 سنين !!يعنى شابة تزوجت طفل !! تيجى ازاى ؟؟الا اذا كانت شهادات ميلادهم مش حقيقية !! يعنى شهادات تسنين , يعنى الوضع الوحيد المنطقى ان الزوجين سواقط قيد , وتزوجوا بعقد غير موثق ( عرفى ) وتم تسنينهم وهما كبار , وبكده اتقدر عمر الزوج بسبعين والزوجة بتمانين , اما تكون دى الحقيقة أو يكونوا الزوجين مجانين !!
عدد الردود 0
بواسطة:
عادل
الموضوع ليه شقين
اول هام - هل انتي كنتى زوجة كويسه (سؤال اساليه لنفسك بينك وبين نفسك) والا الراجل كان مستحمل بالعافية لغاية مالعيال كبروا واتجوزا ومصدق خلص منك ومن العيشة الغم اللي معيشهاله ، معلش فعلا فيه ناس رجالة وستات عايشين بالعافية علشان خاطر عيالهم بس فمش فارقة السن اول من اطمن على العيال سابلك الجمل بما حمل وغار -- كل ده بيحصل ومفهوم - بس اللي مش مفهوم الظلم اللي بقه فيه الناس بمعنى انه بغض النظر عن حبك او كرهك ليها - هيا ليه حقوق عندك بحق اي حاجة في الدنيا - بحق اي حاة حلو بينكم في يوم من الايام - ياراجل دي لو واحدة بتشحت في الشارع ممكن تصعب عليك وتقول حرام المرمطه اللي هيا فيها فما بالك بمراتك وام عيالك (سواء كنت بتحبها او لا) ماتظلمهاش على اخر ايامها على الاقل اصرف عليها بما يرضي الله.
عدد الردود 0
بواسطة:
أيمن الاسكندراني
الأبناء والأب
ان غدر الزوج فالله سبحانه وتعالى انعم عليكي بالأبناء وانتي مسؤولة منهم امام الله والقانون وعلي الأبناء ان يتقوا الله وأن يتحملو مسؤولية الأم وأن كان الرزق قليل فالله سبحانه وتعالي قال نحن نرزقكم وإياهم وآلله يعين من يتقيه اوكد ان من أبناء السيدة من يدخن ويمتلك أكثر من خط محمول ويتسائل عن المزيد من المال
عدد الردود 0
بواسطة:
Zaka
شغل محامين
الهدف معاش من الدولة.طب ماترفع دعوى نفقة وتاخد من معاشه.......هى الناس جرى لها ايه.عوزين يشفطوا الدولة والسلام وتلاقى جوزها معها.هو معاش وهى معاش ويرجوا يجوزا عرفى وعزرئيل يكتبلهم.العقد...والبلد تدفع......واولادها فين ؟ والشؤون الاجتماعية..دورها ايه...والناس جرى لها ايه؟والجمعيات الخيرية فين.وبيت المال فين ؟ وفين اخيرا الضمير.!!
عدد الردود 0
بواسطة:
أحمد حسين
بنت مصرية
الست بتقول إنه إتجوز عليها من أكتر من 10 سنين وكان عمره وقتها 70 سنة يعني دلوقتي حاجة و80 سنة وهيا عمرها 80 سنة تبقب الحسبة مظبوطة لو أفترضنا إن وقت زواجهم كان هو 22 سنة وهيا 20 ينة وحطي عليهم عشرة 60 سنة تبقي كده إتظبطت بس هو راجل ندل لأنه إتجوز عليها ومش بيهتم بيها ولا بيصرف عليها بعد كل العشرة دي.
عدد الردود 0
بواسطة:
ali
الزواج حق اصيل للزوج ولكن تخير الزوجة الاولى بالعيش معه او الصرف عليها او الطلاق بالتراضي
نعم في رجال يأتيهم مراهقة متأخرة وهذا تزوج وهوه صغير ولم يعيش المراهقه وكمان المرأه بعد الستين تنفر من الرجل هل يبحث عن الحلال او ينغمس في الحرام واخبار الحوادث خير دليل من رجل في السبعين اختصب طفله او واو كثير وكثير غير المعلن ورجال بعد السبعين بتنجب المعنى الجنس لا ينفطع عن الرجل حتى الممات الا ما ندر
عدد الردود 0
بواسطة:
سمية عرفات
ليست مشكلة
الرجل يتزوج حتي لو عندة مائة عام طالما عندة القدرة الجنسية . لكن المراْة لها طبيعة مختلفة . و انشغالها بالابناء و الاحفاد تزهد هذة العلاقة .
عدد الردود 0
بواسطة:
مواطن
يا اخواتي علي العصافير
80 و 82 و خلع و محاكم عايشين خارج نطاق الزمن