قال الدكتور جلال سعيد، وزير النقل، إن الدولة تحتاج فقط لاستعادة تكاليف التشغيل اليومية لمرفق مترو الأنفاق، مثل الكهرباء والحراسة والأمن والسائقين، مشيرًا إلى أن تذكرة مترو الأنفاق حاليًا مدعومة من الدولة بحوالى 700% من قيمتها الفعلية، وأن أى قرار بزيادة أسعار مترو الأنفاق، سيكون قرار دولة وليس الوزير منفردًا.
وأضاف "سعيد"، خلال لقاء له مع الإعلامى يوسف الحسينى، ببرنامج "السادة المحترمون" على فضائية "أون تى فى"، أن تذاكر مترو الأنفاق تغطى 60% من تكاليف المرفق، فى حين أن الخسائر السنوية تبلغ من 300 إلى 350 مليون جنيه.
وأشار وزير النقل، إلى أن هناك متأخرت لوزرة الكهرباء وشركات الحراسة والنظافة، موضّحا: "إحنا من حظنا عندنا شركات متعاقدين معاها بعضها مملوكة لجهاز الخدمة الوطنية فمستحملين شوية، لكن لو بنتكلم على شركات قطاع خاص مش هيستحملونا".
وزير النقل: تذكرة المترو مدعومة بـ700% من... by youm7
عدد الردود 0
بواسطة:
علي
ليه الخوف
شي عجيب ومحير كل السلع زادت اضعافا مضعفة وانتم خائفون من زيادة المترو اذا كان الطعام والشراب والملبس والمسكن وكل شي ارتفع بصورة جنونية
عدد الردود 0
بواسطة:
خالد المصري
700 ايه يا دكتور
احنا شعب فقير و تذكرة المترو مدعومة ب 700 % يعنى خسارة كبيرة للدولة و لو غليت التذكرة يبقى خسارة للمواطن الفقير . يعنى مشروع فاشل .... امال بتعملوا مراحل تانية ليه غاويين خسارة و لا هاتفضلوا تذلونا بالدعم. مافيش مشروع يكسب و يساعد الناس الفقرا فى نفس الوقت ؟ حرام كده. اشتغلوا شوية يا دكتور
عدد الردود 0
بواسطة:
.......
سيبها وامشي
ايوه ماهي ناقصاك انت التاني. المسؤول اللي كل دوره انه يغلي علي المواطن و مايدورش علي مصادر يزود بها دخل المرافق يبقي يجيب كرسي ويجي يقعد مع الشعب يمكن ربنا يرزقنا بحد بيحب البلد و يفكر. ايه رايك نلغي المترو عشان الخسائر ونلغي المواصلات عشان نوفر دعم البنزين ونرجع لعصر الجمال عشان ترتاحوا يا شوية فشله ابتلينا بكم سواء انتم او الاخوان
عدد الردود 0
بواسطة:
الكبير اوى
ايها الفاشلون
غليتوا كل حاجة ورشدنا الاستهلاك وفرضتوا ضرايب جديدة وبرده انتوا فاشلين كفاية بقى روحوا بقى وسيبونا فى حالنا روحوا على الاغنياء وسيبوا الغلابة تركب المترو علشان تروح تموت نفسها فى الشغل علشان تلاقى تاكل العيش حاف منكم لله
عدد الردود 0
بواسطة:
mido
700% كده خبط لزق
اتحداك لو طلعت يا سيادة الوزير فى الاعلام وذكرت تفاصيل الدعم المزعوم اللى بتتكلم عليه بالارقام بعيدا عن الارقام الجزافية اللى بتستخدمها فى كل مرة بتتكلم فيها عن زيادة اسعار تذاكر المترو
عدد الردود 0
بواسطة:
عصام أسعد
دعم + سوء إدارة + ؟؟؟؟
معالي الوزير .. في ضوء الأرقام ممكن المعادلة تكون كما ذكرت سعادتك .. لكن بتحليل المصروفات والبُعد الاداري والتنظيمي ستجد أن العاملين بالمترو بهم فائض 1400? نعم العاملين 15 ضعف الاحتياج .. ماكينات تذاكر المترو المعطلة عند معظم ابواب الخروج كم صرف عليها العام المنتهي تقريبا 12 مليون + وعليها جيش من الموظفين لتجميع التذاكر !!! أرجو تحليل الخسائر والدعم وكم يرجع لسوء الادارة.
عدد الردود 0
بواسطة:
احمد
قولتها قبل كدا
الوزير اللي يوافق علي مسؤولية لازم يكون قدها او يروح. المترو بيخسر لانكم فاشلين. فين الاعلانات فين تاجير محلات في كل محطة. فين ترشيد النفقات.. لو التزمتم بكل دا المترو حيكسب اضعاف وممكن تغلوا التذاكر في حالة ان المواطن حيروح اكتر من خمس محطات وبنسبة وتناسب لكن مينفعش يا جناب الفاشل كل شوية تقعد تقول بنخسر بنخسر زي الاطفال انت راجل وزير يعني عندك صلاحيات تعمل تطوير شامل بالمرفق احسن من الرغي مع الاعلام في حجم المشكلة اللي انت فيها
عدد الردود 0
بواسطة:
hatem
ازاي
ازاي مدعومة 700% هو المفروض ثمن التذكرة يبقي 700 جنيه
عدد الردود 0
بواسطة:
د\مصطفى
اين وعودك ياوزير النقل
لقد وعدت بافتتاح طريق شبرا بنها فى سبتمبر2016وتبخرت الوعوود والناس تعانى كل يوم
عدد الردود 0
بواسطة:
مصرى
السبب الرئيسى لخسائرالمترو رواتب العاملين به المرتفعة
الحل تطبيق قانون الخدمة المدنية على المترو هيقلل المرتبات للنصف ويتكسب هيئة المترو مش لازم كل مدير محطة مترو ياخد 30 الف جنيه فى الشهر