ننشر التفاصيل النهائية لكادر المهن الطبية قبل إعلانها بالشورى اليوم

الأربعاء، 12 يونيو 2013 - 10:55 ص

صورة أرشيفية صورة أرشيفية

كتب وليد عبد السلام

قال مصدر بلجنة الصحة بمجلس الشورى إنه سيعلن عن إقرار القانون بمجلس الشورى قبل "30 يونيو الجارى، مشيراً إلى أن وزارة المالية سترسل للمجلس الملحق المالى الخاص بالكادر لإضافته للموازنة العامة للدولة لعام 2013 |2014.

وأكد المصدر فى تصريحات لـ"اليوم السابع" أنه تم الاتفاق على أن يكون أساسى الراتب لأعضاء الفريق الطبى الحاصل على درجة البكالوريوس 1200 جنيه كحد أدنى، وأن بدل عدوى 15% من أساس الراتب، وبدل جذب للمناطق النائية، ويتراوح من 50% إلى 300% من أساسى الراتب.

وأضاف المصدر أن بدل الكادر سيكون 1500 جنيه للأطباء البشريين ونحو 1400 جنيه للصيادلة وأطباء الأسنان، وأن المرحلة الأولى سيتم خلالها تطبيق الكادر بنسبة 66% على أن يتم تطبيقه أو يوليو المقبل.

ومن المقرر أن تعقد لجنة الصحة بمجلس الشورى مؤتمرا صحفياً ظهر اليوم بالمجلس للإعلان عن تفاصيل ما توصلت إليه اللجنة فى الكادر.

تعليقات (17)

1

لا يوج عدل مع الاخوان مثل مبارك تماما

بواسطة: الكيميائي الكبير

بتاريخ: الأربعاء، 12 يونيو 2013 11:09 ص

المفروض بدل الكادر لمن يتفرغ للعمل و ليس له عياده خاصة لان حرام طبيب يتقاضي 5000 جم شهريا و هو قاعد في المستشفي ساعتين كانه ضيف و بعدين يروح يشتغل في العيادة بضمير ؟؟ لابد ان يكون بدل التفرغ ( الكادر ) للمدرسين و الاطباء و المهندسين و العلميين للمتفرغين فقط ؟؟ و من يحصل علي البدل و يثبت انه له عمل اخر يتم سجنه ؟؟؟ مع ملاحظة ان بدل التفرغ هو الكادر لان كلمة كادر لا يجوز لفئة دون غيرها

2

إلى رقم 1

بواسطة: Ahmed Hassan

بتاريخ: الأربعاء، 12 يونيو 2013 11:29 ص

شوف مرتب الدكتور كام وبعدين تعالى أتكلم و بعدين برا الدكتور بياخد مرتب و بيفتح عيادة. ليه عايز تخترع؟ لو مش دكتور بلاش تفتي لو سمحت

3

10 سنين طب

بواسطة: محمد حماده

بتاريخ: الأربعاء، 12 يونيو 2013 11:45 ص

و هم ال 1200 دول يشتروا ايه و لا مؤاخذه دا انا لو لكنت اشتريت باكسي بالقسط من سنه اولى كان زماني بجيب اضعاف المرتب ده

4

المفروض اى كادر يحسب على قدر العمل

بواسطة: سحر

بتاريخ: الأربعاء، 12 يونيو 2013 11:58 ص

التعليق فوق انا مدرسة رياض اطفال واعانى من الدروس الخصوصية كاى ولى امر والسادة الاطباء وكل التقدير لهم 99% منهم لهم عيادات خاصة بيسفوا فيها دون رحمة وكلنا يعلم قيمة الكشف والاعادة بكام ولهم يوم او يومين فى المستشفى حسبى الله ونعم الوكيل فى وزير المالية ووزير التعليم اللى مش عارف يجيب حق المدرس اللى علمه هو وغيره حتى رئيس الجمهورية وطبعا كل التقدير لوزير الصحة اللى عرف فى ظل الحالة الاقتصادية اللتى تعانى منها الدولة ان ياخذ حق الاطباء بهذه الارقام للعلم كادر المعلمين على الدرجة وبنسبة ضئيلة ويحسب على الاساسى الماضى ( السنة اللى فاتت ) ولم ناخذ 200% كباقى العاملين بالدولة بحجة الكادر واللهى الحوافز بنسبة 200%على اساسى العام الحالى افضل منا وربنا يحنن علينا وزير المالية والتعليم

