بعد حملة "بلاها شبكة".. انقسام على "تويتر" حول استبدالها بفضة

بعد التفاعل الكبير على حملة بلاها شبكة التى دشنها مجموعة من الشباب بعد الارتفاع الكبير فى أسعار الذهب إلى وصل إلى 500 جنية، دشن عدد من رواد موقع التغريدات الصغيرة "تويتر" هاشتاج "شبكة العروسة فضة" للتشجيع على استبدال الشبكة من الذهب إلى الفضة.

وانقسم مستخدمو الهاشتاج بين مؤيد للفكرة فى سبيل التسهيل على الشباب فى ظل الإرتفاع المبالغ به فى الأسعار، وبين معارض للفكر وكان أغلبهم من الفتيات التى رأت فى الشبكة حق لها.

والجانب المؤيد للحملة كانت أراؤه كذلك قال حساب يحمل اسم "سمسم" :"عن نفسى مبحبش الدهب ومبلبسوش أصلا.. ولو حصل واتخطبت يادوب دبلة ومحبس وخلصانه.. في بلدان ااصلا مبيتجوزوش بدبل ولا بيلبسوها"، واتفق معها فى الرأى وليد قاسم قائلا" لو فى حب موجود بينهم دهب او فضة مش هتفرق " .

وقال أحمد "الشبكة كده كده هدية العريس لعروسته بس تضمن منين ان اللي جاي شاري بنتك هيتعب عشانها؟ متقطعش من لحمه وبرضو متسيبهاش اوي" ، فيما رأي بدر ضرورة التخلص من كل الكماليات التى تعوق الزواج قائلا " وبلاش نيش كمان وبلاش تكاليف الفرح الاوفر دي وبلاش نضغط اهل العروسه ف حاجات كتتتير ملهاش لازمة " .

فيما قال أحمد سمير "هترتاحي أما يجيبلك شبكه سوليتير ويبقي تفكيره مادي ولا اما يشبكك بخاتم من حديد زي ما الرسول قال وتعيشي معاه ملكه" .

أما عن الجانب المعارض للهاشتاج فيتلخص رأيه أن الشبكة فى مصر من أساسايات الزواج حيث قال مصطفى "مستحيل أصدق أن ممكن البنت تتنازل عن الشبكة حاجتين البنات مش بيتنازلو عنهم الشبكة وفستان الفرح" ، فيما قال إيهاب الرفاعى"ماهو برضوا الصراحة راحة ... الواحد عايز يتجوز بنت الناس بشبكة فضة ولم حد يتقدم لأخته استحالة يرضي بحاجة زي كدا ..طب ازاى ".

و رأى محمد أبو عمر أن أهل العروسة لا يمكن أن يقبلوا بهذا الوضع قائلا "لو فاكر انك هتجبلعا شبكه فضه وهيا موفقه أن اهلها هيوفقوا ...لا انسى انت بتحلم " ، فيما قال سامح "مش قادر يجيب دبلة واسورة دهب تبقي هيجوز ازاي ويكون مسئول عن عائلة واولاد وعايشهم ازاي استني متبهدلش بنات ناس معاك " .

موضوعات متعلقة :

جوزني بربع جنيه.. بلاها شبكة.. شلوها من القائمه" حملات تطالب بإلغاء الشبكة بالمنيا