كما انفردت الزميلة "الوطن"..

مبارك فى تسجيلات صوتية: كنت أقدر أستمر فى الحكم لكنى تنحيت لأحافظ على أرواح الناس.. عمر سليمان لم يمت مقتولا وكان عنده مرض خطير فى القلب.. ولادنا فى القوات المسلحة أبطال وزى الفل.. ومرسى بيتفسح

الثلاثاء، 18 يونيو 2013 - 10:46 م

الرئيس السابق حسنى مبارك

قال الرئيس السابق حسنى مبارك إنه كان بمقدوره الاستمرار فى الحكم فى فبراير 2011، لكنه تنحى حفاظا على أرواح الناس، حسب قوله، مشيرا إلى أنه لم يقم بإقالة المشير طنطاوى خلال أيام الثورة، حتى لا يظن بعض الناس أنه رفض تنفيذ الأوامر بضرب الناس بالسلاح، ومن ثم يتحول إلى بطل قومى.

وأضاف مبارك فى تسجيلات صوتية أعلنت عن الانفراد بها الزميلة الوطن، الأمور دى الواحد لازم يوزنها صح"، مؤكدا أن الجيش المصرى بخير، وفيه أبطال، وتابع: ولادنا زى الفل، عندهم أسلحة متطورة، وإحنا اشتغلنا على ده كتير، جبنا لهم أحدث الأسلحة وكان الأمريكان بيلاعبونا، وإحنا لاعبناهم كتير، لأن مفيش أغلى من الجيش فى مصر.

وعن حالة الضيق والمظاهرات من أداء الإخوان، قال مبارك "همه اللى اختاروهم"، معقبا على أداء مرسى والإخوان، بقوله "أهو بيتفسح".

وعن ملابسات وفاة اللواء عمر سليمان، نفى الرئيس السابق، أن يكون مات مقتولا، مضيفا، عمر كان مريضا، كانت عنده مشكلة خطيرة فى القلب، الله يرحمه، وعن احتمالات استمرار الإخوان فى الحكم، قال مبارك: "والله مش عارف.

وقال مبارك، فى التسجيلات التى أعلنت عنها الزميلة الوطن، والله بعد موت حفيدى كنت عايز أتنحى، كنت عايز أمشى، هما دلوقتى عايزين يبهدلونى، من المستشفى للسجن للمحكمة، فاكرين إنهم بيذلونى، لأ أنا فى حياتى شفت أكتر من كده بكتير، حاربت، وإحنا فى الجيش بنتعب كتير فى حياتنا، واتعودنا على الشقا، أنا ببساطة الآن عايش ومش خايف، ربنا هو العالم بكل شىء.

وتناول الرئيس السابق حسنى مبارك طبيعة الخلاف مع المشير أبو غزالة، بحسب التسجيلات، وقال إن أبو غزالة وافق على طلب الأمريكان بمنحهم قاعدة عسكرية فى مصر، وقالى لى ذلك فقلت له أنت مين عشان توافق، الأرض مش ملكك ولا ملكى.
ويواصل الرئيس السابق: "الأمريكان كانوا عايزين يعملوا لنا شبكة إلكترونية للقوات المسلحة، طبعا عشان الشاشة تكون فى أمريكا وإسرائيل، فقلت لوزير الدفاع زحلقهم، مفيش حاجة من دى هتحصل، رجعوا تانى وكانوا عايزين يوصلوا كل سنترالات القاهرة بسنترال رمسيس، واتفقوا مع وزير الاتصالات، وعرفت الموضوع من القوات المسلحة، وعرفت إن هذا المشروع معناه إن الأمريكان يقدروا يصيبوا الاتصالات فى مصر كلها بالشلل، يعنى لما يتوقف سنترال رمسيس تتوقف كل الاتصالات، وجبت وزير الاتصالات وقلت له إن كده معناه إن أى مكالمة لازم تعدى على سنترال رمسيس؟ فقال لى الوزير إن الأمريكان هيعملوا ده ببلاش، فقلت له اوعى توافق، فأجاب هما وصلوا سنترال الجيزة، قلت له كفاية الجيزة وزحلقهم بهدوء، وفعلا زحلقناهم".

