عايز تعيش مرتاح البال
طنش ... طنش
اوعى تفكر فى الأحوال
طنش ... طنش
لا تلوم قريب و لا اندال
طنش ... طنش
ده الدنيا ماشيه على دا الحال
طنش ... طنش
الكل ضاربك يا دنيا طناش
ماشى فى دربك كأنه فراش
الخطوة حاسبها ، مفيش ببلاش
النخوة راميها فى الأنعاش
الكل اتغير أيوه يا بيه
محدش شايف مين حواليه
ماعدتش عارف يا دنيا ليه
ماحدش عامل اللى عليه
الكل عايشها بالتطنيش
و لا حدش فيها عارف يعيش
عايشينها جوه أربع حيطان
و الوش دايما كدة زعلان
خف يا عم ده المعدن بان
و كفاية قسوة فين الحنان
الدنيا كدة حلقات تطنيش
الكل لابسلى وش شاويش
فوقوا يا ناس خلينا نعيش
قبل ما يوم نلاقيها مفيش
فوقوا يا ناس و كفاية تطنيش
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليقاً واقرأ تعليقات القراء
لا توجد تعليقات على الخبر
تم أضافة تعليقك سوف يظهر بعد المراجعة