لو تعبت من أكل المطاعم العادية اللى بتقدم أفكار تقليدية وزهقت من أكل البيتزا والبرجر ومن أكل البيت كمان وعايز تغير وتدوق حاجات مختلفة ومش غالية أوى، يبقى لازم تختار واحدا من المطاعم اللى بترفع شعار «من كل بلد أكلة».
المطاعم اللى من النوع ده مشهورة إنها بتقدم أكتر من أكلة من أكتر من مطبخ عالمى، يعنى البيتزا والبرجر وكمان الأكل الكورى بأطباقه الغريبة وألوانها الزاهية الشهية والصحية اللى بتتكون من 7 ألوان من الخضراوات والنشويات واللحوم، حيث يتميز المطبخ الكورى بطعامه الصحى، بفضل عدم إضافة الكثير من الزيوت أو الدهون بل تضاف إليه كميات كبيرة من الخضراوات وتتميز بتقليل الدهون زى طبق «بيبيمباب» اللى معناه الرز المخلوط والذى تمزج فيه أنواع متعددة من الخضار والمكونات الأخرى ضمن طبق واحد، وهو وجبة شهية وصحية، وكمان ممكن تجرب «البولجوجى» اللى بيعتمد على نفس الفكرة فى الأكل الكورى اللى بجد.
وبتحاول كمان المطاعم دى تقدم الأكل الشرقى البيتى اللى بيتناسب مع الصيام والأجواء الرمضانية زى الطواجن المعمولة بمزاج زى طاجن البطاطس باللحمة الموزة والأكلات المصرية القديمة اللى بتوحشنا من وقت للتانى، لكن بأسعار متوسطة تناسب الجميع.
وكمان مش بس هتاكل، هتلعب وهتكسب وده عن طريق مسابقات الأكل إلى بتقدمها مطاعم كتير واللى بتقام بين الأكيلة واللى بتميز المطاعم دى عن غيرها، فبتاكل وتستمتع بالمسابقات والمنافسة فى نفس الوقت، اللى بتتحدى الأكيلة بأطباق ضخمة زى ساندوتش برجر فى حجم البيتزا أو ساندوتش فاهيتا بطول 120 سنتيمتر، وتظهر المسابقة الأكيل الحقيقى من المزيف، حيث يمكن للأكيل الأصلى التهام كل محتويات الطبق فى وقت معين ليصبح الفائز وبالطبع لا يدفع شيئا.
لو نفسك فى عصير مختلف وزهقت من التمر هندى وقمر الدين يبقى عصير البطيخ المثلج هو الحل اللى بيروى العطش ويتقدملك بشكل غير تقليدى فى زجاجات تشبه البرطمانات الكبيرة.
وطبعا متنساش الحلويات الرمضانية الشهيرة اللى بتهون عليك صيام اليوم بأكمله، بأنواعها وأشكالها المختلفة، فممكن تجرب الكنافة المحشية بالكريمة أو المانجو أو كنافة اللوز والنوتيلا.
المطاعم فى رمضان مش أكل وعصير وبس.. لأ ده فى مسابقات للأكيلة التقال.. يعنى "أكل ببلاش"
الثلاثاء، 07 يوليو 2015 05:00 م
المطاعم فى رمضان
كتب محمد مصطفى - تصوير محمد الحصرى
مشاركة
اضف تعليقاً واقرأ تعليقات القراء
مشاركة
اضف تعليقاً واقرأ تعليقات القراء
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
Masria
تقرير اليوم السابع للمطاعم رائع
....