أغنية دنيا سمير غانم الجديدة تثير جدلاً على شبكات التواصل الاجتماعى

السبت، 14 سبتمبر 2013 - 10:24 ص

دنيا سمير غانم دنيا سمير غانم

كتبت سارة درويش ورحمة ضياء

أثارت أغنية "واحدة تانية خالص" للفنانة "دنيا سمير غانم" جدلاً واسعًا على شبكات التواصل الاجتماعى، بين مؤيدين لها ومعارضين، وآخرون يختلفون مع المعترضين عليها، فبينما رأتها بعض الفتيات ممثلة لهن، وتعبر عن "الحب الحقيقى" اعتبرتها أخريات إهانة للمرأة وإلغاء لشخصيتها وكرامتها، وأيدهن بعض الشباب الذين أكدوا أن الحب "ليس تعليمات" بل تفاهم متبادل، فيما تمنى آخرون أن يرزقوا بفتاة كتلك التى تتحدث عنها الأغنية.

واشتعلت مواقع التواصل الاجتماعى بتعليقات مختلفة على الأغنية منها "ملخص أغنية واحدة تانية خالص إن واحدة معندهاش شخصية بتحب مريض نفسى.. عادى فى منهم كتير فى مصر"، و"قعدوا يقولك المرأة مش ممثلة فى لجنة الدستور وحقوق المرأة.. وبأغنية واحدة.. دمرت دنيا سمير غانم كل الكلام ده"، و"أغنية دنيا سمير غانم تجسد مدى الذكورية اللى المجتمع عايش فيه رجالة أو ستات"، و"أغنية مستفزة جدًا.. فعلاً من أهم أعداء حرية المرأة هى المرأة"، "واحدة تانية خالص.. هى مش واحدة إنما مسخ ليس له شخصية ﻷ ومبسوطة أوى وهى بتنفذ طلبات سيدها".

فيما قال المدافعون عن الأغنية "لما تحبى هتعرفى معنى الكلام اللى فى الأغنية صدقينى لأن شرحه صعب أوى"، و"هو ليه البنات متضايقة من أغنية دنيا سمير غانم؟؟.. هو فى راجل متجوز مش عايش حياة رأفت الهجان خوفا من الموساد اللى اسمها مراته؟"، و"الأغنية دى حلم كل شاب والله حلم بسيط مش معقد يا جماعة"، و"البنات عندها مشكلة ليه مع أغنية دنيا سمير غانم؟.. هى مبسوطة وهى بتعمل اللى بتقول عليه ده؟.. ما تسيبوا الناس تنبسط".

كما انتقد آخرون الاعتراضات التى وجهها البعض للأغنية وقالوا: "الأغنية اتكلمت عن إن فى بنات من حبها بتعمل كده ومبسوطة ما عممتش، وفى الآخر أصلا البنات ما بيعجبهمش العجب"، وقال آخر: "الإخوة اللى بيشتموا فى أغنية دنيا سمير غانم الجديدة ما يختلفوش كتير عندى عن الناس اللى شتمت خالد الصاوى عشان قرر يمثل دور شاذ.. الاتنين بينطلقوا من رغبة هستيرية لنفى النموذج المحمل بالعار لدرجة أنهم مش قادرين يتعاملوا مع فكرة أنهم موجودين أصلا.. وعايزين يفضلوا طول الوقت حاسين باطمئنان وتحرر جوا الفقاعة المقفولة اللى بتردد كلامهم".

وتقول "منة شرف الدين" عبر صفحتها "أغنية دنيا سمير مش هوصفها عشان الوصف هيكون شتايم، الأهم أنها دليل على كارثة.. والله مجتمعنا عايش مأساة.. الأنيل من أن الراجل يبقى ذكورى وشايف الأنثى ناقصة إن الأنثى نفسها تبقى شايفة كده"، بينما علقت "ياسمين الجيوشى": "بعد ما سمعت أغنية دنيا سمير غانم الهاطلة بامتياز أحب أقولكم بلاش تهاجموا دنيا بالشكل دا.. استنوها بعد سنة من الجواز وهى بتطرقع لجوزها ومتنسوش يا جماعة فيه مثل بيقول "الغربال الجديد له شدة"، واتفقت معها فى الرأى "إسراء محمد على" فى الهجوم على الأغنية فى حين كان لـ"محمد إبراهيم" رأى مختلف حيث قال: "أغنية واحدة تانية خالص روعة جدا جدا ودى بتفهم لأن حبيبها إنسان حقيقى انتوا بس اللى تفكيركم غريب".