وتابع مبارك: "فى 2006 أو 2007 جاء الأمريكان وطلبوا تردد FM للقاهرة الكبرى وذهبوا لوزير الإعلام فقال لهم إن القانون لا يسمح، فجاءنى السفير الأمريكى وكرر طلبه وقال إنهم حاجزين 270 مليون دولار من المعونة بسبب الموضوع ده، فقلت له خليهم عندكو، خليهم متجمدين أحسن".

تعليقات (277)

1

والله كلامك صح ... "أهو بيتفسح"

بواسطة: أحمد

بتاريخ: الثلاثاء، 18 يونيو 2013 10:52 م

ربنا كبير ولا يرضى بما نحن فيه وأكيد نصره قريب

2

فين ايامك يا ريس

بواسطة: مواطن مصرى

بتاريخ: الثلاثاء، 18 يونيو 2013 10:52 م

ربنا يشفيك يا يا ريس ويفك كربك ويغفر لك ذنوبك

3

الكلام ليكى ياجاره مع إنه كذب مصرى

بواسطة: ماجدحسنى عبدالله

بتاريخ: الثلاثاء، 18 يونيو 2013 10:53 م

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

4

ربنا يوفقك يامرسى

بواسطة: احمد صبرى ابو العز

بتاريخ: الثلاثاء، 18 يونيو 2013 10:54 م

ربنا يوفقك يامرسى

5

ياحنين يا مبارك قطعت قلبى يا منيل

بواسطة: ابو على

بتاريخ: الثلاثاء، 18 يونيو 2013 10:55 م

ياحنين يا مبارك قطعت قلبى يا منيل 0000 احنا كرهنا الاخوان اه لكن مش معنى كده اننا هنحبك 000 انت وهما وجهان لعملة واحدة

6

خير الكلام

بواسطة: مصرى خايف عليها

بتاريخ: الثلاثاء، 18 يونيو 2013 10:57 م

7

lمبارك فى تسجيلات .

بواسطة: سمير زاهر

بتاريخ: الثلاثاء، 18 يونيو 2013 10:57 م

بطل طول عمرك

8

منك لله

بواسطة: امه الله

بتاريخ: الثلاثاء، 18 يونيو 2013 10:58 م

وانت ضيعت السودان وضيعت سينا اللى اهملتها وكانك عاوز ترجعلهم على طبق من ذهب ودمرت علاقه مصر بافريقيا وانت المسؤل عن اللى وصلنالو دلوقت

9

ربنا يخليلك ملياراتك

بواسطة: جمال

بتاريخ: الثلاثاء، 18 يونيو 2013 10:58 م

ربنا يخليلك لملياراتك يا مخلوع
عامل فيها بطل دلوقتى

10

صوتك وحشنى يا ريس

بواسطة: Bassem

بتاريخ: الثلاثاء، 18 يونيو 2013 10:58 م

الشعب يريد جمال مبارك رئيسا للبلاد

11

رد

بواسطة: احمد

بتاريخ: الثلاثاء، 18 يونيو 2013 10:59 م

بس للاسف فى عهدك كترت السرقة والفقر والبلد مسكها رجال الاعمال وزاد المرض وذل المصريين والهجرة والبطالة

12

خبره

بواسطة: عوض

بتاريخ: الثلاثاء، 18 يونيو 2013 11:00 م

يا اخى حتى وهو مسجون تحس انه رئيس وكلامه موزون وهيفرسهم بتقله ,اهو بكره يقلك بيتكلم كويس يبقى بيتقدملوا اكل غير الى بيتقدم للاهبل الى بياكل هوا

13

واحد زينا

بواسطة: محمدشتله

بتاريخ: الثلاثاء، 18 يونيو 2013 11:01 م

لان الشعب لسه متغيرش و الحرميه لسه بيسرقو و النصابين لسه بينصبو وتجار الدين لسه بيتجروا بيه والعلمانيين لسه بيحربو الدين وحب العمل قل وحب الوطن قل وكتير من الناس عايزين يمسكو البلد مش للاصلاح لا عشان يحطوهه فى كرشهم وينزهو نفسهم يبق لازم ده يبق حال مصر وكان يبق مبارك الانسب لمصر اما الجيش المصرى فده خير اجناد الارض ربنا يحميهم وربنا معاكى يا مصر يصلح ولادك و حكامك و السلام ختام

