استنكر الكاتب الصحفى خالد صلاح، رئيس مجلس إدارة وتحرير "اليوم السابع"، تصرف الدكتورة غادة والى، المتعلق بإلغائها السفر إلى لندن اعتراضا على حجز مقعدها ضمن الفئة الاقتصادية، وليست على درجة رجال الأعمال، قائلا:"لا يبدو لى أن هذا قرار صحيح من الوزيرة اللى رفضت السفر رغم أنها كانت بمهمة".
خالد صلاح يطالب الحكومة بالتحقيق مع وزيرة... by youm7
وأضاف خالد صلاح، ببرنامج "على هوى مصر" الذى يذاع على فضائية النهار one، ساخرًا:"ممكن لو واحد رجل أعمال أو مقتدر ورايح لمطار وعاوز يسافر على درجة البيزنس وملقاش تذكرته ماشى لأنه بفلوسه، لكن بفلوس الناس اللى بيتقشفوا، وده كلام بيفتح باب كبير جدا حول موضوع التقشف فى الحكومة، لأننا مش عارفين السفريات دى أهميتها إيه بالظبط".
ووجه رئيس تحرير "اليوم السابع"، حديثة للمهندس شريف إسماعيل، رئيس الحكومة، قائلًا:"كتير على الناس اللى أنت بتطالبها تتحمل ضريبة القيمة المضافة وأسعار تذاكر مترو جديدة وغلاء، وأسعار أنت مش عارف تسيطر عليها، وفلوس ضايعة فى فساد القمح، ويشوفوا وزيرة متأسفة تصنع هذا العمل، والأولى بالوزراء إنهم يستحملوا ويوفروا الفرق".
وطالب خالد صلاح، بإخضاع وزيرة التضامن الاجتماعى للتحقيقيات بسبب إلغاء سفرها إلى لندن بسبب اعتراضها على حجز مقعدها ضمن الدرجة الاقتصادية، مضيفًا "أنتى رايحة فى مهمة رسمية وأجلتيها، وفلوس كلها ضايعة وعيب جدا، وكنا نريد لهذه الوزيرة أن تضرب المثل فى هذا الأمر على الأقل باسم محبتها لهذا البلد، ولأنها أكتر واحدة بتتعامل مع الفقراء فى مصر".
عدد الردود 0
بواسطة:
مصطفى زعفرانى
وزيرة لم تمس قدمها الرصيف
لأستاذ خالد دى وزيره لم تحس بالفقيه الذى ينام جوعان او عطشان او لبس يستر بها جسده أولم تدرس التاريخ وسباق الصحابه للرسول والسير على الاقدم لليمن والشام لخدمه بلدهم ودينهم وحبا لرفع اسم بلدهم بين الأمم وللاسف الوزيرة تستغل الإعلام لإظهار خوفها على الفقراء بخلاف الحقيقه مثل بقيه الوزراء تحيا مصر.تحيا مصر..تحيا مصر
عدد الردود 0
بواسطة:
مليش فى السياسه
واضح ان سفريه للترفيه
لو سفريه دى مهمه اعتقد انها كانت سفرت حتى لو قطر درجه تالته ودا بيفتح باب ان اكيد فيه سفريات كتير للساده الوزراء ملهاش لزوم ولا كانت الست هانم البزنس ومن ما لغتش السفر
عدد الردود 0
بواسطة:
......
......
اقل حاجه تتعمل ان الوزراء بعد كده مايسافروش غير في الاقتصادي ولا احنا هانلم الفكه وهما مايضحوش بحاجه
عدد الردود 0
بواسطة:
محمد مهران
وزارة التضامن هى من اكبر بؤر الفساد فى مصر
الوزيرة المحترمة حولت المصريين الى متسولين بدلا من تدريبهم لاكتساب مهارة العمل حولتهم الى متسولين ينتظرون المعلوم من الحكومة و ملعون ابو الشغل وتحيا الهجرة الغير شرعية و الحكومة الفاشلة تدفع لهم تعويض عن فشلهم فى خيانة الدين و الوطن وتلويث سمعة البلد و تكليفها الملايين للبحث و انتشال الجثث.
عدد الردود 0
بواسطة:
samy
وزاره فاشله
شريف اسماعيل افشل رئيس وزراء فى تاريخ مصر ووزرائه افشل وافسد وزراء قى التاريخ والدليل اثنين منهم فى السجن الان والباقون كلهم يستحقون السجن ايضا.
عدد الردود 0
بواسطة:
سعيد
الوزراء كله بيدلع نفسه ولما ينكشف يقول من جيبى الخاص
وزير يسكن فى سميراميس هو ومكتبه وبعدين يقول من جيبى الحاص ووزيرة مع احترامنا تلغى سفرها للندن على الدرجة السياحية ثم تسافر الى فرانكوقورت وطبعا حتقول من جيبى الخاص لاننى اعتقد ان غادة والى وزيرة للتضامن الاجتماعى المصرى لا البريطانى ولا الالمانى وليس للتضامن الاجتماعى اى علاقات خارجية مثل الاستثمار او الخارجية او الاقتصاد او الطيران والسياحة او الهجرة تستدعى سفر الست الوزيرة الى اى بلد خارج مصر فى مهمة رسمية مدفوعة بدل السفر بالدولار الا ادا كانت رايحة تفتتح معرض ل الاسر المنتجة فى لندن او فرانكفورت او رايحة تتعالج على نفقة الدولة وكله بالدولار يا سادة كفاكم استفزاز للفقراء
عدد الردود 0
بواسطة:
حسين فؤاد
لك الله يامصر
انا بتبرع الفكة علشان كل وزير يدلع نفسة ياسيادة الرئيس الحكومة دى بتعمل ضدك دى حكومة خراب مصر حضرتك صابر عليهم لية حتى الان هما حاسين انهم هم فقط اولاد تسعة وباقى الشعب ولاد تسعة وتسعين