وتقول كلمات الأغنية المثيرة للجدل "جرالى إيه من ساعة لما جالى ده أنا بخاف من ثانية يروح بعيد، ده أنا بقيت بليل بسمع أغانى اللى قديم واللى نازل جديد، ده أنا بقيت بلبس على كيفه ومبقلش لأ على حاجة بيعوزها، ده أنا بقيت بشوف كل اللى بيشوفه والتعليمات بالحرف أنفذها، مهو خلاص سيطر على حياتى ومفيش ولاد غيره بكلمهم، لأ وكمان بينقى صحباتى، طب واعمل إيه؟ مش عاجبه معظمهم، ده أنا معاه تلميذة فى سنة أولى بس الغريب أنا مبسوطة كده، وبكون معاه على طول هادية وخجولة مع إن أنا فى حياتى مش كده".






تعليقات (39)

1

انا عاوز اشكر دنيا اوى اوى اوى

بواسطة: elmsry

بتاريخ: السبت، 14 سبتمبر 2013 11:22 ص

بجد انتى انسانه بتفهمى وعندك زوق عالى جدا جدا وحبيبك انسان بجد وانتى تستهلى كل خير واعتقد ان محدش يقدر يلومك انتى حبه كدا ودا احساسك ووجهت نظرك لحبيبك ممتازه وكلام الاغنيه ممتاز جدا برافو يا دنيا انتى برنسيسه

2

اغنية حلوووووووه اووووووي

بواسطة: menna

بتاريخ: السبت، 14 سبتمبر 2013 11:41 ص

الاغنيه عجبتني جدااااا وانا بنت
لو البنات دول حبو قبل كل هيفهمو كل كلمه..ومفيش راجل معملش الي اتقال في الاغنيه فيوم من الايام مع البنت المرتبط بيها
لازم يقولها تلبس محتشم وتقلل الكلام مع غيرو
انا عجبتني جدا

3

بسمعها من امبارح

بواسطة: هند

بتاريخ: السبت، 14 سبتمبر 2013 11:43 ص

الاغنيه لزيزه اوي والله

4

اغنيه تحفه

بواسطة: amir

بتاريخ: السبت، 14 سبتمبر 2013 11:45 ص

الاغنيهاكثر من جمممممممممممممممممممميله

5

Gamiilaa

بواسطة: Asmaa Lite

بتاريخ: السبت، 14 سبتمبر 2013 11:46 ص

el oghnya gamila w ra2iii2a awy
3agabetny

6

اغنيه ناجحه

بواسطة: رند

بتاريخ: السبت، 14 سبتمبر 2013 11:47 ص

انا كل اصحابي مقضين اليوم كله كلام عليهم دي خدت الجو من الاخوان والسياسه
ودا دليل نجاحها