5

الى الاستاذة سحر 4

بواسطة: فرعون

بتاريخ: الأربعاء، 12 يونيو 2013 12:31 م

مشكلتك انك مدرسة رياض اطفال و مش مدرسة تعرف تدى دروس . ما كناش سمعنا تعليق منك .
كيف انك تعانى من الدروس الخصوصية و تتكلمى عن الاطباء هكذا ؟ ما هذا الانفصام ؟
يبدو انك مش عايشة فى مصر و لا تعلمى شئ عن معاناة الاطباء من اول يوم فى الدراسة حتى التخرج ثم التخصص ثم ثم ثم ثم . اجمعى شوية معلومات و ستكتفى الحقية المرة .
ادعوا لك بان يكون احد ابنائك او بناتك من اطباء مصر ثم نسمع تعليقك . و شكرا

6

ارحمو الدكاترة كفاية قرررر

بواسطة: دكتورة مكتئبة

بتاريخ: الأربعاء، 12 يونيو 2013 02:06 م

يا ناس حرام عليكو
احنا اتبهدلنا 7 سنين مزاكرة فى الكلية كنا بنزاكر 48 ساعه فى اليوم ومش بننام وقبلهم سنتين ثانوية عامة اتقطم وسط اهلينا فيهم
دلوقتى احنا فى الامتياز بناخد 244 جنيه فى الشهر وبناخد نبطشيات وسهر وبلاوى سودا
يعنى لما نتخرج وربنا يكرمنا ونقبض الملاليم دول اللى هم 1200 نلاقى الناس مستخسراهم فينا

بالنسبة للدكاتة الى عندهم عيادات دول اساسا مش فارق معاهم الكادر فى حاجه دول معتمدين ع الدخل من العيادات ومن العمليات الى بيعملوها انما مش كل الناس عندها عيادات
الدكاترة دى اكتر فئة بتتبهدل وتتمرمط
طول اليوم العيانين تكح فى وشنا ولما تيجى تخيط لحد جرح فى ايده وتتعور يجيلك الايدز وفيروس سى فى الاخر بدل العدو بيبقا 13 جنيه فى الشهر
والقاضى بدل العدوى بتاعته بالالاف ليييه ما اعرفش
حسبى اله ونعم الوكيل فى دى بلد خخسارة شبابى فيكي يا مصر

الواحد لو اشترى توكتوك اشتغل عليه كان الناس هتقدره اكتر من كدا

7

للي مش عارف

بواسطة: طبيب مطحون

بتاريخ: الأربعاء، 12 يونيو 2013 02:27 م

اولا اللي بيألف و يقول الطبيب بياخد 5000 جنيه في الشهر دا فين دا ان شاء الله انا طبيب متخرج من 8 سنين مرتبي بالحوافز 1100جنيه شوف بقي سيادتك عامل النظافه بياخد كام في اي شركه نظافه بدل العدوي بتاعي 19 جنيه و انا اللي غرقان في فيرس سي و بي و ايدز 1100 جنيه دول مفروض اكل و اشرب و البس و اصرف علي اسرتي منهم وكمان اصرف علي الدراسات العليا منها...و كمان مش كل الاطباء فاتحين عيادات و لو فتح عياده بيفتحها بعد ما بيكون طلع روحو و روح اهلو اللي بيصرفو عليه حتي بعد التخرج و يا عالم كمان العياده تشتغل و لا لأ و لما الناس كلها ضد الاطباء و شايفه انها هي فئه متستحقش العيش الكريم بتصرفو ليه دم قلبكم علشان ولادكم يدخلو كليه الطب ما توفرو الفوس بتاعه الدروس الخصوصيه دي بقي... و دخلو ولادكم اي كليه اربع سنين و قلب و نصيحه مني بلاش تدخلو ولادكم كليه الطب لا نهم مش حيلاقو يصرفو علي نفسهم لان في ظل الجهل اللي احنا فيه دا صحه الانسان اخر حاجه الكل بيفكر فيها .....