14

كذاب . صدمة هروب زين العابدين بن على شلة تفكيرك

بواسطة: المهندس مرسى

بتاريخ: الثلاثاء، 18 يونيو 2013 11:01 م

ايها المخلوع الكاذب . لولا لطف الله بالمصريين وتم تثبيتك بهروب زين العابدين بن على
لقمت بابادة كل من فى التحرير واشاد اعلامك الفاسد بحكمتك فى انقاذ مصر من
مؤامره لتقسيمها بواسطة خونة واعداء مصر
ولكنه لطف الله بالمصريين وتدخل الجيش ارعب قلبك وجعلك من المرعوبين
فاخنث مصر نام على السرير بمجرد ان تم خلعه ولم يقوى على الوقوف على قدميه

15

ما شاء الله

بواسطة: حسين

بتاريخ: الثلاثاء، 18 يونيو 2013 11:02 م

ياريت ما تنحيت وكان حصل ليك مثل ال حصل للقذافى كانت البلد ارتاحة منك ومن اتبعاك الخونة ال فاكرين انك أنت وجمال الـ بتحكم مصر والحقيقة ال كان بيحكم مصر سوزان الله ارنى فيها يوم أسود من ال هى شيفاه

16

هى دى الوطنية

بواسطة: mkhalawy

بتاريخ: الثلاثاء، 18 يونيو 2013 11:05 م

هى دى الوطنية يا شعب مصر و اتعلموا يا اخوان

17

هذا هو الرئيس

بواسطة: د . عصام حمودة

بتاريخ: الثلاثاء، 18 يونيو 2013 11:06 م

والله خسارة انك مشيت ، عرفنا قيمتك بعد التنحى .

18

مبارك

بواسطة: mamdouh

بتاريخ: الثلاثاء، 18 يونيو 2013 11:09 م

الخير اللى عملته انك منعت الاخوان من اختراق الجيش ... عرفنا قيمة ده دلوقتى

وعارفين انك فوق الترابيزة كنت حليف للامريكان لكن فى الخفاء كان فيه مناورات والاعيب ومش مريحهم ....... كان عندك بعد نظر لابعد مدى

19

و لا تحسبن الله غافلا عما يعمل الظالمون

بواسطة: قارئ

بتاريخ: الثلاثاء، 18 يونيو 2013 11:10 م

اتقي يوم ترجع فيه الى الله يا مبارك
أنك لن تعيش مثلما عشت عمرك الان 85 سنة
و ستسائل أمام الله على كل كبيرة و صغيرة ما أثقل حسابك !
و لن يذكرك التاريخ بأي شئ سوى بالفساد و عقوق الوالدين و ضياع مصر
عهدك من أسوء العهود
و اذا كنت فعلا تدعي انك خائف عن الشعب ابعد فلولك المتسلطين عليه منذ 3 سنين ينشرون الفوضى و البلطجة في ربوع البلاد
من يترحم على عهدك هم الخونة و المفسدين في الارض
لن يذكر لك تراب هذه البلدة سوى نشر الفساد و الخراب وضياع مصر على كل الاصعدة و اخيرا الفشل الذريع
حسبنا الله و نعم الوكيل فيك

بسم الله الرحمن الرحيم ((وَلا تَحْسَبَنَّ اللَّهَ غَافِلا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ )) صدق الله العظيم

20

مش كدة ولا ايه

بواسطة: المواطن عزت

بتاريخ: الثلاثاء، 18 يونيو 2013 11:11 م

الله يرحم ايام ابطال مصر من جمال والسادات واخيرا مبارك الذى ضحى واتسجن واتنحى علشان عدم وجود دماء وعاصم عبد الماجد وامثالة بقى محافظ هـ هـ ه ه ه ه ه ه ه

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر تعليقاً