بدء إضراب الأطباء والصيادلة بمستشفيات الصحة لرفض "الحوافز"

الأربعاء، 19 فبراير 2014 - 09:37 ص

صورة ارشيفية صورة ارشيفية
تطبيق آخر الأخبار من اليوم السابع


كتب وليد عبد السلام

دخل منذ الساعات الأولى من صباح اليوم، الأربعاء، آلاف الأطباء والصيادلة العاملين بوزارة الصحة فى إضراب جزئى عن العمل بالمستشفيات التابعة لوزارة الصحة على مستوى الجمهورية، اعتراضاً على تطبيق قانون الحوافز البديل عن الكادر.

وسرى الإضراب الجزئى على جميع الهيئات والمستشفيات التابعة لوزارة الصحة مستشفيات تعليمية وعامة ومركزية ومؤسسة علاجية، ومستشفيات أمانة المراكز المتخصصة، والتأمين الصحى وجميع المراكز والوحدات الصحية.

ولم يشمل الإضراب، المستشفيات الجامعية ومستشفيات القوات المسلحة والشرطة، ولا الخدمات الطبية العاجلة، والملحّة بجميع أنواعها، مثل الطوارئ والعمليات الطارئة والغسيل الكلوى والرعاية المركزة والحروق والحضانات والحميات وأى خدمة طبية عاجلة أخرى، ولا على التطعيم أو استخراج شهادات الميلاد أو الوفاة.

وأغلق الأطباء العيادات الخارجية وصيدلياتها فى عدد من المستشفيات الحكومية، وتم إلغاء العمليات الجراحية غير العاجلة بالمستشفيات، فيما تواجد الأطباء بكثافة فى عدد من المستشفيات بأقسام الطوارئ والاستقبال والحالات الحرجة لخدمة المرضى، وتخفيف وطأة غلق العيادات الخارجية بينما حرصت المستشفيات على توفير الأدوية العاجلة فى صيدليات الاستقبال والطوارئ.




تعليقات (12)

1

ماذا يريدون؟.

بواسطة: انور محمود الواحات

بتاريخ: الأربعاء، 19 فبراير 2014 10:44 ص

كل مصرى مقتنع ان هؤلاء يبنفذون خطة اخوانية امريكية اسرائيلية قطرية تركية مدفوعة الاجر لا احد يعرف ماذا يريدون ؟؟؟ انهم الفئة المميزة فى مصر امنعوهم من افتتاح عيادات خاصة ونرفع مرتباتهم التى هى اصلا اعلى راتب فى مصر كفاكم انكم مكشوفون امام الشعب

2

عليكم ان ترفعوا مصلحة مصر فوق مصلحتكم

بواسطة: hossam

بتاريخ: الأربعاء، 19 فبراير 2014 10:45 ص

هل هذا هو الوقت المناسب . أظنكم تصنفون علي انكم من الحاصلين علي اعلي الدرجات العلميه فكيف تكونوا سبب في تدمير مصر . لو أن الفئات الأقل تعلماً فعلت مثلكم لضاعت مصر و كلنا نعلم ان الوقت عصيب جداً . ضعوا مصلحة مصر قبل مصلحة الفرد فلو أضيرت مصر فلن نجد حتي الوطن الآمن .

3

أطباء آخر زمن

بواسطة: جمال أحمد جمال

بتاريخ: الأربعاء، 19 فبراير 2014 11:18 ص

الشعب المصرى العظيم يعان من أعباء الحياة المختلفة ويصبر حتى يتعافى الاقتصاد ولكن للأسف الشديد نجد السادة الاطباء الذين تعلموا على حسابه يعلنون العصيان عن العمل لعلاج المرضى ...عيب

4

امن الدوله

بواسطة: الهلوتى

بتاريخ: الأربعاء، 19 فبراير 2014 12:10 م

كان يقدر حد منكم يطلع يمسك يافته حتى ايام ومبارك والعادلى ويقول عايز وعايز والله فى سماه ما كان يشوف امه وابوه تانى الحل فى رجوع ضباط امن الدوله لتلجيم البلد والفوضى الكبيره