8

علشان محدش يضحك عليكم

بواسطة: طبيب

بتاريخ: الأربعاء، 12 يونيو 2013 03:48 م

يا جماعة المرتب الاساسى 1200+بدل كادر 1500+15% بدل عدوى = 3000جنية
دة اللى لسة متخرج يعنى اللى بقالى 5 سنين فى الشغل المفروض فية 7% عن كل سنة
يعنى الموظف اللى يقولك مرتبك 1200 ...
وفى الاخر أفلح إن صدق

9

أين العدل

بواسطة: رفعت

بتاريخ: الأربعاء، 12 يونيو 2013 06:34 م

طبعاً مش خسارة فيهم بعد هذا العناء ولكن
اين العدل فالمدرس بعد 25 سنة عمل كل راتبه وكاااااااااااااااااااااااااااااااااااااااااااااااااااااااااااااااااااادره وحوافزه و بدلاته وسلاطاته وبابا غنوجه 1500جنيه رغم ان برضه (التربية والتعليم )وزارة خدمية فأين العدل؟؟؟؟؟

10

ليهم حق

بواسطة: 3laa

بتاريخ: الأربعاء، 12 يونيو 2013 11:17 م

الاخ بتاع المدرسين بيدوا دروس ناسى ان فى معلمين حاسب واخصائيين وتربية فنية ورياضية ونشاط ومعلمين فى مناطق نائية ومعلمين مواد بس بستحرموا الدروس هم اولى بالزيادة من الدكاترة الى بيتاجروا فى دم وقوت المرضى

11

مليار مبروووووووووووووك

بواسطة: Ahmed Cesar

بتاريخ: الخميس، 13 يونيو 2013 04:15 م

مليار مبروووك لكل اطباء مصر .....وارجو ان تكون الحكومه صادقه وتصرف الكادر فعلا كما هو معلن .... وعقبال باقى الفئات المصريه .... ونرجو من جميع موظفى مصر وكل فئات الشعب المصرى العمل باخلاص واتقان ..... قال تعالى ( ولا تنسو الفضل بينكم ). صدق الله العظيم

12

الي صاحب التعليق 10

بواسطة: rana

بتاريخ: الخميس، 13 يونيو 2013 07:32 م

يعني مع احترامي الشديد زي ما في مدرس حاسب واخصائي برده في دكتور معندوش عياده وفي دكتور عمل اللي ميتعملش لحد ما وفر تمن العياده بس ملهاش دخل وفي صيدلي معندوش صيدليه او عنده بش مش شغاله او صيدلي بيشتغل في صيدليه مرتبه فيها ميكملش الالف جنيه
وكتيييييييييييييييييييييييير من الامثال دي
وياريت متعممش ان كل الاطباءء بيمصوا دم الناس ويتاجروا في الدم
ومتنساش ان الدكتور ده اتعلم علي ايد مدرس مص دمه ودم اهله
كل ده ومتكلمناش عن بهدلة الدراسه والكليه وسنين الدراسه والمعاناه اللي طالب طب بيعانيها هو واهله قبل منه والدنيا كلها تقول راح الدكتور جه الدكتور وفي الاخر بابا وماما يدوله المصروف
اتقوااا الله بقي
الدكتور مبيطلبش حاجه مش حقه
ومن حق اي فئه اخري تطلب حقها بس متتكلمش تقول ان احنا اولي او الكلام ده
بجد عيب

13

توضيح للناس

بواسطة: محمود

بتاريخ: الأربعاء، 19 يونيو 2013 05:33 م

يا جماعة بس احنا لازم نفهم الناس وضعنا كويس عشان كل الناس فاهمه ان الدكاتره بيفتحوا كلهم عيادات ومبيرحموش والكلام الأونطة ده
يا جماعة اي دكتور ملوش حق فتح عيادة الا بعد ما ينتهي من الماجستير وده بيبقي بعد حوالي 6 سنين من وقت ما يتخرج من الكلية
في ال 6 سنين دول بئه نصرف منين يا جماعة واحنا اكيد هنكون متزوجين لان احنا بنتخرج من الكلية 27 سنة

