فجر المهندس إيهاب السعيد رئيس شعبة الاتصالات فى الاتحاد العام للغرف التجارية، مفاجأة من العيار الثقيل، وقال " إن شركات المحمول أوقفت عمليات مد منافذ البيع بالكروت فى انتظار نتائج اجتماع مزمع عقده يوم الأحد المقبل بين ممثلين للشركات و مع الجهاز القومى لتنظيم الاتصالات ومصلحة الضرائب".
وأضاف رئيس شعبة الاتصالات فى الاتحاد العام للغرف التجارية لـ"اليوم السابع"، أن كل الوكلاء والموزعين يبيعوا بنفس الأسعار القديمة لكن بعض التجار خزنوا كميات كبيرة من الكروت للحصول على مكاسب مضاعفه، رغم تنبيهات شعبة الاتصالات بالإلتزام بالأسعار القديمة لأنه حتى الآن لم ترفع الأسعار".
وكشف المهندس إيهاب السعيد ، أن المخزون من كروت المحمول دخل فى مرحلة النفاذ من الأسواق نتيجة اقبال تجار الجملة على تخزينه، موضحا " اجتماع يوم الأحد المقبل سيحسم أمر زيادة أسعار كروت المحمول لأنها تخضع لضريبتين الأولى 13 % والمحددة كضريبة مضافة بجانب ضريبة 8 % لأنها تم إدراج الاتصالات كسلع استفزازية.
عدد الردود 0
بواسطة:
جمال نور
حل المشكلة عندى
انزل يا باشا بكروت جديده والغى الكروت اللى محتكرها التجار وخليهم يشربوها والمنظومة تقبل الكروت الجديده فقط
عدد الردود 0
بواسطة:
عزت سيد
كروت الشحن
كلام صحيح تنزل الكروت بشكل جديد بالسعر الجديد والكروت القديمه بنفس السعر القديم وخلي الحراميه التجار يخزنو زي ماهمه عايزيين
عدد الردود 0
بواسطة:
أحمد حسين
الأرضي يكسب
الناس هترجع للتليفون الأرضي من جديد والمحمول هيبقي في أضيق الحدود...
عدد الردود 0
بواسطة:
belal sallouma
ده صفة مميزة للسفاحين وتجار الحروب
لو كان هناك اتجاة للقضاء علي الفساد في وزارة الاتصالات لفعلوا كما اقترح الزملاء اللي علقوا علي الخبر.وهو طبع كروت اخري وتوجيه ضربة قاسمة لظهر هؤلاء السفاحون تجار الحروب والازمات. هو ده حال السفاحين من التجار والمسئولين المعاونين لهم منذ زمن طويل وكل محتكري السلع بمعاونة الفاسدين المسئولين بمجرد اي قرار جديد يقوموا بتعطيش السوق واحتكار السلعة بغية تحقيق مكاسب خرافية بدون مجهود بمص دم وقلب الشعب المصري.الي متي وهؤلاء المسئولين يتركوا الشعب فريسة لمصاصي الدماء السفاحين تجار قوت الشعب بدون رقابة او خطة تضمن عدم استغلال الشعب
عدد الردود 0
بواسطة:
أبوزيد المصري
أسوء شعب يتاجر بالازمات و يقهر بعضه
مفيش فرصة بيفوتها تجار الأزمات سواء في مجال الاتصالات أو البان الأطفال أو أي سلعه يطلع منها سبوبه ولو بالحرام و ساعه الصلي تلاقي الأخ اول واحد بيهرول للمسجد..شعب مقرف
عدد الردود 0
بواسطة:
محمد ابورية
غلاء كروت الشحن
اولا فكره كويسة جدا الى قالها الزملاء اننا ننزل كروت جديدة بشكل جديد باكواد جديدةويتلغى الاكواد المفعلة على الكروت القديمة ..بس الاول يدوا التجار مهلة شهر انه بعد الشهر ده هتتلغى الاكواد دى ...ووالله ليوزعوها فى السوق وتبقى برخص التراب .. وبالنسبه للباشا الى بيقولك الكروت مغليتش لا طبعا الكروت بتتباع دلوقتى باسعار عالية ..انه زود 2 ج و 3 ج على سعر الكارت عجبك اشترى مش عجبك فى الف واحد غيرك هيشترى ..بقت بلطجة وعفية??????????
عدد الردود 0
بواسطة:
محسن محمد
دعوه للمقاطعه
فضلا ممكن نحتجب عن المحمول وا?نترنت لمده ساعه يوم السبت ولتكن السابعه مساء والله صدقوني هيندموا علي اليوم ال فكروا فيه برفع الاسعار
عدد الردود 0
بواسطة:
ali
قلت 13% لكن تجار التجزئة خلوها 20%
ابو 10 ب 12 و15 ب 18 و25 ب 30 و 50 ب 60 هذا ايام العيد ومش عارفين نرجع زي زمان نشتري كرت ابو 100 ب 115 وكمان يشحن ب 90 ج ............ طيب دي فكرة القيمة المضافة تخصم من الشحن وليس قيمة الكرت مثال كرت ب 50 ج يباع ب 50 ج لكن يشحن 43.5 ج وبذلك خصم القيمة المضافة 13% لكن اذا ترك الأمر للتجار سوف تصل لأكثر من 20%
عدد الردود 0
بواسطة:
طارق
فكرة
احنا نقدر نلغي سعر اي منتج ونرجعه زي ماكان بس نكون ايد واحدة مع بعض ونستغنى عن السلعة دي لمدة يومين بس
عدد الردود 0
بواسطة:
مصر
بالله عليكم اجتمعو واستعنو عن الكروت والاتصال يوم واحد لله
لله ....تعبنا من الاستغلال .. يعنى الضريبه يدفعها الشعب .. حتى يخصموا جزء من مكاسبهم الكتيره