وجه الكاتب الصحفى خالد صلاح، رئيس مجلس إدارة وتحرير "اليوم السابع"، 10 أسئلة "للحنجورية إياهم" المهاجمين باستمرار الرئيس عبد الفتاح السيسى، مؤكدا أن السياسيين فى مصر تاجروا بفقر الناس ليغتنوا هم فقط.
وكتب الكاتب الصحفى خالد صلاح، عبر حسابه الرسمى على "تويتر": "هو السيسى إللى منع الاستثمار وخرب الاقتصاد ولا تعطيل العمل وتحويل مصر لساحة مظاهرات كبيرة 4 سنين ورا بعض؟، هو السيسى إللى ضيع الاحتياطى الأجنبى ولا القوى السياسية إللى فشلت فى أى اتفاق بعد 25 يناير وسابت مصر فى فوضى شاملة".
وأضاف صلاح لـ"الحنجورية إياهم": "السيسى إللى عصر اللمون وجاب مرسى يكمل على خراب البلد ولا كفتجية السياسة إللى ركعوا للجماعة وسلموها رقبة مصر؟، هو السيسى إللى أفسد التعليم ولا انحطاط الأنظمة السابقة إللى أهملت البشر وأفسدت المناهج والمدارس والمعلمين؟.. هو السيسى إللى رفع نفقات الأمن بمزاجه ولا الإرهاب فى ليبيا وسيناء وحرق الكنائس وانهيار المنطقة بالكامل أمنياً".
واستكمل رئيس مجلس إدارة وتحرير "اليوم السابع"، أسئلته للحنجورية، قائلا: "هو السيسى إللى أهدر الرقعة الزراعية ولا الحيتان إللى بوروا الأرض وحولوها لمبانى بإهمال وتواطؤ النظام السابق؟.. هو السيسى إللى تسبب فى زيادة السكان ولا الجهل والغباء والفتاوى المريضة إللى حاربت تنظيم النسل 50 سنة بلا انقطاع؟".
وتابع صلاح: "هو السيسى إللى أفسد أوضاع شركات قطاع الأعمال ولا إللى خربوها وسرقوها فى 30 سنة وسابوها جثة مفيهاش أمل؟، هو السيسى إللى أفسد البنية التحتية فى المياه والكهرباء والصرف الصحى والطرق ولا إللى سرقوا مصر 100 مرة فى 30 سنة؟.. هو السيسى إللى هرب أمواله برة مصر ولا انتوا، السيسى حط نص فلوسه لتحيا مصر وبيكافح بموازنة ميتة ومحدش واقف جنبه".
وقال صلاح فى تعليق بعد أسئلته العشر" إن السياسيين فى مصر تاجروا بفقر الناس عشان هما بس إللى يغتنوا، الناس فقيرة من 100 سنة وإللى وعدوهم معملوش حاجة، دى أول مرة نشتغل بإيدينا وبجد".
عدد الردود 0
بواسطة:
سعد الدين
غياب القانون وفساد مبارك
لاشك أن إهدار الارضى الزرعية فى مصر بداء من عصر فساد مبارك اللى تسببت فيها المحآيات وموظفين المحليات والرشوه والفساد وصلنا للحاله ده من ضياع الرقعه الزرعية والثانى مصر بدون منظومه محترمه لا تعليم ولا صحه ولا أيضا مبانى وخطط محترمه يحترمها القانون والوطن وتدخل الفرض المصرى وخاصه الموظفين الصغار تربيه نظام مبارك الرشوه سعادة اللى فساد البلد فى جميع مؤسساتها إنقاذ مصر يجب إعادة النظر فى جميع تشريعات والقوانين الضعيفه حتى الجناية لا يمكن ابدا نبنى وطن وسط قوانين ضعيفه وتشريعات أسواء ما فى العالم العربى عاوزين أجانب تدير جميع مؤسسات مصر
عدد الردود 0
بواسطة:
مصرى
برافو أستاذ خالد
برافو أستاذ خالد.....أحسنت ....ولذا نطلب من السيسى ....بلاش طبطبه الله يخليك إنت رئيس جمهوريه وتستطيع أن تأمر والجميع ينفذ ما تقول وبسرعه جداً
عدد الردود 0
بواسطة:
الوحش
معك كل الحق
للاسف الناس تركت عقولها وسلمت نفسها لتجار اوطان كل واحد صايع عامل نفسه ناشط سياسي وهو مَش عارف يكتب اسمه والساده اللي فاكرين نفسهم من النخبه وراحو اجتمعو مع مرسي في الفندق الشهير ودعموه ودو البلد في داهيه والأدهي انهم بعد ما ضيعو البلد لِسَّه بيتكلمو ومش عاجبهم .... والشعب بصفه عامه مَش عايز يشتغل والنَّاس فهمت الديمقراطيه علي انها فوضي وقلة ادب .......