ياريت يكون كل الناس غير الأطباء فهموا الوضع كويس

14

العدالة الاجتماعية يجب ان تشمل الجميع

بواسطة: السيد رشاد احمد

بتاريخ: الخميس، 20 يونيو 2013 08:33 م

لا يجب بعد ثورة يناير ان يكون هناك تمييزا بين فئات المجتمع على نفس منهج النظام السابق كى يسود الاحتقان بين فئات المجتمع .
بل يجب ان يوضع هيكل جديد للاجور يشمل جميع مؤسسات الدولة وكذلك جميع العاملين بالدولة بحيث تتحق العدالة الاجتماعية التى قامت الثورة من اجلها .
لا يجب ان يكون هناك كادر معلمين وكادر اطباء وكادر مهندسين و ...... الخ
اطالب رئيس الجمهورية الدكتور محمد مرسى بوضع جدول للاجور يحقق العدالة الاجتماعية . فقانون العاملين بالدولة المعمول به الان كان يحقق العدالة الاجتماعية وقت اصداره ولكن نظام الحوافز والبدلات والمكافئات افسد هذه العدالة الاجتماعية فتجد بعض المصالح الحكومية بها حافز 200% بينما يصل فى بعض المصالح الحكومية الى 1500% هذا فى بند الحوافز فقط .
لذا يجب وضع بعض التعديلات على جدول الاجور القديم لكى يتناسب مع متطلبات الحياه الحالية لان الهيكل القديم لم يعد يصلح فتجد راتب موظف على الدرجة الاولى بعد 25 سنة خدمة لا يصل الى 1500 جنيه بينما المطالبات الحالية بان يكون هذا الراتب هو الحد الادنى للدخل .
الخلاصة يجب وعلى وجه السرعة اتخا1 ما يلزم لاعادة هيكلة الاجور على مستوى كل مؤسسات الدولة وبما يشمل جميع العاملين بالدولة من العامل الى رئيس الجمهورية .

15

mo.ali908

بواسطة: محمد على محمد السيد

بتاريخ: الثلاثاء، 25 يونيو 2013 11:22 ص

لما التميز فى الفئات كلنا عند الله واحد فالطبيب لايعمل بالذى يتحصل علية فتفكيرة الحالي حب المال و عدم اتقان مهنتة لا يهمة شفاء المريض بقدر ما سوف يدفعة لهو

16

ان مع العسر يسرا قال تعالى (ان مع العسر يسرا) ولم يقل (ان بعد)

بواسطة: محمود كمال

بتاريخ: الأربعاء، 26 يونيو 2013 07:00 م

ان شاء الله وانا الحظ ذلك سيكون هناك لكل فئة كادر خاص بها والله يا جماعه البلد دى لو تستقر بس احنا سوف نستمتع بيها وبكل خيراتها شوفوا احنا بنتسرق من كام سنه ولسه ما شاء الله فيه خير واليكم هذه البشرى(قال بن كثير رحمة الله عليه لقد اورد الله تبارك وتعالى كلمة امنين فى القرءان مرتين مه المسجد الحرام(لتدخلن المسجد الحرام ان شاء الله امنين) ومع مصر(ادخلوا مصر ان شاء الله امنين)فقال امن مصر من امن المسجد الحرام وزوال مصر من زوال المسجد الحرام ان شاء الله فيه خير وتفاءلوا الخير تجدوه ولا داعى لاسلوب السخريه من احد (ولا تبخسوا الناس اشياءهم )فالطبيب تعب والمدرس تعب محدش وصل للى هو فيه من الساهل وبعدين هذه ارزاق والسلام

17

ظلم

بواسطة: ماهر جمال عبد الوهاب

بتاريخ: الجمعة، 28 يونيو 2013 10:36 ص

يعنى دة ظلم كبير لانى الاطباء هم المستفدين لانهم يكشفون فى الوحدات بمقابل مادى

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة

الأكثر تعليقاً