5

دراكولا

بواسطة: رؤف الصعيدى

بتاريخ: الأربعاء، 19 فبراير 2014 12:21 م

هؤلاء مصاصى الدماء فى ذيهم الابيض مخطىء من ظن يوما ان هؤلاء ملاكه الرحمه

6

محدش عارف حاجه

بواسطة: سبحان الله

بتاريخ: الأربعاء، 19 فبراير 2014 12:21 م

بنقول الاقتصاد واقع طب ازاىاللى رواتبهم باللاف والملايين وطبعا عارفين مين اللى بيخدو المرتبات دى ومش عارفي يطبقو عليهم الحد الاقصى للرواتب وفلوس البلد كلها فى جيوبهم ممكن اعرف البلد بتجيب ليهم فلوس منين عشان ياخدو المرتبات دى ونيجى على باقى فئات الشعب ويقولو البلد مفهاش فلوس والاقتصاد واقع ونقول الضمير لو عملو اكتفاء ذاتى واخدو من الناس اللى بتاخد بالملايين دى وخلى الشعب كله مسواى لبعضه هنحل المشكله لكن ازاى بقا اللى فوق فوق واللى تحت تحت ويقولو اصل المؤساسات دى بتجيب فلوس لكن الباقى مش بيجيب كأن البلد بقت نصيين اللى يجيب ياخد واللى مش يجيب لا ونسينا ان الكل محتاج لبعضه وان الكل بيخدم بعضه ونقول البلد مفهاش فلوس شوف القضاء والضرايب والجمارك والبترول وغير وغيره بياخدو كاااااااااااااااااااام والاطباء وغيرهم من اللى مش ليهم قيمه عند الناس دى بياخدو كام احنا مش بنطالب البلد انها تضرب الارض تجيب فلوس بس عاوزين عدل ومساواه وربنا عالم بكل شئ

7

حسبنا الله ونعم الوكيل فيكم هو دة وقته

بواسطة: احمد على

بتاريخ: الأربعاء، 19 فبراير 2014 01:17 م

هو دة وقته ولا فيكم اخوان بتدفعكم لذلك انتظروا لما البلد تقثف على رجليها ولا الليله ياعمدة حرام والله

8

اتقوا الله عيب عليكم

بواسطة: nagla

بتاريخ: الأربعاء، 19 فبراير 2014 01:22 م

والله انتم ناس ماعندكوش دم .... الناس الغلابه المريضه ذنبها ايه ؟ انتم بتذلوهم علشان مش في استطاعتهم يروحوا يتعالجو في مستشفيات خاصه ... بتستغلوا مرضهم و فقرهم علشان تضغطوا علي الحكومه ... منكم لله و ربنا مش حيبارك لكم في اي فلوس حتخدوها .. قطاعات كتير في الدوله اتأثرت بسبب الثوره و الارهاب زي قطاع السياحه و ماحدش عمل اللي انتم بتعملوه ...انتقوا الله

9

الانانيه وحب النفس دايما معاكوا وناسيين بلدكم

بواسطة: سمير احمد

بتاريخ: الأربعاء، 19 فبراير 2014 01:28 م

وباذن الله مصر لن تموووووووووووووت يااخوان

10

ما تفعلونه يثبت انكم غير وطنيين

بواسطة: مهندس / محمد

بتاريخ: الأربعاء، 19 فبراير 2014 01:41 م

أرجوا ان تفهموا ان كل قطاعات الشعب تعانى مثلكم من الحياه الغير مناسبه ولكن ليس هذا وقت الطلبات الفئويه المستتره وراء حالة السوء التى يعانى منها المرضى المصريين فما تفعلونه يثبت انكم اصبحتم مثل الإخوان و ان هناك من يقودكم مثلهم تماما فأرجوا التعقل و الرجوع الى الصف الجماهيرى الذى يتمنى الخير لمصر

11

تعليق علي اضراب الاطباء

بواسطة: داحمد نص

بتاريخ: الأربعاء، 19 فبراير 2014 02:13 م

انا طبيب بشرس جراح انف واذن وحنجرة ان صعبان عليا البلد لما تعانية من حالة ازمة اقتصادية طاحنة وكمان صعبا ن عليا الاطباء ومن يعملون في المهن الطبية لما يعانوة من فقر وضيق الحال بسبب المرتبات الضعيفة والمضحكة .... المطلوب العدالة من الدولة في توزيع الاجور بتنفيذ الحد الاعلي والادني للاجور ومحاربة الفساد او التقليل منة قدر الامكان وبذلك سيتوفر مبالغ هائلة لانصاف تلك الفئات المطحونة من الفقر ولكن ايضا علي السادة الزملاء في المهن الطبية التدرج في مطالبهم وما لا يؤخذ كلة لايترك كلة وربنا خلق الدنيا في ستة ايام ولم يخلقها في ساعة واحدة رغم قدرتة علي ذلك سبحانة ليعطينا القدوة وربنا يوفق الجميع

12

الى كل من يتهم الاطباء ويعترض على الاضراب

بواسطة: د.دعاء

بتاريخ: الأربعاء، 19 فبراير 2014 03:37 م

قبل ما تسالوا الطبيب بيضرب لية اعرفوا بيشتغل كام ساعة وبيقبض كام انا مرتبى بالحوافز 850 جنية بعد الزيادة دة مفروض يكفينى ويكفى المواصلاات و مطلوب اعامل المريض كويس وابتسم فى وشة واعطية وقت كافى فى الكشف و كمان اخد نبطشيات واقعد انا والممرضة معايا للساعة 8 مساءا مرعوبين ان احد يضايقنا فى الوحدة اللى بشتغل فيها لان مفيش تامين للمكان ولاا حتى حارس امن فين العدل فى الوظيفة دة مين يرضى بالظلم ابسط حقوق الطبيب انة يعيش حياة كريمة عشان يبقى عنصر ايجابى فعلا فى المجتمع احنا مش ملائكة احنا ناس بتحس وعايزة تعيش

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع



الأكثر تعليقاً