مدافع الأهلى لـ"على جبر": ارمى ورا ضهرك .. احنا فى مجتمع بيشوه أى حاجة

وجه سعد سمير مدافع النادى الأهلى رسالة لزميله على جبر مدافع الزمالك بعد الهجوم الذى تعرض له الأخير بسبب هدف الجابونى ماليك إيفونا فى مرمى الأبيض، خلال مباراة القمة التى حسمها الأهلى بثنائية نظيفة .

وجاءت الرسالة التى نشرها سعد سمير على صفحته على موقع التواصل الاجتماعى كالتالي:
"متستغربش من اللى بيحصل ولا تزعل نفسك انتا فى مجتمع بيحاول يشوه أى حاجة وبيستنى لأى شخص يغلط أو يعمل حاجة وحشة علشان يشمت فيه أو تتحسب عليه ولو عمل حاجة كويسة بيعملوا نفسهم مش واخدين بالهم ويبصو الناحية التانية..انا عارف أن ثقتك فى نفسك كبيرة ومفيش حد فينا مبيغلطش فى مجال من شغله بس ده قدرنا وفجأه كله تحول لملايكة ومبيغلطش ..محدش ينكر أن على ودويدار من أحسن المدافعين فى مصر ومحدش قال انهم مغلطوش بس هنعمل ايه ندبحهم أو نموتهم دى كورة ووارد فيها كل حاجة وفى ناس نجوم دلوقتى وعملوا كوارث قبل كدة وحتى لو عاوز تنقده انقده بطريقة ايجابية ..انت لعيب كبير يا على وأخ وصديق وغير كده من أحسن المدافعين فى مصر وأنا واثق فى الكلام ده ارمى ورا ضهرك اللى جاى أفضل ليك ان شاء الله".