عدد الردود 0
بواسطة:
ايهاب
الاستاذ خالد صلاح
ردا على اسئلة الاستاذ خالد صلاح حقيقى اسئلتك جابت من الاخر وبصراحة انا متاكد ان السيسى بيشتغل لوحده وبيحارب لوحده احنا وصلنا لمرحلة كاننا فى مراكز قوى تانى فى البلد بس المرة دى مراكز قوى اقتصادية هى بتتحكم فى الدولار واليورو .اشكرك على كل اسئلتك وفعلا كلها فى الجون .
عدد الردود 0
بواسطة:
masry asyl
يسلم قلمك الف مره
لو كل واجد عنده ضمير وراجع النقاط ديه ووقف جنب البلد بالعمل او المال او حتى السكوت لانه احيانا يكون نعمه انشاء الله بلدنا ينصلح حالها
عدد الردود 0
بواسطة:
yehya966
أيوه كده ياخالد اتكلم صوتنا اتنبح
أيوه كده اتكلم يا أخي خلية الكلاب الخونه اللي عاوزين مصر تركع يعروفوا ان الشعب فائسهم وعارف بلاويهم ، إنت ياخالد ( واسمح لي أقولك ياخالد لأنك زي ابني ) كلامك مسموع بفضل الله وبفضل اليوم السابع احنا صوتنا انبح ولما بنكلم يعني تقول بنكلم كام واحد 10 ولا 20 ونسكت مصر هتفضل مصر لكن الناس دي مش لازم تعيش بينا يغوروا في 60 ألف داهية وكفاية اللي خادوه ، وكما بفكرك بجمال وعلاء مبارك ( صحيح اللي اختشوا ماتوا ) كل شويه ناطين ويتصوروا ويستفزوا الناس ، جابو الفلوس منين ؟؟؟ هه ! من أموال الشعب الغلبان اللي مطحون ، وفي الآخر بيفرضوا ضرايب ، شفت حلقلك خالد يوسف كانت هتجيله جلطه والبهوات حواليه خايفين على الأغنياء وبيطبطوا عليه ؟ ياراجل بلاش قرف ، والله والله والله و1000 والله ان في ناس كتير ما بتشوف اللحمة بالشهر وعليها ، في ناس فقيرة كتييير بصوا عليه شويه ، والغني بدل ما يستفز الناس وحفلات وصور يداروا بس عننا علشنان ماندعيش عليهم ..
عدد الردود 0
بواسطة:
علي عبدالغني الوحيلي
أعمى البصيرة لا يرى
دول عمي ولا يريدون أن يرووا أى شئ من الحقيقه الواقعيه التي قصدتها بتلك الأسئله إنهم يعكسون الواقع الأيجابي بشكل شيطاني ... أخرسهم الله حتى يعاد لهم بصيرتهم المفقوده بعد أن تمر تلك الأزمة التي أوشكت للرحيل بأذن الله تعالى ..
عدد الردود 0
بواسطة:
Mahmoud abd el hamed
تعليق علي مقاله الاساذ خالد
احسنت وضعت يدك وليس اصبعك علي الذين يعلقون كل شيئ علي السيسي. هم يصنعون ستاره يتخفوا خلفها وهم ممن ساهم. في الحاصل الان هم لا يحبون مصر هم يحبون انفسم هم اصحاب الحناجر ازاحهم الله من مصر
عدد الردود 0
بواسطة:
Mohamed Eldeeb
كلام موزون
شكرا أستاذ خالد على التحليل الى قلته والله عبرت بكلمات موجزة وملخصة عن كل إلى عايزين نقوله الناس فاركه الراجل معاه عصا سحرية من سنين والحكاية بايظة ومطلوب هو فى يوم وليلة يصلحها . تسلم يا أستاذ خالد تحية لحضرتك ولمقالك المحترم وشكرا لحضرتك
عدد الردود 0
بواسطة:
Abeer
تسلم ايديك
ياريت الناس تفهم وتعى أستاذ خالد المشكلة كمان انى انا واحدة من ملايين مؤيدين للرئيس السيسى لكن فعلا هم نجحوا انهم يحبطونا ويحسسونا انى مافيش امل وللاسف الظروف مساعدهم للاسف الواحد تكتشف انى نكبة مصر فى نخبتها حسبنا الله ونعم الوكيل وينصرك ياريس #هنقاتل_معاك_ياسيسى