خطيب النور بالعباسية: "اللهم احفظ جيش مصر من أعداء الوطن"

الجمعة، 23 أغسطس 2013 - 02:06 م

صورة ارشيفية

كتب أحمد عبد الراضى

أكد الدكتور محمد الظاهر، وكيل أول وزارة الأوقاف وخطيب مسجد النور، أن من أقوى دوافع الحفاظ على المجتمع المحافظة على المال العام والخاص والمنشآت العام والخاصة التى تخص الدولة قائلا "الهدم ليس من الإسلام ويجب علينا البناء والانطلاق إلى الإمام".

وأضاف خطيب النور، خلال خطبة الجمعة بمسجد النور بالعباسية، أن الإسلام دين استقرار وحفاظ على جميع أنواع الحياة وليس الاعتداء والبطش وبالتالى يجب علينا التمسك بسنن الإسلام والمبادئ التى ارساها لأننا فى غفلة والمسلمين لا يعرفون شيئا عن إسلامهم، مشددا على حرمة الدماء فى ظل الظروف التى تمر بها البلاد وعدم الانفعال وراء الأحداث التى تعود بالضرر على الأمة الإسلامية.

ودعا خطيب النور بالحفاظ على الجيش المصرى فلم يعد لدينا فى المنطقة العربية جيش قوى إلا جيشنا ويجب أن نقويه ليحافظ علينا قائلا "اللهم احفظ جيشنا المصرى من كل سوء وضرر ووفقه بالثبات أمام أعداء الوطن الذين ينزلقون بالأمة الإسلامية إلى فقدان الهوية".

تعليقات (4)

1

مــــــــــــــــــــــــــــــــــصــــــــــــــــــــــــــــــــــــــــــــــــــــــ

بواسطة: هـــــــمــــــــســـــــه

بتاريخ: الجمعة، 23 أغسطس 2013 02:11 م

يا جماعه احنا بنطالب كتير الغرب بعد التدخل بس طول ما احنا بلد مش عارفه حجمها وعمالين نقسم في بعض لفلول واخوان وغيرهم ولسه التقسيم شغال ميدخلوش ليه ما بينا مش الغرب دول من ضمن مبادئهم (( فرق تسد )) طيب اهم نجحوا في التقسيم والتفريق ميتدخلوش ليه بقي ويشغلوا عقولهم وينتهزوا الفرصه

العيب مش علي الدويلات دي العيب عندنا احنا اللي بنديهم الفرصه كامله للتدخل لأننا مبنتعلمش من تاريخنا سواء علي المستوي المصري ولا العربي مبنتعلمش ان لو اتوحدنا مره كمصريين وعرب ممكن نعمل في الدويلات دي ايه ده احنا ممكن نمحيهم من علي وجه الارض وبسهوله زي ما بايدينا احنا الدويلات دي كبرت بسهوله للاسف بسبب اختلافنا وانقسامتنا بقي ليهم حجم وقوه احنا نختلف ونتقسم ونضعف من كيانا وهما يتوحدوا ويبقوا قوه عظمي

شوفتوا انتمائنا للاشخاص عمل فينا ايه يا مصريين بقينا فلول وبقينا اخوان وليبراليين وعلمانيين .... وغيره وكل فريق من دول ليه مؤيديه ومعارضيه شوفتوا التقسيمه وسعت ازاي ؟

انما لو كان انتمائنا الوحيد لمصر مصر وبس كنا هنلاقي مؤيد ومعارض بردو معتقدش الا بقي لو بينا خونه وساعتها بردو هنبقي كلنا واحد لأن الخاين مش هيبقي له مكان بيننا

مسألناش نفسنا سؤال اخرتها ايه ؟ مسألناش نفسنا سؤال احنا افترقنا واتقسمنا كده علشان خاطر مين وايه النتيجه اللي هنجنيها في الاخر من ورا الاختلاف ده ؟ طيب احنا بندمر في بلدنا دلوقتي ذنب بقي ولادنا اللي هييجوا في المستقبل ايه في خراب البلد اللي هيورثوه عننا هو ده اللي احنا هنورثه ليهم الكره والتفرقه والخصام والدمار لأ والله احنا متعلمناش كده من ابائنا وجدودنا علشان نعلمه لولادنا حرااااام والله اللي هنعمله فيهم

تعالوا يانتمائنا لمصر بس نبنيها لولادنا من جديد :) مصر هي اللي باقيه والحكم مش باقي لحد تعالوا نتوحد علشان نبقي قوه عظمي في المنطقه والعالم كله ومنسمحش لدويلات عديمه الجذور والحضارات دويلات متطفله انها تتحكم في دول بحجمنا عيب عيب اوي والله

طول ما ايدي في ايدك وطول ما هدفنا وانتمائنا لحاجه واحده وبس وهي ( مــــصــــر ) هنبنيها وتبقي احسن بلد في الدنيا ان شاء الله

بسم الله الرحمن الرحيم (( ولا تنازعوا فتفشلوا وتذهب ريحكم واصبروا ان الله مع الصابرين ))

(( واعتصموا بحبل الله جميعا ولا تفرقوا واذكروا نعمة الله عليكم إذ كنتم أعداء فألف بين قلوبكم فأصبحتم بنعمته إخوانا وكنتم على شفا حفرة من النار فأنقذكم منها كذلك يبين الله لكم آياته لعلكم تهتدون )) صدق الله العظيم ... همسه

2

(( لعن الله الجهل والفقر فكم ازلا شعوبا ودولا وامم))

بواسطة: ابو رامى الصعيدى

بتاريخ: الجمعة، 23 أغسطس 2013 02:14 م

بعد ان استمعتم لصفوة حجازى كيف يا شعب مصر وثقتم فى هؤلاء الشرزمة الضالة المضللة فلا دين لهم ولا اخلاق ولا حتى رجولةاو ثبات ؟؟؟ اى كارثة ومصيبةتلك التى اوقعتنا فيها الصناديق ؟ وصدق من قال (( لعن الله الجهل والفقر فكم ازلا شعوبا ودولا وامم))

3

الحفاظ علي الجيش لحماية الحدود مش الأنغماس في السياسه و عجن الدنيا

بواسطة: مشمشاوي

بتاريخ: الجمعة، 23 أغسطس 2013 02:17 م

.

4

اللهم آمين وانصره على اخوان صهيون الملاعيين ومن يؤيدهم

بواسطة: ،،

بتاريخ: الجمعة، 23 أغسطس 2013 02:19 م

,,

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع