طالبت رابطة مصنعى السيارات بتحمل العملاء رسوم فحص الشكاوى المقدمة لدى جهاز حماية المستهلك لحين ثبات صحة شكواهم، مؤكدين على أن العميل الذى لا تثبت صحة شكواه يتحمل رسوم الفحصوات التى تجرى لدى كلية الهندسة جامعة القاهرة، وإذا ما ثبت العكس تتحمل الشركة المنتجة.
وبحسب خالد سعد الأمين العام لرابطة المصنعين، فى تصريحات لـ"اليوم السابع" فإن الرابطة طالبت جهاز حماية المستهلك، بعدم تحويل شكاوى العملاء للنيابة فى حال إن لم يرتضى بحكم الجهاز، مؤكدين أن بعض العملاء يشكون لدى جهاز حماية المستهلك وعندما يصدر الجهاز الحكم الخاص به، يرفضون الحكم ويجبرون الجهاز على احالة الشكوى للنيابة، مؤكداً على أن الافضل ان يتقدم العميل بنفسه للنيابة ويختصم الشركة ولا يكون جهاز حماية المستهلك طرف طالم لم يرتضى العميل حكمه.
عدد الردود 0
بواسطة:
ليلي حماد
ايه الكلام الفاضي ده؟
"طالبت رابطة مصنعى السيارات بتحمل العملاء رسوم فحص الشكاوى المقدمة لدى جهاز حماية المستهلك لحين ثبات صحة شكواهم" ... تقصد لحين لما صاحب التوكيل يظبط ورقة ويطلع المستهلك حمار ولا لحين لما التوكيل يسرق ويكذب ويفصل الورق بتاعه علشان ما يطلعش غلطان؟!!!!!! وليه ما تبقاش العكس؟ هو المستهلك اغني من توكيل مرسيدس ولا بي ام دبليو ولا حتى غبور؟!!!!!!!
عدد الردود 0
بواسطة:
إعلامية تونسية
قال يعنى حماية المستهلك تعطى العميل حقه
شوية حرامية ونصابين علشان اعمل شكوى ادفع ثمنها يبقى الناس محدش هيعمل شكوى خالص علشان ميغرمش من جيبه لشوية حرامية ماعندهم ضمير ولايهمهم العميل
عدد الردود 0
بواسطة:
محمد غريب حسن
مفيش حماية للمستهلك اساسا
جهاز حماية المستهلك مش بيعمل حاجه لصالح المستهلك وفى كل الاحوال المستهلك مش بيحصل على حقه ولو حصل بيعرفوا ازاى يكروتوا العميل وللاسف اصحاب المصالح بيعرفوا ازاى يظبطوا الدنيا وفى جميع الاحوال المستهلك مظلوم