7

الاغنيه دي عامله قلبان اكتر من البوم عمرو دياب

بواسطة: mohamed el mohandes

بتاريخ: السبت، 14 سبتمبر 2013 11:48 ص

الاغنيه دي عامله قلبان اكتر من البوم عمرو دياب
جامده اوي وانا بحب دنيا اصلا

8

ام كلثوم قالت اكتر من كده فاغانيها زمان

بواسطة: رامي الصيفي

بتاريخ: السبت، 14 سبتمبر 2013 11:50 ص

ام كلثوم قالت اكتر من كده فاغانيها زمان

9

الاغنيه الي حرقت دم البنات الغفر

بواسطة: fady mourad

بتاريخ: السبت، 14 سبتمبر 2013 11:51 ص

والله الاغنيه دي مش مجننه الا البنات الغفر
ههههههههههههههههه

10

سمعتها

بواسطة: امير ابراهيم

بتاريخ: السبت، 14 سبتمبر 2013 11:53 ص

والله لو لقيت بنت زي دنيا في الاغنيه لتجوزها فساعتها
يارييييت

11

بالعقل

بواسطة: نورا

بتاريخ: السبت، 14 سبتمبر 2013 11:55 ص

في ناس كتيرررررررررر بقت تنقد من باب انه عايز يبين انه انسان فاهم وعارف في كل حاجه
دي اغنيه في الاول والاخر لو انت عايش نفس الحاله دي تبقى بتاعتك ولو مش عايشها تبقى بتكلم ناس تانيه
زي الي بيمثل دور شخص معين مافيش ارتباط بينه وبين شخصيته الحقيقه
والمغني الي بيغني اغنية حب ولهفه وفي نفس الالبوم الاغنيه الي بعدها يغني اغنية فراق.. دا دليل انه لحق ساب حبيبته؟
الاغنيه بتجسد حاله محدده وموجهه لصاحبها
اما الاغنيه كالحن وموسيقى مافيش عليها خلاف

12

El Oghnya Ka2enaha Btewsfny belzabt

بواسطة: Hala Mahmoud

بتاريخ: السبت، 14 سبتمبر 2013 11:57 ص

El Comment Fo2

13

اخيييييييرا حاجه الناس في مصر بتتكلم عنها غير السياسيه

بواسطة: mohamed

بتاريخ: السبت، 14 سبتمبر 2013 12:04 م

اخيييييييرا حاجه الناس في مصر بتتكلم عنها غير السياسيه

14

gamela awi

بواسطة: nosha

بتاريخ: السبت، 14 سبتمبر 2013 12:08 م

gamellllllllllllla gdn gdn gdn gdddddddn

15

اغنية حلوه يا عالم يا اوفر

بواسطة: solom

بتاريخ: السبت، 14 سبتمبر 2013 12:12 م

على فكرة كل البنات اللى مش عاجبها الكلام بتاع الاغنية وبتقول مالهاش شخصية لما تحبى هتعرفى يعنى إيه تعملى اللى بيقولك عليه لإنه بيقولهولك عشان خايف عليكى مش عشان إنتى جارية عنده وإ،تى هتنفذيله كلامه عشان بتحبيه مش عشان مالكيش شخصية معاه

16

كلمات هذه الاغنيه ..

بواسطة: محاسب حسن درو يش حسن سيدى بشر الاسكندريه

بتاريخ: السبت، 14 سبتمبر 2013 12:21 م

تعبر عن الحب .. بمفهوم شرقى .. والخلاف ضدها عن مفهوم عكسى ... متجانس مع مفهوم شرقى وغربى .. بمعنى اخر .. توهان المشاعر الحقيقيه مع السلوك العصرى !!




17

faze3a

بواسطة: sara

بتاريخ: السبت، 14 سبتمبر 2013 12:25 م

ya ret koooooool elmo3''nen y3rfo y3mlo nos ao rob3 el nga7 ely 3amlah donia
mn o3''nea wa7da 2a3dt akbr el mo3''nen f bethom omal lma el album ynzl

18

اذكى فنانه في مصر

بواسطة: شادي

بتاريخ: السبت، 14 سبتمبر 2013 12:26 م

والله عمرو دياب بالبومه كله وكل تاريخه مالقاش ربع الضجه الي عملتها دنيا باغنيه
اذكى فنانه في مصر

19

اغنيه حلوه اوووووووووووفر

بواسطة: مي

بتاريخ: السبت، 14 سبتمبر 2013 12:27 م

اغنيه حلوه اوووووووووووفر

20

i live it

بواسطة: hany

بتاريخ: السبت، 14 سبتمبر 2013 12:29 م

i love it
special and new

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة

الأكثر تعليقاً